वसंत ग्रामीण बिगर शेती सहकारी पतसंस्थेचा उद्या सुवर्ण महोत्सवी सोहळा!

 राजस्थान रॉयल्सचा विक्रम आरसीबीने मोडला, आयपीएलमधील सर्वात महागडा संघ, किती कोटींचा करार, नवा मालक कोण?

आदित्य बिर्ला ग्रुपच्या नेतृत्वाखालील संघाने १६,००० कोटी रुपयांमध्ये घेतली आरसीबीची १०० टक्के मालकी; गतविजेता संघ आता सर्वात महागडा

नवी दिल्ली: इंडियन प्रीमिअर लीगमध्ये मोठी हालचाल झाली आहे. राजस्थान रॉयल्सची विक्री झाल्यानंतर आता रॉयल चॅलेंजर्स बंगळुरू (आरसीबी) लाही नवा मालक मिळाला आहे. आदित्य बिर्ला ग्रुपच्या नेतृत्वाखालील एका संघाने आरसीबी फ्रँचायझी १६,००० कोटी रुपयांपेक्षा जास्त किमतीत विकत घेतली आहे. यासह आरसीबी आयपीएलमधील सर्वात महागडा संघ ठरला आहे.

किती कोटींचा करार?

आदित्य बिर्ला ग्रुप, टाइम्स ऑफ इंडिया ग्रुप, बोल्ट व्हेंचर्स आणि ब्लॅकस्टोन इन्व्हेस्टमेंट कंपनी यांनी संयुक्तपणे आरसीबी फ्रँचायझी १.७८ अब्ज अमेरिकन डॉलर्स म्हणजेच अंदाजे १६,००० कोटी रुपयांपेक्षा जास्त किमतीत विकत घेतली आहे. यापूर्वी, कल सोमानी यांच्या नेतृत्वाखालील संघाने राजस्थान रॉयल्स १.६३ अब्ज डॉलर्स (अंदाजे १५,२८६ कोटी रुपये) मध्ये विकत घेतला होता. आरसीबीचा हा करार राजस्थान रॉयल्सपेक्षा मोठा असून, आरसीबी आता आयपीएलमधील सर्वात महागडा संघ ठरला आहे.

नवा मालक कोण?

आदित्य बिर्ला ग्रुपचे संचालक आर्यमन विक्रम बिर्ला हे आरसीबी फ्रँचायझीचे अध्यक्ष असतील, तर टाइम्स ऑफ इंडिया ग्रुपचे सत्यन गजवानी उपाध्यक्ष असतील. या संघाने युनायटेड स्पिरिट्स लिमिटेडकडून बंगळुरू संघाची १०० टक्के मालकी मिळवली आहे. नवीन ग्रुप आरसीबीच्या पुरुष आणि महिला संघांचाही मालक असेल.

गतविजेत्या संघाची कामगिरी

रॉयल चॅलेंजर्स बंगळुरू हा आयपीएल २०२५ चा गतविजेता संघ आहे. अंतिम सामन्यात संघाने पंजाब किंग्सचा ६ धावांनी पराभव करून विजेतेपद पटकावले होते. आजपर्यंत, आरसीबी संघाने आयपीएल आणि डब्ल्यूपीएलमध्ये मिळून दोन ट्रॉफी जिंकल्या आहेत. महिला संघाने २०२४ मध्ये विमेन्स प्रीमियर लीगचे विजेतेपद पटकावले, तर २०२५ मध्ये रजत पाटीदारच्या नेतृत्वाखालील पुरुष संघाने पहिल्यांदाच आयपीएल ट्रॉफी उंचावली.

आयपीएल २०२६ मधील आरसीबीचे वेळापत्रक

रॉयल चॅलेंजर्स बंगळुरू आयपीएल २०२६ मधील आपला पहिला सामना २८ मार्च रोजी सनरायझर्स हैदराबादविरुद्ध खेळेल. त्यानंतरचे सामने पुढीलप्रमाणे आहेत:

 ५ एप्रिल : चेन्नई सुपर किंग्सविरुद्ध

 १० एप्रिल : राजस्थान रॉयल्सविरुद्ध

 १२ एप्रिल : मुंबई इंडियन्सविरुद्ध

आरसीबीचा संपूर्ण संघ 

कर्णधार: रजत पाटीदार

फलंदाज: विराट कोहली, देवदत्त पडिक्कल, फिल सॉल्ट, जितेश शर्मा, व्यंकटेश अय्यर, स्वप्नील सिंग, मंगेश यादव, विक्की ओस्टवाल, विहान मल्होत्रा

अष्टपैलू: क्रुणाल पंड्या, टीम डेव्हिड, रोमॅरियो शेफर्ड, जैकब बेथेल, कनिष्क चौहान, सात्विक देसवाल

गोलंदाज: जोश हॅजलवुड, यश दयाल, भुवनेश्वर कुमार, नुवान तुषारा, रसिख सलाम, अभिनंदन सिंह, सुयश शर्मा, जैकब डफी, जॉर्डन कॉक्स

आरसीबीच्या या ऐतिहासिक विक्रीमुळे आयपीएलच्या व्यापारिक मूल्यांकनात मोठी वाढ झाली असून, आगामी काळात इतर संघांच्या विक्रीकडेही सर्वांचे लक्ष लागले आहे. गतविजेत्या संघाने नव्या मालकीखाली आपली कामगिरी आणखी उंचावण्याचा प्रयत्न केला जाईल, अशी अपेक्षा आहे.