बुलढाणा: सैलानी बाबांच्या दर्शनासाठी लातूर जिल्ह्यातील अहमदपूर येथून निघालेल्या भाविकांच्या पिकअप वाहनाला मेहकर जवळ भीषण अपघात झाला. या दुर्दैवी अपघातात दोन भाविकांचा मृत्यू झाला असून, २३ जण गंभीर जखमी झाल्याची माहिती आहे.
मिळालेल्या प्राथमिक माहितीनुसार, सकाळी वाहन चालवत असताना चालकाला झोपेची डुलकी लागल्याने वाहनावरील नियंत्रण सुटले आणि अपघात घडला. घटनेची माहिती मिळताच स्थानिकांनी तातडीने मदत केली. जखमी भाविकांना मेहकर येथील शासकीय रुग्णालयात दाखल करण्यात आले असून, त्यांच्यावर उपचार सुरू आहेत.
अपघातात मृत्यू झालेल्या दोघेही लातूर जिल्ह्यातील अहमदपूर येथील बागवान कुटुंबातील आहेत. या घटनेने परिसरात हळहळ व्यक्त केली जात आहे.
दरम्यान, इतर अपघात
नागपूर: काटोल-वरूड रस्त्यावरील खड्ड्यांमुळे झालेल्या अपघातात प्रतीक पांडुरंग निकोसे (रा. जलालखेडा) या तरुणाचा मृत्यू झाला. रस्त्यावरील भेगा आणि खड्ड्यांमुळे वाहनाचा ताबा सुटल्याने हा अपघात झाला. दोन वर्षांपूर्वी सिमेंट काँक्रीट झालेल्या रस्त्यावर अजूनही मोठ्या प्रमाणात खड्डे पडलेले असल्याने नागरिकांनी रोष व्यक्त केला आहे. रस्त्याच्या दुरुस्तीची मागणी जोर धरत आहे.
वसई: वसई पश्चिमेतील माणिकपूर रोडवर रस्त्यातील मोठ्या खड्ड्यामुळे दुचाकी अपघात घडला. फुटयार्डो रेसिडेन्सीजवळ वडील आणि मुलगा दुचाकीवरून जात असताना खड्ड्यात घसरल्याने दोघेही रस्त्यावर कोसळले. दोघांनाही दुखापत झाली असून, सुदैवाने जीवितहानी टळली. ही संपूर्ण घटना सीसीटीव्ही कॅमेऱ्यात कैद झाली असून, व्हिडिओ सोशल मीडियावर व्हायरल होत आहे.
Post a Comment
Hi, thanks for reaching out to us! We’ve received your message and will get back to you shortly.
नमस्कार, आमच्याशी संपर्क साधल्याबद्दल धन्यवाद! आम्हाला तुमचा संदेश मिळाला आहे आणि आम्ही लवकरच तुमच्याशी संपर्क साधू.