वसंत ग्रामीण बिगर शेती सहकारी पतसंस्थेचा उद्या सुवर्ण महोत्सवी सोहळा!

  सोने-चांदीच्या दरवाढीला ब्रेक! 24 कॅरेट सोनं 2698 रुपयांनी स्वस्त, चांदीही 13547 रुपयांनी घसरली

 उच्चांकी पातळीवरुन सोन्यात 16271 रुपयांची घट; 22 कॅरेट सोन्याचा दर 1.50 लाखांवर, चांदी 2.65 लाख रुपये किलो

अमेरिका-इस्त्रायल आणि इराण युद्धामुळे गेल्या काही दिवसांपासून सुरू असलेल्या सोने-चांदीच्या दरवाढीला आज (५ मार्च) ब्रेक लागला आहे. भारतीय बुलियन ज्वेलर्स असोसिएशन (IBJA) ने जारी केलेल्या दरांनुसार 24 कॅरेट सोन्याच्या दरात 2698 रुपयांची घसरण होऊन ते 1,59,850 रुपये प्रति 10 ग्रॅमवर आले आहेत. सोन्याचा सध्याचा दर उच्चांकी पातळीपेक्षा 16,271 रुपयांनी स्वस्त आहे. यापूर्वी सोने 1,76,121 रुपयांपर्यंत पोहोचले होते.

सोन्याचे नवे दर (जीएसटीसह):

24 कॅरेट सोने: 1,64,645 रुपये प्रति 10 ग्रॅम (जीएसटीसह)

22 कॅरेट सोने: 1,50,815 रुपये प्रति 10 ग्रॅम (जीएसटीसह)

18 कॅरेट सोने: 1,23,484 रुपये प्रति 10 ग्रॅम (जीएसटीसह)

चांदीच्या दरात मोठी घसरण:

सोन्याबरोबरच चांदीच्या दरातही मोठी घसरण झाली आहे. IBJA नुसार चांदीचे दर 13,547 रुपयांनी कमी झाले असून जीएसटीशिवाय चांदीचा दर 2,57,800 रुपये प्रति किलो आहे. जीएसटीसह चांदीचा दर 2.65 लाख रुपये प्रति किलो इतका आहे. 29 जानेवारी 2026 रोजी चांदीचा दर 3,85,933 रुपयांवर पोहोचला होता, त्या तुलनेत सध्या चांदी 1,28,133 रुपयांनी स्वस्त झाली आहे.

महानगरांमध्ये काय आहेत दर?

बुलियन्स को इनच्या अपडेटनुसार विविध शहरांमध्ये सोन्याचे दर वेगवेगळे आहेत. IBJA ने दरात घसरण झाल्याचे सांगितले असले तरी प्रत्यक्ष सराफा बाजारात किरकोळ वाढ झाल्याचे दिसून येते.

नवी दिल्ली: 24 कॅरेट सोने - 1,61,770 रुपये (240 रुपयांची वाढ)

मुंबई: 24 कॅरेट सोने - 1,62,040 रुपये (230 रुपयांची वाढ)

कोलकाता: 24 कॅरेट सोने - 1,61,830 रुपये (230 रुपयांची वाढ)

चेन्नई: 24 कॅरेट सोने - 1,62,520 रुपये (240 रुपयांची वाढ)

लखनौ: 24 कॅरेट सोने - 1,62,100 रुपये (250 रुपयांची वाढ)

चांदीचे दर (प्रति किलो):

   नवी दिल्ली: 2,64,190 रुपये

   मुंबई: 2,64,650 रुपये

   कोलकाता: 2,64,300 रुपये

  पाटणा: 2,64,510 रुपये

   जयपूर: 2,64,610 रुपये

   लखनऊ: 2,65,290 रुपये

सोन्याच्या दरात वाढ-घसरणीची कारणे:

आंतरराष्ट्रीय घडामोडींचा सोने-चांदीच्या दरांवर थेट परिणाम होतो. सध्या सुरू असलेल्या अमेरिका-इस्त्रायल आणि इराण युद्धामुळे दरात मोठी चढ-उतार पाहायला मिळत आहे. गेल्या वर्षभरात चांदीच्या औद्योगिक क्षेत्रातील वापर वाढल्याने चांदीच्या दरात वाढ झाली होती. जागतिक आर्थिक अनिश्चितता आणि भूराजनैतिक तणाव या काळात गुंतवणूकदार भांडवली बाजाराऐवजी सोन्यात गुंतवणूक करण्यास प्राधान्य देतात, ज्यामुळे सोन्याच्या दरावर परिणाम होतो.