वसंत ग्रामीण बिगर शेती सहकारी पतसंस्थेचा उद्या सुवर्ण महोत्सवी सोहळा!

उंची ६ फुट, वय वर्ष ६६ अन् डोळ्यांत अंगार; सर्वाधिक १००० कोटींच्या फिल्म्स देणारा सुपरस्टार, ओळखलं का कोण?

'केजीएफ २'पासून 'धुरंधर'पर्यंतचा प्रवास; तीन चित्रपटांनी गाठला १००० कोटींचा टप्पा, चौथ्याच्या प्रतीक्षेत

मुंबई: भारतीय सिनेसृष्टीत बॉक्स ऑफिसवर दररोज नवनवे विक्रम घडत असतात. काही कलाकार असे असतात की, जे स्वतःच्या उपस्थितीनेच प्रत्येक सीनला वेगळी उंची देतात. असाच एक दमदार आणि मोठ्या पडद्यावर जादू करणारा चेहरा म्हणजे, चाहत्यांचा लाडका 'संजू बाबा' उर्फ संजय दत्त. नव्वदचे दशक गाजवणारा हा वर्सटाईल अभिनेता आजही आपला तोच रुबाब, तीच स्टाईल आणि तोच स्क्रीन प्रेझन्स कायम ठेवून आहे.

१००० कोटींच्या क्लबमध्ये संजू बाबा

संजय दत्त यांनी सपोर्टिंग भूमिकांमधूनही अशी छाप सोडली आहे की, अनेकदा त्या सिनेमाच्या मुख्य अभिनेत्यावरही भारी पडतात. याचे सर्वात मोठे उदाहरण म्हणजे, १००० कोटींचा टप्पा गाठणाऱ्या अनेक मोठ्या सिनेमांमध्ये त्यांची ठसठशीत छाप दिसून येते. त्यांनी सलग तीन चित्रपटांसह ही कामगिरी केली आहे आणि चौथ्या चित्रपटाच्या प्रतीक्षेत आहेत.

'केजीएफ २'पासून सुरू झाली तुफानी कारकीर्द

संजू बाबांची ही १००० कोटींची तुफानी कारकीर्द सुरू झाली साउथ सिनेमा 'केजीएफ: चॅप्टर २' पासून. या चित्रपटात त्यांनी खुंखार अधीराची भूमिका साकारली. त्यांचा तो खोल आवाज आणि धडकी भरवणाऱ्या नजरेने थिएटरमध्ये सर्वांची धडधड वाढवली. या चित्रपटाने जगभरात १२०० कोटींहून अधिक कमाई केली.

जवान'मध्ये किंग खानसोबत जोडी

केजीएफनंतर संजय दत्त यांनी शाहरुख खानसोबत 'जवान'मध्ये पॉवरफुल सपोर्टिंग भूमिका साकारली. हा हाय-ऑक्टेन अॅक्शन ड्रामाही चांगलाच गाजला आणि त्याने ११६० कोटींची कमाई केली.

धुरंधर'ने रचला विक्रम

मात्र, खरी जादू दिसली 'धुरंधर'मध्ये. रणवीर सिंहची मुख्य भूमिका असलेल्या या स्पाय थ्रिलर चित्रपटात संजय दत्त यांनी निर्दय खलनायकाची भूमिका इतक्या तीव्रतेने साकारली की, प्रेक्षक त्यांच्यावरून आपली नजर हटवू शकले नाहीत. विक्रमांची मालिका रचत या चित्रपटाने १३०० कोटींहून अधिक कमाई केली. हा संजू बाबांचा १००० कोटींच्या क्लबमध्ये स्थान मिळवणारा तिसरा चित्रपट ठरला.

चौथ्या चित्रपटाची वाट

आता संजय दत्त 'धुरंधर २'सह सलग चौथा १००० कोटींच्या पार कमाई करणारा चित्रपट देण्याच्या उंबरठ्यावर आहेत. वयाची ६६ वी वर्षे गाठलेला, ६ फुट उंचीचा हा अभिनेता आजही आपल्या डोळ्यांतील अंगाराने चाहत्यांची मने जिंकतो आहे. ही केवळ आकड्यांची जादू नसून, संजू बाबांच्या त्या अविश्वसनीय व्यक्तिमत्त्वाची जादू आहे, जी ते साकारत असलेल्या प्रत्येक पात्रात प्राण फुंकते.