वसंत ग्रामीण बिगर शेती सहकारी पतसंस्थेचा उद्या सुवर्ण महोत्सवी सोहळा!

 सोने-चांदीच्या बाजारात भूकंप! एका आठवड्यात चांदी ३१ हजारांनी स्वस्त, तर सोन्याच्या दरात १३ हजार रुपयांची घसरण

आयबीजेएननुसार २४ कॅरेट सोनं १३५ हजारांवर, तर चांदी २ लाखांच्या घरात; एमसीएक्सवरही मोठी घसरण

सोने आणि चांदीच्या बाजारात आज (२३ मार्च) मोठी घसरण झाली आहे. इंडिया बुलियन अँड ज्वेलर्स असोसिएशननुसार सोन्याच्या दरात १२ हजार रुपयांहून अधिक तर चांदीच्या दरात ३० हजार रुपयांहून अधिक घसरण झाली आहे. आंतरराष्ट्रीय बाजारातील कमजोरी, व्याजदरवाढीची शक्यता आणि जागतिक अनिश्चिततेमुळे गुंतवणूकदार सुरक्षित गुंतवणुकीपासून दूर जात असल्याचे तज्ज्ञांचे मत आहे.

सोन्याच्या दरात मोठी घसरण

आयबीजेएनच्या दरानुसार, आज २४ कॅरेट सोन्याचा दर १,३५,१४१ रुपये प्रति १० ग्रॅम (एक तोळा) इतका आहे. शुक्रवारी हा दर १,४७,२१८ रुपये होता. म्हणजेच सोन्याच्या दरात एका आठवड्यात १२,०७७ रुपयांची घसरण झाली आहे.

२२ कॅरेट सोने: १,४६,६२८ रुपयांवरून घसरून १,३४,६०० रुपये (घसरण १२,०२८ रुपये)

१८ कॅरेट सोने: १,३४,८५२ रुपयांवरून घसरून १,२३,७८९ रुपये (घसरण ११,०६३ रुपये)

बुलियन्स को इनच्या दरानुसार २४ कॅरेट सोन्याचा दर १,४५,५२० रुपये प्रति तोळा इतका आहे.

चांदीच्या दरातही मोठी घसरण

चांदीच्या बाजारातही मोठी घसरण झाली आहे. आयबीजेएननुसार आज एक किलो चांदीचा दर २,०१,५०० रुपये इतका आहे. शुक्रवारी चांदीचा दर २,३२,२६४ रुपये प्रति किलो होता. म्हणजेच चांदीच्या दरात ३०,८६४ रुपयांची घसरण झाली आहे.

बुलियन्स को इनवर एक किलो चांदीचा दर २,२७,९६० रुपये इतका आहे.

एमसीएक्सवरही घसरण

मल्टी कमोडिटी एक्सचेंज (MCX) वरही सोने आणि चांदीच्या दरात मोठी घसरण नोंदवण्यात आली.

सोने: एमसीएक्सवर सोन्याच्या दरात ५.२५ टक्क्यांची घसरण होऊन तो १,३६,९०५ रुपये प्रति तोळ्यावर आला. शुक्रवारी हा दर १,४४,४९२ रुपये होता. सुरुवातीच्या कारभारात सोने १,३६,४०३ रुपयांपर्यंत खाली आले होते.

चांदी: एमसीएक्सवर चांदीच्या दरात ६.१७ टक्क्यांची घसरण झाली असून ती २,१२,७७६ रुपये प्रति किलोवर पोहोचली आहे. सुरुवातीच्या कारभारात चांदीच्या दरात १३,९९६ रुपयांची घसरण झाली.

का झाली घसरण?

तज्ज्ञांच्या मते, जागतिक स्तरावरील अनिश्चितता, व्याजदरातील संभाव्य वाढ आणि आंतरराष्ट्रीय बाजारपेठेतील कमजोरीमुळे गुंतवणूकदार सुरक्षित गुंतवणुकीच्या पर्यायापासून दूर जात आहेत. याचा थेट परिणाम सोने आणि चांदीच्या दरांवर झाल्याचे चित्र आहे.