वसंत ग्रामीण बिगर शेती सहकारी पतसंस्थेचा उद्या सुवर्ण महोत्सवी सोहळा!

'महाराष्ट्राची हास्यजत्रा'फेम इशा डेची लग्नगाठ; नवराही इंडस्ट्रीतलाच, नाव आलं समोर

अभिनेत्रीने अभिषेक खणकरसोबर लग्न बंधनात अडकली; गीतकार असलेल्या नवऱ्यासाठी अनन्यासाठी गीतलेखनाचा पुरस्कार

मुंबई : 'महाराष्ट्राची हास्यजत्रा' या लोकप्रिय कार्यक्रमातून प्रेक्षकांची मने जिंकणाऱ्या अभिनेत्री इशा डेने आज (गुरुवारी) लग्न बंधनात अडकली. तिने पाचगणी येथे अभिषेक खणकर याच्याशी विवाह केला. इशाने सोशल मीडियावर पाठवलेल्या पोस्टमधून या आनंदाच्या क्षणाची माहिती चाहत्यांना दिली.

गेल्या काही दिवसांपासून इशा तिच्या लग्नामुळे चर्चेत होती. इन्स्टाग्राम स्टोरीवर तिने कपाळावर मुंडावळ्या बांधलेला फोटो पोस्ट करत लग्नाची माहिती दिली होती. मात्र, तिने वराचे नाव गुप्त ठेवले होते. आता लग्नानंतर तिने पतीसोबतचा फोटो शेअर केला असून, त्यातून अभिषेक खणकर याचे नाव समोर आले आहे.

कोण आहे अभिषेक खणकर?

अभिषेक खणकर हा मराठी मनोरंजन सृष्टीतील प्रसिद्ध गीतकार आहे. त्याने 'खुलता कळी खुलेना' या लोकप्रिय मालिकेचे गीत लिहिले आहे. याशिवाय 'लक्ष्मी निवास' या मालिकेचे टायटल साँगही त्याने लिहिले आहे. नुकतेच सुबोध भावे आणि मानसी नाईक यांच्या 'सकाळ तर होऊ द्या' या चित्रपटासाठी त्याने गीत लिहिले. 'अनन्या' चित्रपटातील गाण्यासाठी त्याला मराठी चित्रपट पुरस्कारानेही सन्मानित करण्यात आले आहे.

इशा डेच्या लग्नाला 'महाराष्ट्राची हास्यजत्रे'चे सहकलाकार वनिता खरात, प्रियदर्शनी इंदलकर, रोहित माने आदी उपस्थित होते. 'मज्जा आली पाहिजे' असे कॅप्शन देत इशाने त्यांच्यासोबतचा फोटो शेअर केला होता.

इशा डेचे खरे नाव काय?  

इशा डे हे तिचे स्टेज नाव असून, तिचे खरे नाव इशा वडनेरकर आहे. लंडन स्कूल ऑफ ड्रामामध्ये शिक्षण घेत असताना ऑडिशन देताना 'वडनेरकर' हे आडनाव उच्चारण्यात अडचण येत असल्याने तिच्या ट्यूटरने नाव बदलण्याचा सल्ला दिला होता. त्यानंतर तिने इशा डे हे नाव स्वीकारले. 'महाराष्ट्राची हास्यजत्रा'पूर्वी तिने 'अय्या', 'गुलकंद' या सिनेमांमध्ये भूमिका साकारल्या आहेत.