दिघंचीत मटका व्यवसायाचा सुळसुळाट; वारंवार तक्रारी करूनही कारवाई का नाही?

 अंबाजोगाई येथील रुग्णालयात उपचारादरम्यान आरोपी मंगेश कदमला मारहाण केल्याचा आरोप; विलास घुले यांचे भाऊ रमेश घुले आणि नातेवाईकांवर आरोप; सीसीटीव्ही व्हिडिओ समोर आल्यानंतर पत्नी छाया कदम यांनी बीडच्या पोलीस अधीक्षकांकडे तक्रार दिली; कारवाईची मागणी; खासदार बजरंग सोनवणेंच्या आरोपानंतर पुन्हा चर्चेत

क्रांती न्यूज (प्रतिनिधी) -  किरण देशमुख

बीड : बीडच्या केज तालुक्यातील टाकळी येथील विलास घुले हत्या प्रकरणाला आता नवं वळण मिळालं आहे. या हत्या प्रकरणातील आरोपी मंगेश कदम याला उपचारासाठी रुग्णालयात दाखल करण्यात आलं होतं. याच रुग्णालयात मंगेश कदम याला मारहाण करण्यात आल्याचा आरोप त्याच्या पत्नीने केला आहे. या घटनेचा सीसीटीव्ही व्हिडिओही समोर आला असून, मंगेश कदमची पत्नी छाया कदम यांनी या प्रकरणात कारवाईची मागणी करत बीडच्या पोलीस अधीक्षकांकडे तक्रार दिली आहे. या घटनेमुळे संपूर्ण बीड जिल्ह्यात एकच खळबळ उडाली असून, या प्रकरणाची चर्चा पुन्हा एकदा सुरू झाली आहे.

केज तालुक्यातील टाकळी फाटा येथे २१ जून रोजी विलास घुले आणि त्यांच्या मित्रावर आठ ते दहा जणांनी हल्ला केल्याचं समोर आलं होतं. यावेळी झालेल्या मारहाणीत चाकूचे वार झाल्याने विलास घुले यांचा मृत्यू झाला होता. या हल्ल्यात मंगेश कदम हादेखील जखमी झाला होता. विलास घुले हत्या प्रकरणात मंगेश कदम हा आरोपी आहे. मंगेश कदम याला उपचारासाठी अंबाजोगाई येथील रुग्णालयात दाखल करण्यात आलं होतं. मात्र, याच ठिकाणी विलास घुले यांचे भाऊ रमेश घुले आणि त्यांच्यासोबत असलेल्या काही नातेवाईकांनी मंगेश कदम आणि इतर काही जणांना मारहाण केल्याचा आरोप करण्यात आला आहे.

रुग्णालयातील या कथित मारहाणीचा सीसीटीव्ही व्हिडिओ आता समोर आला आहे. या व्हिडिओच्या आधारे संबंधितांवर कारवाई करण्याची मागणी मंगेश कदम यांची पत्नी छाया कदम यांनी केली आहे. त्यांनी बीडच्या पोलीस अधीक्षकांकडे याबाबत अर्ज दिला आहे. या व्हिडिओमध्ये रुग्णालयात काही जण मंगेश कदमला मारहाण करत असल्याचे दिसत असल्याचा दावा केला जात आहे.

छाया कदम यांनी पोलीस अधीक्षकांकडे दिलेल्या तक्रारीत म्हटले आहे की, रुग्णालयात उपचार घेत असलेल्या मंगेश कदमवर जी मारहाण झाली, ती अत्यंत गंभीर आहे. आरोपी असला तरी कायद्याने त्याला सुरक्षिततेचा अधिकार आहे. त्यामुळे या प्रकरणाची सखोल चौकशी करून दोषींवर कडक कारवाई करण्याची मागणी त्यांनी केली आहे.

दरम्यान, खासदार बजरंग सोनवणे यांनी अलीकडेच विलास घुले खून प्रकरणात त्यांच्या मुलाला अडकवण्याचा कट बीड कारागृहातून सुरु असल्याचा आरोप केलं होता. त्यानंतर हे प्रकरण पुन्हा एकदा चर्चेत आलं आहे. आता या प्रकरणातील आरोपी मंगेश कदमला रुग्णालयात जाऊन मारहाण करण्यात आल्याची तक्रार त्याच्या पत्नीमुळे केल्याने खळबळ उडाली आहे.

या प्रकरणामुळे बीडमधील राजकीय वातावरण चांगलेच तापले आहे. एका बाजूला मंगेश कदमच्या पत्नीने मारहाणीची तक्रार दिली असता, दुसऱ्या बाजूला विलास घुले यांच्या कुटुंबीयांनी आपली बाजू मांडली आहे. या प्रकरणामुळे राज्यातील राजकीय समीकरणे बदलण्याची शक्यता नाकारता येत नाही.

विलास घुले हत्या प्रकरणातील आरोपी मंगेश कदमला अंबाजोगाई येथील रुग्णालयात बेदम मारहाण करण्यात आल्याचा आरोप त्याच्या पत्नीने केला आहे. या घटनेचा सीसीटीव्ही व्हिडिओ समोर आला असून, पत्नी छाया कदम यांनी बीडच्या पोलीस अधीक्षकांकडे तक्रार दिली आहे. कारवाईची मागणी केली जात आहे. खासदार बजरंग सोनवणेंच्या आरोपानंतर हे प्रकरण पुन्हा चर्चेत आले आहे. या प्रकरणाचा तपास सुरू असून, लवकरच सत्य समोर येईल, अशी माहिती दिली जात आहे.