दिघंचीत मटका व्यवसायाचा सुळसुळाट; वारंवार तक्रारी करूनही कारवाई का नाही?

 माझ्या भावाचा नंबर मिळवण्यासाठी मी माझा फोन मागत होतो, तो भाग तुम्ही का डिलीट केला?'; 'मी माझ्या वकिलांशी बोलण्याची विनंती करत होतो, त्याबद्दलचा भागही का वगळला?'; 'पहाटे साडेतीन वाजता ती माणुसकी कुठे गेली होती?'; 'माझी आजी नुकतीच वारली आहे हे माहीत असूनही अटकेच्या कागदपत्रांवर स्वाक्षरीचा आग्रह'; दिल्ली पोलिसांनी १ मिनिट ४५ सेकंदांचा व्हिडिओ प्रसिद्ध केला; 'आजीच्या निधनाची बातमी कळल्यावर दीपके यांनी डोक्यावर हात ठेवला, पाणी देऊ केले पण नकार'; 'अंत्यविधीला यायचं असेल तर बस, ट्रेन किंवा विमानाची व्यवस्था करू' — पोलिसांची ऑफर; 'मी असाच ठीक आहे' — दीपकेंचं उत्तर; २३ तास कोठडीनंतर सुटका; नागपूरला परतल्यावर पत्रकारांशी संवाद

क्रांती न्यूज (प्रतिनिधी) - सचिन मेनकुदळे

नवी दिल्ली : दिल्ली पोलिसांनी कॉकरोच जनता पार्टीचे (सीजेपी) संस्थापक अभिजीत दीपके यांच्या अटकेचा १ मिनिट ४५ सेकंदांचा व्हिडिओ प्रसिद्ध केला. व्हिडिओमध्ये दिसते की, आजीच्या निधनाची बातमी कळल्यावर दीपके यांनी डोक्यावर हात ठेवला. पोलिसांनी त्यांना पाणी देऊ केले, पण दीपके यांनी नकार दिला. पोलिसांनी त्यांना आजीच्या अंत्यविधीला उपस्थित राहायचे आहे का असे विचारले आणि व्यवस्था करू शकतो असे सांगितले, तथापि, दीपके यांनी नकार दिला. मात्र, अभिजित दिपके यांनी पूर्ण व्हिडिओ दाखवला नसल्याचा आरोप केला आहे. माझ्या भावाचा नंबर मिळवण्यासाठी मी माझा फोन मागत होतो, तो भाग तुम्ही का डिलीट केला? अशी विचारणा केली आहे. अभिजीत दीपके, आशुतोष रांका आणि सौरभ दास यांना शनिवारी सकाळी विमानातून ताब्यात घेण्यात आले होते. जवळपास २३ तास कोठडीत ठेवल्यानंतर, रविवारी सकाळी १० वाजता त्यांची सुटका करण्यात आली. त्यानंतर दीपके नागपूरमधील आपल्या घरी परतले.

अभिजीत दीपके एका खुर्चीवर बसले होते. एक महिला पोलीस अधिकारी आल्या आणि त्यांनी त्यांच्या आजीचे निधन झाल्याची माहिती दिली. हे ऐकून दीपके डोक्यावर हात ठेवून खाली बसले. दुसऱ्या पोलीस अधिकाऱ्याने त्यांना पाण्याची बाटली देऊ केली, पण दीपके यांनी घेण्यास नकार दिला. पोलीस: सर, तुम्ही काय ठरवलंय? तुम्हाला अंत्यविधीला यायचं असेल, तर आम्ही बस, ट्रेन किंवा विमान, जशी काही वाहतुकीची सोय करू शकतो. दीपके: नाही, असंच ठीक आहे. पोलीस: म्हणजे तुम्ही जाणार नाही? दीपके: मी असाच ठीक आहे. पोलीस: तुम्हाला कुटुंबातील कोणाशी बोलायचं असेल, तर आम्ही तुम्हाला आमच्या फोनवर जोडून देऊ. तुम्ही नंबर लिहून देऊ शकता. दीपके: मला नंबर आठवत नाही. मी माझ्या वडिलांशी बोलू शकणार नाही, त्यांना सांगा की आजच अंत्यसंस्कार करा. पोलीस: ठीक आहे, जर तुमचा विचार बदलला, तर मला कळवा. दीपके: ठीक आहे.

दरम्यान, अभिजित दिपके यांनी दिल्ली पोलिसांचा व्हिडिओ रिट्विट करत प्रतिक्रिया दिली आहे. त्यांनी म्हटलं आहे की, माझ्या भावाचा नंबर मिळवण्यासाठी मी माझा फोन मागत होतो, तो भाग तुम्ही का डिलीट केला? आणि मी माझ्या वकिलांशी बोलण्याची विनंती करत होतो, त्याबद्दलचा भागही का वगळला?

त्यांनी पुढे म्हटलं आहे की, जी दिल्ली पोलीस आता माझ्या आजीच्या निधनाची बातमी देऊन आणि मला घरी सोडण्याची तयारी दर्शवून नैतिकतेचा आव आणत आहे, तीच पोलीस पहाटे साडेतीन वाजता अटकेची कागदपत्रे घेऊन माझ्याकडे आली होती आणि त्यावर स्वाक्षरी करण्याचा आग्रह धरत होती. पहाटे साडेतीन वाजता ती माणुसकी कुठे गेली होती? माझी आजी नुकतीच वारली आहे हे माहीत असूनही, त्यांनी माझ्याकडून अटकेच्या कागदपत्रांवर स्वाक्षरी करून घेण्याचा आग्रह धरला. जोपर्यंत मला माझ्या वकिलांशी बोलण्याची परवानगी मिळाली नाही, तोपर्यंत मी स्वाक्षरी करण्यास नकार दिला.

दुसरीकडे, नागपूरला पोहोचल्यावर अभिजित दीपके यांनी पत्रकारांशी संवाद साधला. ते म्हणाले, "दिल्ली पोलीस आले आणि त्यांनी मला सांगितले की माझ्या आजीचे निधन झाले आहे. गावात राहणाऱ्या माझ्या भावाला फोन करण्यासाठी मी त्यांना माझा मोबाईल दोन मिनिटांसाठी देण्यास सांगितले, पण त्यांनी नकार दिला." दीपके म्हणाले, "पोलिसांनी फोन नंबर मागितला, पण मला तो आठवत नव्हता." मग मी नंबर शोधून त्यांना सांगता यावा म्हणून दोन मिनिटांसाठी माझा फोन मागितला, पण त्यांनी तो मला दिला नाही. दीपके म्हणाले की, कायद्यानुसार मला माझ्या वकिलाला फोन करण्याचाही हक्क आहे, पण दिल्ली पोलिसांनी मला तसे करू दिले नाही.

सीजेपी प्रमुखांनी सांगितले की, काय आणि कसे घडले हे जाणून घेण्यासाठी मला माझ्या भावाशी बोलण्याची गरज आहे, जो गावात माझ्या आजीसोबत राहत होता. असे असूनही, पोलिसांनी मला फोन दिला नाही. ते म्हणाले की, "पहाटे साडे तीन वाजता दिल्ली पोलीस आले आणि मला अटक झाल्याचे माझ्या आई-वडिलांना कळवण्यासाठी फोन करायला सांगितले. माझा प्रश्न आहे की, त्यांना मला पहाटे साडे तीन वाजता कळवायला का सांगितले? मला अटक झाली आहे किंवा मी कुठे आहे, हे माझ्या आई-वडिलांना दिवसा का कळवले नाही? सकाळपर्यंत का थांबले नाहीत? पोलिसांनी सांगितले की ही एक कायदेशीर प्रक्रिया आहे. पण कोणत्या कायदेशीर प्रक्रियेअंतर्गत एखाद्याला आपल्या मुलाच्या अटकेची माहिती देण्यासाठी पहाटे साडे तीन वाजता आई-वडिलांना फोन करायला सांगितले जाते?"

कॉकरोच पार्टीने पत्रकार परिषद घेतली. आशुतोष रांका यांनी आरोप केला की, अभिजीत दीपकेला आजीच्या मृत्यूची बातमी देतानाही दिल्ली पोलीस कॅमेरे आणि मायक्रोफोन घेऊन आले होते. ते म्हणाले की, अभिजितने पोलिसांना वारंवार विनंती केली की त्याला त्याच्या भावाशी बोलू द्यावे, पण त्याच्या विनवण्यांकडे दुर्लक्ष करण्यात आले.

अभिजीत दीपकेची आई, अनिता दीपके म्हणाल्या, "जर अभिजीतला काल सोडले असते, तर तो आज त्याच्या आजीच्या अंत्यविधीला उपस्थित राहू शकला असता. आता, त्याला शेवटच्या वेळी चेहराही पाहता येणार नाही."

या प्रकरणामुळे देशातील राजकीय वातावरण चांगलेच तापले आहे. एका बाजूला दिल्ली पोलिसांनी व्हिडिओ प्रसिद्ध करून आपली बाजू मांडली असता, दुसऱ्या बाजूला दिपकेंनी व्हिडिओ अपूर्ण असल्याचा आरोप केला आहे. या प्रकरणामुळे देशातील राजकीय समीकरणे बदलण्याची शक्यता नाकारता येत नाही.

दिल्ली पोलिसांनी अभिजित दिपकेंच्या अटकेचा १ मिनिट ४५ सेकंदांचा व्हिडिओ प्रसिद्ध केला. व्हिडिओमध्ये दिपकेंना आजीच्या निधनाची बातमी दिल्याचे दिसते. मात्र, दिपकेंनी व्हिडिओ अपूर्ण असल्याचा आरोप केला आहे. 'माझ्या भावाचा नंबर मिळवण्यासाठी मी माझा फोन मागत होतो, तो भाग तुम्ही का डिलीट केला?' अशी विचारणा त्यांनी केली. 'पहाटे साडेतीन वाजता ती माणुसकी कुठे गेली होती?' असा सवाल केला. दिपके, रांका आणि दास यांना २३ तास कोठडीत ठेवल्यानंतर सोडण्यात आले. दिपके नागपूरला परतले. त्यांच्या आई म्हणाल्या की, 'जर अभिजीतला काल सोडले असते, तर तो आज आजीच्या अंत्यविधीला उपस्थित राहू शकला असता.'