आटपाडीत खळबळ: बोकडाच्या नावाखाली मोठ्या जनावरांचे मटण विकल्याचा गंभीर आरोप; १० लाखांत प्रकरण दाबल्याची जोरदार चर्चा!

संजय दिना पाटील बैठकीला येणार म्हणून गायब; लग्नात दिसताच राजकीय चर्चांना उधाण; शिंदे गटात विलीन होण्याच्या हालचाली तीव्र

क्रांती न्यूज (प्रतिनिधी) - सचिन मेनकुदळे

मुंबई :  राष्ट्रवादी काँग्रेस (शरदचंद्र पवार) पक्षाच्या खासदार सुप्रिया सुळे यांची कन्या रेवती हिचा विवाह उद्योगपती अरुण लखानी यांचे सुपुत्र सारंग लखानी यांच्यासोबत काल (शनिवारी, २१ जून) मुंबईत पार पडला. या भव्य आणि हायप्रोफाइल विवाहसोहळ्याला विविध क्षेत्रांतील अनेक दिग्गजांनी उपस्थिती लावली. मात्र, सर्वांचे लक्ष वेधले ते ठाकरे गटाचे खासदार संजय दिना पाटील यांच्या उपस्थितीने! 

गेल्या काही दिवसांपासून 'ऑपरेशन टायगर'च्या निमित्ताने चर्चेत असलेले संजय दिना पाटील यांनी या लग्नाला हजेरी लावली. विवाहस्थळी येताच फोटोग्राफर आणि व्हिडिओग्राफर यांनी त्यांना थांबवले. त्यानंतर त्यांनी हसत हसत हात दाखवत आणि आभार मानत पुढे निघून गेले. हा क्षण सोशल मीडियावर व्हायरल झाला आहे.

 बैठकीला येणार म्हणून गायब!

शिवसेना (उद्धव बाळासाहेब ठाकरे) पक्षाच्या संसदीय बैठकीला गुरुवारी (१८ जून) व्हीप जारी करूनही सहा खासदार उपस्थित राहिले नाहीत. या सहा खासदारांना आता कारणे दाखवा नोटीस बजावण्यात आली आहे. मात्र, या बैठकीतील एक मोठी माहिती समोर आली आहे.

बैठकीला उपस्थित राहण्यासाठी संजय दिना पाटील यांनी आधीच सहमती दर्शवली होती. त्यांनी "मी लगेच बैठकीला येतो" असे सांगितले होते. मात्र, ते बैठकीला उपस्थित राहिले नाहीत. बैठकीच्या ठिकाणाहून त्यांना फोन लावण्यात आला. त्यावर आपण विमान पकडून लगेच येत असल्याचे त्यांनी सांगितले. मात्र, शेवटपर्यंत ते खोटे बोलत असल्याचे उघडकीस आले आणि ते बैठकीला कधीच आले नाहीत.

'ऑपरेशन टायगर' यशस्वी; सहा खासदारांचा स्वतंत्र गट

शिंदे गटाच्या 'ऑपरेशन टायगर'ला यश आले असून, ठाकरे गटातील सहा खासदारांनी स्वतंत्र गट स्थापन केला आहे. या सहा खासदारांची यादी पुढीलप्रमाणे:

संजय दिना पाटील (मुंबई उत्तर-पूर्व)

संजय जाधव (परभणी)

संजय देशमुख (यवतमाळ-वाशिम)

ओमराजे निंबाळकर (धाराशिव)

भाऊसाहेब वाकचौरे (शिर्डी)

नागेश पाटील आष्टीकर (हिंगोली)

या खासदारांना पक्षाने कारणे दाखवा नोटीस बजावली असून, त्यांनी नियमितपणे व्हीपचे उल्लंघन केल्याचा आरोप आहे. २१ जूननंतर या सहा खासदारांच्या विलीनीकरणाची अधिकृत घोषणा होण्याची शक्यता आहे.

सुप्रिया सुळेंच्या लग्नातील सेलिब्रिटीज

सुप्रिया सुळे यांच्या मुलीच्या या विवाहसोहळ्यात देशभरातील अनेक दिग्गज नेते, अभिनेते, उद्योगपती आणि राजकीय पक्षांचे प्रमुख उपस्थित होते.

राजकीय दिग्गज:

मोहन भागवत (सरसंघचालक)

राहुल गांधी आणि मल्लिकार्जून खर्गे (काँग्रेस)

प्रफुल पटेल (राष्ट्रवादी काँग्रेस)

तेलंगणाचे मुख्यमंत्री रेवंथ रेड्डी

पंजाबचे मुख्यमंत्री भगवंत मान

अखिलेश यादव (समाजवादी पक्ष)

राज ठाकरे कुटुंबीय (मनसे)

उद्धव ठाकरे कुटुंब आणि संजय राऊत कुटुंब

अभिनेते आणि उद्योगपती:

अमिताभ बच्चन आणि जया बच्चन

मुकेश अंबानी, नीता अंबानी

अनंत अंबानी सपत्निक

गौतम अदानी आणि प्रीती अदानी

करण जोहर

अनुराग ठाकूर

 राज्याचे नेते:

रोहित पवार, पार्थ पवार, सुनेत्रा पवार

नरहरी झिरवळ, चंद्रशेखर बावनकुळे, पंकजा मुंडे

संजय दिना पाटील, अनिल देसाई, अतुल सावे

 संजय दिना पाटील – 'खोटारडेपणा'चा आरोप

ठाकरे गटाची बैठक चुकवून संजय दिना पाटील यांनी लग्नसोहळ्यात हजेरी लावल्याने त्यांच्यावर 'खोटारडेपणा'चा आरोप होत आहे. पक्षाने त्यांना कारणे दाखवा नोटीस बजावली आहे. गेल्या काही दिवसांपासून ते मीडियापासून दूर आहेत. त्यांचा फोनही बंद येत आहे. मात्र, लग्नसोहळ्यात ते हसत हसत फोटो काढताना दिसले.

एका राजकीय विश्लेषकाने म्हटले, "संजय दिना पाटील यांनी मीडियापासून दूर राहून आपला 'अज्ञातवास' सुरू ठेवला आहे. मात्र, हायप्रोफाइल लग्नात त्यांची एन्ट्री ही त्यांनी शिंदे गटातील आपली स्थिती स्पष्ट केल्यासारखी आहे."

 पुढील घडामोडींकडे लक्ष

सहा खासदारांना कारणे दाखवा नोटीस बजावल्यानंतर आता पक्ष पुढील कारवाई करणार आहे. लोकसभा अध्यक्षांकडेही या खासदारांनी स्वतंत्र गट म्हणून मान्यता मागितली आहे. शिंदे गट २१ जूननंतर या खासदारांच्या विलीनीकरणाची अधिकृत घोषणा करण्याच्या तयारीत आहे.

संजय दिना पाटील यांच्या लग्नसोहळ्यातील हजेरीने राजकीय वर्तुळात जोरदार चर्चा सुरू झाली आहे. त्यांची ही भूमिका ठाकरे गटाला आणखी धक्का देणारी ठरू शकते.

ठाकरे गटाचे फुटीर खासदार संजय दिना पाटील सुप्रिया सुळेंच्या मुलीच्या लग्नात हसत हसत हात दाखवताना दिसले. त्यांची ही एन्ट्री अत्यंत सूचक मानली जात आहे. पक्षाची बैठक चुकवून, विमान पकडण्याचे खोटे आश्वासन देऊनही ते लग्नात पोहोचले. आता या सहा खासदारांचा अंतिम निर्णय काय असेल आणि ते अधिकृतपणे शिंदे गटात कधी प्रवेश करतात, याकडे संपूर्ण राज्याचे लक्ष लागले आहे.