दिघंचीत मटका व्यवसायाचा सुळसुळाट; वारंवार तक्रारी करूनही कारवाई का नाही?

 'माझ्यावर काही टीका करू नका'; 'संविधानिक काही गोष्टी आहेत, त्या आपण मानल्या पाहिजेत, कायदा टेक्निकल गोष्टी पाळाव्या लागतात'; 'कायदा मानणारे आपण लोक आहोत, अंतिम हेतू आपला नक्की साध्य होईल'; 'विद्यार्थ्यांच्या मागण्यांसाठी मुख्यमंत्री सकारात्मक'; 'तुकाराम मुंढे MPSC गैरकारभाराविरोधातील चौकशी समितीत सचिव म्हणून काम करणार'; सरकारने मान्य केलेल्या मागण्यांचा मसुदा रोहित पवारांकडे सुपूर्त; विद्यार्थिनींकडून घोषणाबाजी; ११ दिवसांपासूनचे आंदोलन स्थगित; विवेक भीमनवार सक्तीच्या रजेवर; रोहित पवार म्हणाले 'विद्यार्थ्यांना डबल फायदा झाला'

क्रांती न्यूज (प्रतिनिधी) -  किरण देशमुख

पुणे : माझा अभ्यास कमी आहे, मी भारती विद्यापीठात शिकलो नाही, मी गरीबासारखा साताऱ्यात शिकलो, त्यामुळे माझ्यावर काही टीका करू नका, अशी टिप्पणी सार्वजनिक बांधकाम मंत्री शिवेंद्रराजे भोसले यांनी केली. सरकारकडून आज एमपीएससी आंदोलक विद्यार्थ्यांची भेट घेत आंदोलन मागे घेण्याची विनंती केली. संविधानिक काही गोष्टी आहेत, त्या आपण मानल्या पाहिजेत, कायदा टेक्निकल गोष्टी पाळाव्या लागतात, असेही शिवेंद्रराजे म्हणाले. शिवेंद्रराजेंसमोर विद्यार्थिनींकडून घोषणाबाजी करण्यात आली. शिवेंद्रराजे भोसले म्हणाले की, कायदा मानणारे आपण लोक आहोत, अंतिम हेतू आपला नक्की साध्य होईल.

दरम्यान, एमपीएससी संदर्भातील मागण्यांसाठी आंदोलनासाठी बसलेल्या विद्यार्थ्यांसाठी राज्य सरकारच्या वतीने मंत्री शिवेंद्रराजेंनी मोठी घोषणा केली. विद्यार्थ्यांच्या मागण्यांसाठी मुख्यमंत्री सकारात्मक आहेत, तुकाराम मुंढे MPSC गैरकारभाराविरोधातील चौकशी समितीत सचिव म्हणून काम करणार, अशी मोठी घोषणा शिवेंद्रराजेंनी केली. शिवेंद्रराजेंनी सरकारने मान्य केलेल्या मागण्यांचा मसुदा रोहित पवारांकडे सुपूर्त केला. MPSC संदर्भात आपल्या विविध मागण्यांसाठी विद्यार्थ्यांनी गेल्या ११ दिवसांपासून पुण्यामध्ये आंदोलन सुरू केलं होतं ते स्थगित करण्यात आलं आहे. महाराष्ट्र लोकसेवा आयोगाचे अध्यक्ष विवेक भीमनवार हे सक्तीच्या रजेवर गेले आहेत.

दरम्यान, एमपीएससी विद्यार्थ्यांच्या आंदोलनादरम्यान राष्ट्रवादी काँग्रेस शरद पवारांच्या पक्षाचे आमदार रोहित पवार यांना आंदोलक विद्यार्थ्यांची समजूत काढण्यासाठी मोठी कसरत करावी लागली. आंदोलन मागे घेण्याबाबत रोहित पवार आग्रही दिसत असताना, विद्यार्थी मात्र एमपीएससी अध्यक्ष विवेक भीमनवार यांच्या राजीनाम्याच्या मागणीवर ठाम होते. राजीनामा घेतल्याशिवाय आंदोलन मागे घेणार नसल्याची भूमिका या विद्यार्थ्यांनी घेतल्यामुळे आंदोलनस्थळी पेच निर्माण झाला होता. अखेर चौकशी पूर्ण होईपर्यंत एमपीएससीचे अध्यक्ष विवेक भीमनवार यांना सक्तीच्या रजेवर पाठवण्याचा निर्णय जाहीर करण्यात आला. या निर्णयानंतर विद्यार्थ्यांनी आंदोलन स्थगित करण्याचा निर्णय घेतला.

त्यानंतर एबीपी माझाशी बोलताना रोहित पवार म्हणाले, "१०० टक्के एक तर आम्हाला राजीनाम्याची मागणी होती. पण राजीनाम्याच्या पाठीमागे शेवटपर्यंत आम्ही राहिलो असतो, तर कदाचित आम्हाला यश मिळालं असतं, पण बरेच बरेच दिवस आणि बरेच महिने गेले असते आणि त्यात आम्हाला भीती वाटते विद्यार्थ्यांच्या भविष्याची, त्यांच्या परीक्षा, त्यांचा अभ्यास. मग आम्ही सरकारवर दबाव ठेवला, विद्यार्थ्यांची एकजूट होती, विद्यार्थ्यांची जी समिती (कमिटी) होती, त्यांनी तो लढा लढला आणि मग याच्यामध्ये डबल फायदा झाला. एक तर आपल्याला जागा वाढवून मिळाल्या, इतर मागण्या ज्या होणार नव्हत्या, त्या आपल्याला मान्य करून मिळाल्या. आणि त्याच्या दुसऱ्या बाजूला, तुकाराम मुंढे यावेत अशी या सगळ्यांची इच्छा होती. एमपीएससीच्या शुद्धीकरणासाठी एक कमिटी स्थापन करणं ही मागणी होती. तिथे तुकाराम मुंढे यांना आपण आणू शकलो आणि हे आणत असताना, अध्यक्ष त्या ठिकाणी नसावेत, अध्यक्षपदावर (नसतील), त्यामुळे त्यांना सक्तीच्या रजेवर सुद्धा पाठवण्यात आलं. त्यामुळे डबल फायदा या विद्यार्थ्यांना झाला. शेवटी सामान्य परिवारातले विद्यार्थी जिंकले आणि त्यांना पाठिंबा देण्याची मला संधी मिळाली, याचा आनंद आहे."

सरकारने विद्यार्थ्यांच्या अनेक मागण्या मान्य केल्या आहेत. एमपीएससीच्या शुद्धीकरणासाठी समिती स्थापन करण्यात आली आहे. या समितीत तुकाराम मुंढे यांची सचिव म्हणून नियुक्ती करण्यात आली आहे. तसेच, चौकशी पूर्ण होईपर्यंत अध्यक्ष विवेक भीमनवार यांना सक्तीच्या रजेवर पाठवण्यात आले आहे. यामुळे विद्यार्थ्यांना दुहेरी फायदा झाला आहे.

या प्रकरणामुळे राज्यातील राजकीय वातावरण चांगलेच तापले आहे. एका बाजूला विद्यार्थ्यांच्या आंदोलनाला यश आल्याचे सांगितले जात असता, दुसऱ्या बाजूला सत्ताधाऱ्यांनी हा निर्णय योग्य असल्याचे म्हटले आहे. या प्रकरणामुळे राज्यातील राजकीय समीकरणे बदलण्याची शक्यता नाकारता येत नाही.

एमपीएससी आंदोलनातून मंत्री शिवेंद्रराजे भोसले यांनी विश्वजित कदमांना अप्रत्यक्ष टोला लावला आहे. 'माझा कमी अभ्यास असल्याने भारती विद्यापीठात शिकलो नाही, मी गरीबासारखा साताऱ्यात शिकलो' असे ते म्हणाले. 'संविधानिक काही गोष्टी आहेत, त्या आपण मानल्या पाहिजेत' असेही त्यांनी सांगितले. तुकाराम मुंढे यांची MPSC चौकशी समितीत सचिव म्हणून नियुक्ती करण्यात आली आहे. विद्यार्थ्यांनी ११ दिवसांपासूनचे आंदोलन स्थगित केले आहे. विवेक भीमनवार सक्तीच्या रजेवर गेले आहेत. रोहित पवार म्हणाले की, 'विद्यार्थ्यांना डबल फायदा झाला.'