वसंत ग्रामीण बिगर शेती सहकारी पतसंस्थेचा उद्या सुवर्ण महोत्सवी सोहळा!

 पुण्यात थट्टा-मस्करी जीवावर बेतली; किरकोळ वादातून मित्राचाच खून, चौघांना अटक

 कॅम्प परिसरात थट्टेचा राग आल्याने चापटीतून वाद वाढला; धारदार शस्त्राने वार करत फैसल खानची निर्घृण हत्या, सीसीटीव्हीमध्ये कैद झाली घटना

पुणे: राज्याची सांस्कृतिक राजधानी म्हणून ओळखल्या जाणाऱ्या पुणे शहरातून एक धक्कादायक घटना समोर आली आहे. किरकोळ वादातून एका तरुणाची त्याच्याच मित्रांकडून निर्घृण हत्या करण्यात आली आहे. या घटनेचा सीसीटीव्ही व्हिडिओही समोर आला असून त्यामुळे परिसरात खळबळ उडाली आहे.

थट्टेतून वाद वाढला

पोलिसांनी दिलेल्या माहितीनुसार, ही घटना पुण्यातील कॅम्प परिसरात घडली. फैसल फारुख खान (मयत) आणि आरोपी शाहबाज शेख हे दोघे मित्र आहेत. शाहबाज याची फैसलने थट्टा-मस्करी केली, ज्याचा राग आल्याने शाहबाजने त्याच्या कानाखाली चापट मारली. या छोट्या वादातून मोठा भांडण झाले. त्यानंतर शाहबाज आणि त्याच्या इतर पाच साथीदारांनी एकत्र येऊन फैसलवर धारदार शस्त्राने हल्ला केला. छातीत, पाठीत, हातावर आणि डोक्यात वार करत त्याची निर्घृण हत्या केली.

सीसीटीव्हीमध्ये कैद झाली घटना

या घटनेचा सीसीटीव्ही फुटेज समोर आला आहे. यामध्ये भर रस्त्यात, आजूबाजूला नागरिक असतानाही हा हल्ला झाल्याचे दिसून येते. काही जणांनी भांडण सोडविण्याचा प्रयत्न केल्याचेही फुटेजमध्ये दिसते.

चौघांना अटक

या प्रकरणी पोलिसांनी बजाद अली सय्यद, अली अब्बास अश्रफअली सय्यद, सोहेल युसुफ तांबोळी, शाहबाज चांद शेख, तालिब अली सय्यद, अश्रफली सय्यद यांच्याविरुद्ध गुन्हा दाखल केला आहे. आतापर्यंत चार आरोपींना अटक करण्यात आली असून उर्वरित आरोपींचा शोध सुरू आहे. घटनेचा अधिक तपास पोलीस करत आहेत.