वसंत ग्रामीण बिगर शेती सहकारी पतसंस्थेचा उद्या सुवर्ण महोत्सवी सोहळा!

 

"आम्ही धर्म बदललेला नाही, हे 'लव जिहाद' नाही"; महाकुंभ व्हायरल गर्ल मोनालिसाची पहिली प्रतिक्रिया

 मुस्लिम अभिनेता फरमान खानशी हिंदू रीतीरिवाजांनुसार लग्न, आरोपांवर मोनालिसाचा सडेतोड खुलासा; माझ्या वडिलांनीही केली लग्नाला हजेरी नाकारल्याची माहिती

केरळ: महाकुंभमध्ये व्हायरल झालेल्या मोनालिसाने तिच्या अचानक लग्नामुळे चर्चेत आलेली आहे. मुस्लिम प्रियकर फरमान खानसोबत केरळमध्ये लग्न केल्यानंतर सोशल मीडियावर सुरू झालेल्या 'लव्ह जिहाद'च्या आरोपांना खुद्द मोनालिसाने पत्रकार परिषद घेऊन चोख प्रत्युत्तर दिले आहे.

हिंदू रीतीरिवाजांनुसारच लग्न

मोनालिसाने स्पष्ट केले की, हे लग्न पूर्णपणे हिंदू रीतीरिवाजांनुसार पार पडले आहे. ती म्हणाली, "खरं तर फरमान लग्न करण्यास तयार नव्हता, पण मीच त्याच्याकडे आग्रह धरला. माझ्या पालकांना आत्याच्या मुलाशी लग्न लावून द्यायचे होते. पण आत्याचा मुलगा हा माझ्या भावासारखा आहे, त्यामुळे मी त्या लग्नास नकार दिला आणि घरच्यांच्या विरोधात जाऊन हा निर्णय घेतला."

धर्म बदलाच्या अफवांवर स्पष्टीकरण

लव्ह जिहादच्या आरोपांवर बोलताना मोनालिसाने ठामपणे सांगितले की, "मी माझा हिंदू धर्म बदललेला नाही. जे लोक याला 'लव जिहाद' म्हणत आहेत, त्यांच्यासाठी स्पष्ट करते की आमच्यापैकी कोणीही धर्म बदललेला नाही. माझे वडील केरळमध्ये माझ्यासोबतच होते, पण ते थोडे नाराज असल्याने त्यांनी लग्नाला हजेरी लावली नाही."

पती फरमान खानचे मत

यावेळी बोलताना मोनालिसाचे पती फरमान खान म्हणाले, "आम्ही कलाकार आहोत आणि आमच्यासाठी सर्व धर्म सारखेच आहेत. मोनालिसा हिंदू आहे आणि तिची इच्छा होती म्हणून आम्ही हिंदू पद्धतीने लग्न केले. मला तिची खुशी महत्त्वाची आहे." फरमान हा दाक्षिणात्य आणि हिंदी चित्रपटसृष्टीत अभिनेता म्हणून कार्यरत आहे.

दिग्दर्शक सनोज मिश्रा यांचा गंभीर आरोप

दुसरीकडे, मोनालिसाला चित्रपटसृष्टीत आणणाऱ्या दिग्दर्शक सनोज मिश्रा यांनी मात्र या लग्नावर तीव्र नाराजी व्यक्त केली आहे. त्यांनी सोशल मीडियावर पोस्ट करत म्हटले आहे की, "हा बगावत (बंड) नसून 'लव जिहाद' आहे. हा माझ्या आयुष्यातील सर्वात वाईट दिवस आहे. मी तिला ट्रेनिंग देऊन अभिनेत्री बनवण्याची घोषणा केली होती, पण ती या जाळ्यात अडकली आहे." सनोज मिश्रा यांनी मोनालिसाच्या मॅनेजरवरही या प्रकरणात संशय व्यक्त केला आहे.