वसंत ग्रामीण बिगर शेती सहकारी पतसंस्थेचा उद्या सुवर्ण महोत्सवी सोहळा!

एकीकडे उकाड्याने हैराण होणार मुंबईकर, तर मराठवाड्यावर अवकाळी पावसाचे सावट! हवामान विभागाच्या 'या' जिल्ह्यांना हाय अलर्ट

किनारपट्टीवर उष्णतेच्या लाटा, तर मराठवाडा-विदर्भात मुसळधार पावसाचा इशारा; अनेक जिल्ह्यांना यलो अलर्ट जारी

राज्यात काही दिवसांपूर्वी अवकाळी पाऊस आणि गारपिटीचा तडाखा बसला होता. आता मात्र प्रचंड उन्हाळ्याने जोर धरला असून कमाल तापमानाचा पारा पुन्हा एकदा ४० अंश सेल्सिअसच्या घरात जाताना दिसत आहे. भारतीय हवामान विभागाने (IMD) पुढील पाच दिवस राज्यभरात उकाड्याचा कडाका आणि काही भागात मुसळधार पावसाचा अंदाज वर्तवला आहे. विशेष म्हणजे किनारपट्टीच्या भागात उष्णतेच्या लाटा जाणवणार असून, मराठवाडा आणि विदर्भात अवकाळी पावसाचे सावट आहे.

मुंबईसह किनारपट्टीवर उष्णता तर मराठवाड्यात पाऊस?

हवामान विभागाने मुंबई, ठाणे, पालघर, रायगड आणि रत्नागिरी या जिल्ह्यांना उष्ण आणि दमट हवामानाचा यलो अलर्ट जारी केला आहे. तर दुसरीकडे, मराठवाड्यातील सांगली, सातारा, सोलापूर, धाराशिव, लातूर, नांदेड, हिंगोली तसेच विदर्भातील यवतमाळ, चंद्रपूर, गडचिरोली या जिल्ह्यांना वादळी वाऱ्यासह मुसळधार पावसाचा इशारा देण्यात आला आहे. अशा प्रकारे एकाच राज्यात एकीकडे उन्हाचा कडाका तर दुसरीकडे पावसाची शक्यता हवामान विभागाने वर्तवली आहे.

जिल्हानिहाय अलर्ट (२३ ते २६ मार्च)

२३ मार्च:

उष्णतेचा यलो अलर्ट: मुंबई, ठाणे, पालघर, रायगड, रत्नागिरी

मुसळधार पावसाचा यलो अलर्ट: सांगली, सातारा, सोलापूर, धाराशिव, लातूर (वादळी वाऱ्यासह)

२४ मार्च:

उष्ण व दमट हवामानाचा यलो अलर्ट: मुंबई, ठाणे, रायगड

पावसाचा यलो अलर्ट  सोलापूर, धाराशिव, लातूर, नांदेड

तुरळक पावसाची शक्यता: सातारा, सांगली, पुणे, हिंगोली

२५ मार्च:

मुसळधार पावसाचा यलो अलर्ट: सोलापूर, धाराशिव, लातूर, नांदेड

हलक्या पावसाची शक्यता: मध्य महाराष्ट्र व मराठवाड्यातील बहुतांश ठिकाणी

२६ मार्च:

वादळी वाऱ्यासह पावसाचा यलो अलर्ट: यवतमाळ, चंद्रपूर, गडचिरोली

सर्वाधिक तापमानाच्या नोंदी कुठे?

आज (२३ मार्च) वाशिम, अकोला, अमरावती, सांगली, सोलापूर आणि ठाणे या जिल्ह्यांमध्ये सर्वाधिक तापमानाची नोंद झाली. या भागात ३६ ते ३७ अंश सेल्सिअस तापमान होते. उर्वरित राज्यात ३५ ते ३६ अंश सेल्सिअसपर्यंत पारा पोहोचला होता. पुढील काही दिवसांत तापमानात आणखी वाढ होण्याची शक्यता हवामान विभागाने व्यक्त केली आहे.