वसंत ग्रामीण बिगर शेती सहकारी पतसंस्थेचा उद्या सुवर्ण महोत्सवी सोहळा!

  'धुरंधर २' रिलीज होण्यापूर्वीच 'धुरंधर ३'ची तयारी; मेकर्सची तगडी रणनीती!

 'धुरंधर: द रिव्हेंज'च्या प्रदर्शनापूर्वीच प्रेक्षकांचा उत्साह शिगेला; तिसऱ्या भागाची चर्चा सुरू

 आदित्य धरकडे तिसऱ्या भागाची कल्पना तयार; स्टुडिओचा आग्रह, दिग्दर्शक मात्र अनिच्छुक

पोस्ट क्रेडिटमध्ये 'धुरंधर ३'चा टीझर देण्याची मेकर्सची तयारी

मुंबई: आदित्य धर दिग्दर्शित 'धुरंधर २' (धुरंधर: द रिव्हेंज) प्रदर्शित होण्यापूर्वीच चित्रपटाने बॉक्स ऑफिसवर नसले तरी प्रेक्षकांच्या मनात मात्र मोठे रेकॉर्ड मोडले आहेत. अशातच आता या सिनेमाच्या तिसऱ्या भागाबाबत एक मोठी अपडेट समोर आली आहे. मेकर्सनी 'धुरंधर ३'साठी तगडी रणनीती आखल्याची माहिती समोर येत आहे.

'धुरंधर ३'ची कल्पना तयार, पण आदित्य धर अनिच्छुक?

व्हरायटी इंडियाच्या अहवालानुसार, 'धुरंधर: द रिव्हेंज'ला प्रदर्शित होण्यापूर्वीच प्रचंड प्रतिसाद मिळत असल्याने निर्माते या सिनेमाचं विश्व (Cinematic Universe) आणखी विस्तारण्यास उत्सुक आहेत. स्टुडिओ आदित्य धर यांना 'धुरंधर ३'वर काम सुरू करण्यासाठी आग्रह करत आहे. मात्र, फ्रेंचायझीपेक्षा नव्या प्रकल्पांवर काम करण्यात अधिक रस असणाऱ्या आदित्य धर यांनी अद्याप याबाबत कोणतेही ठोस आश्वासन दिलेले नाही.

पोस्ट क्रेडिटमध्ये टीझर देण्याची शक्यता

अहवालानुसार, हा विषय अनेक भागांमध्ये (Installments) विकसित करण्यासाठी अत्यंत अनुकूल आहे. याच कारणामुळे तिसरा भाग येण्याची शक्यता नाकारता येत नाही. आदित्य धर यांच्याकडे तिसऱ्या पार्टसाठीच्या कल्पना आधीच तयार असल्याचेही समोर आले आहे. प्रेक्षकांचा उत्साह कायम राखण्यासाठी निर्मात्यांनी चित्रपटाच्या शेवटी (पोस्ट क्रेडिट्स) किमान एक 'टीझर' समाविष्ट करण्याची शक्यता आहे, जेणेकरून चाहत्यांना तिसऱ्या भागाच्या शक्यतेबाबत संकेत मिळेल.

'धुरंधर २' १९ मार्च रोजी थिएटरमध्ये प्रदर्शित होणार असून, या सिनेमानंतर 'धुरंधर ३'ची अधिकृत घोषणा होण्याची शक्यता आहे.