वसंत ग्रामीण बिगर शेती सहकारी पतसंस्थेचा उद्या सुवर्ण महोत्सवी सोहळा!

ट्रोलर्सना दीपिकाकडून सडेतोड उत्तर; रणवीरसह मुंबईत रेस्टॉरंटबाहेर स्पॉट, रणवीरच्या चेहऱ्यावर आनंद मावेना

'धुरंधर २'च्या यशानंतर सोशल मीडियावर ट्रोल झालेली दीपिका; पती रणवीरसोबत रेस्टॉरंटमध्ये दिसली, 'बब्बर शेर'च्या घोषणांनी दुमदुमला परिसर; हेटर्सना मिळालं सणसणीत उत्तर

'धुरंधर २' या चित्रपटाने बॉक्स ऑफिसवर धुमाकूळ घातला असून जगभरात ६०० कोटींचा टप्पा ओलांडला आहे. चित्रपटातील रणवीर सिंह यांच्या दमदार अभिनयाचे सर्वत्र कौतुक होत आहे. मात्र, या यशानंतरही रणवीरची पत्नी दीपिका पदुकोण  यांनी सोशल मीडियावर त्यांचं कौतुक न केल्याने त्यांना ट्रोलिंगचा सामना करावा लागला होता. आता दीपिकाने ट्रोलर्सना सडेतोड उत्तर देत रणवीरसोबत एकत्र रेस्टॉरंटमध्ये स्पॉट होऊन सर्वांचं लक्ष वेधून घेतलं आहे.

रेस्टॉरंटबाहेर प्रचंड गर्दी

अलिकडेच मुंबईतील वरळी येथील एका प्रसिद्ध सी-फूड रेस्टॉरंटमधून बाहेर पडताना रणवीर आणि दीपिका ही कपल स्पॉट झाली. या दोघांची एक झलक पाहण्यासाठी रेस्टॉरंटबाहेर प्रचंड गर्दी जमली होती.

रणवीर रेस्टॉरंटच्या बाहेर एकदम रुबाबात बाहेर आला. त्याला पाहताच 'बब्बर शेर, बब्बर शेर'च्या घोषणांनी परिसर दुमदुमून गेला. उपस्थित नागरिकांनी त्याचं जोरदार कौतुक केले. चाहत्यांनी घेराव घालून त्याच्या चित्रपटातील भूमिकेचंही कौतुक केले.

दीपिकाच्या चेहऱ्यावर अभिमान

नवऱ्याचं कौतुक होत असल्याचं पाहून दीपिका पदुकोण अभिमानाने हसताना दिसली. रणवीरने चाहत्यांना प्रेमाने ग्रीट केले आणि आपल्या चारचाकीमध्ये बसून दोघेही निघून गेले. रणवीरच्या चेहऱ्यावर आनंद मावेनासा दिसत होता.

व्हिडिओ व्हायरल, हेटर्सना उत्तर

सध्या दोघांचा हा व्हिडिओ सोशल मीडियावर व्हायरल होत आहे. नेटकऱ्यांनी या व्हिडिओवर लाईक्स आणि कमेंट्सचा वर्षाव केला आहे.

एका चाहत्याने कमेंट केली, "दोघेही एकत्र सुंदर दिसतात." तर काही नेटकऱ्यांनी 'आता हेटर्स कुठे गेले?' अशी कमेंट करत खोचक टीकाही केली. अनेकांनी रणवीर आणि दीपिका या सुंदर जोडीचं प्रचंड कौतुक केले आहे.

दीपिका आणि रणवीर एकत्र दिसल्याने हेटर्सना त्यांच्या प्रश्नांचं सणसणीत उत्तर मिळालं आहे, असं म्हटलं जात आहे.

नेटकऱ्यांनी का केली होती दीपिकावर टीका?

'धुरंधर २'च्या यशानंतर रणवीर सिंहला जगभरातून कौतुकाची थाप मिळत आहे. मात्र, त्याची पत्नी दीपिका पदुकोणने सोशल मीडियावर रणवीरच्या यशाचं कौतुक केलं नव्हतं. त्यामुळे नेटकऱ्यांनी तिच्यावर टीकेचे बाण सोडले होते. आता दीपिकाने थेट रणवीरसोबत उपस्थित राहूनच ट्रोलर्सना प्रत्युत्तर दिले आहे.

'धुरंधर २'ला सेलेब्सचीही भरभरून दाद

आदित्य धर दिग्दर्शित 'धुरंधर २' या चित्रपटाला केवळ प्रेक्षकांकडूनच नव्हे तर सेलिब्रिटींकडूनही भरभरून प्रेम मिळत आहे. अल्लू अर्जून, आलिया भट्ट, महेश बाबू, राम चरण, अनुपम खेर, राम गोपाल वर्मा, अर्जून कपूर, आयुष्यमान खुराना आणि राजकुमार राव यांसारख्या दिग्गजांनी चित्रपटाला उत्स्फूर्त प्रतिसाद दिला आहे.

रणवीर सिंहचं 'धुरंधर २' मधील हमजा अली मझारी हे पात्र प्रेक्षकांना भावलं असून, चित्रपटाने बॉक्स ऑफिसवर विक्रमी कमाई केली आहे.