वसंत ग्रामीण बिगर शेती सहकारी पतसंस्थेचा उद्या सुवर्ण महोत्सवी सोहळा!

  OTT वर धुमाकूळ घालतेय 'संकल्प'; नाना पाटेकरांच्या पॉलिटिकल ड्रामाने प्रेक्षकांचे मन जिंकले

 प्रकाश झा दिग्दर्शित 10 एपिसोडच्या या सिरीजमध्ये राजकीय डावपेच, सत्तासंघर्ष आणि नेतागीरीची होतेय पोलखोल; एमएक्स प्लेयरवर नंबर-१ वर ट्रेंड करतेय सिरीज

ओटीटी प्लॅटफॉर्मवर सध्या एका नव्या वेब सिरीजची जोरदार चर्चा सुरू आहे. ज्येष्ठ दिग्दर्शक प्रकाश झा यांची 'संकल्प' ही 10 भागांची पॉलिटिकल ड्रामा वेब सिरीज प्रेक्षकांचे लक्ष वेधून घेत आहे. राजकीय थरार, सत्तेचा खेळ आणि नेतागीरीचे वास्तव उलगडणाऱ्या या सिरीजमध्ये नाना पाटेकर यांची दमदार भूमिका असून, सध्या ही सिरीज एमएक्स प्लेयरवर नंबर-1 वर ट्रेंड करत आहे.

प्रकाश झा यांचा पुन्हा एकदा राजकारणाचा दमदार आविष्कार

'गंगाजल' आणि 'राजनीती' सारख्या चित्रपटांमधून सत्ताकेंद्र, राजकीय डावपेच आणि व्यवस्थेचे वास्तव उलगडणारे दिग्दर्शक प्रकाश झा यांनी 'संकल्प' मधून पुन्हा एकदा राजकारणाच्या गुंतागुंतीच्या जगात प्रेक्षकांना नेले आहे. राजकारण आणि प्रशासन यांच्यातील संघर्ष, संस्थात्मक प्रभाव आणि विचारधारा यांची गुंतागुंत या सिरीजमधून प्रभावीपणे मांडण्यात आली आहे.

कलाकारांची दमदार फौज

नाना पाटेकर यांच्या दमदार अभिनयाने सजलेल्या या सिरीजमध्ये संजय कपूर आणि मोहम्मद झीशान अयूब यांसारखे दिग्गज कलाकारही महत्त्वाच्या भूमिकेत आहेत. प्रत्येक एपिसोडमध्ये कथानक नवे वळण घेत प्रेक्षकांना खिळवून ठेवते, अशी चाहत्यांची प्रतिक्रिया आहे.

काय आहे कथा?

'संकल्प'ची कथा राजकीय सत्तासंघर्ष, नेत्यांची कार्यपद्धती आणि प्रशासनावरील राजकारणाच्या प्रभावाभोवती फिरते. प्रशासन कधी राजकारणाच्या प्रभावाखाली काम करते, तर कधी परिस्थिती बदलल्यावर त्याच व्यवस्थेतील त्रुटी उघडकीस येतात, हे वास्तव या सिरीजमधून दाखवण्यात आले आहे.

सध्याच्या काळात नवीन वेब सिरीज आणि चित्रपटांनी गजबजलेल्या ओटीटीवर 'संकल्प'ने आपली वेगळी छाप पाडली आहे. राजकीय ड्रामा आवडणाऱ्या प्रेक्षकांसाठी ही सिरीज विशेष आकर्षणाचा केंद्रबिंदू ठरत आहे.