वसंत ग्रामीण बिगर शेती सहकारी पतसंस्थेचा उद्या सुवर्ण महोत्सवी सोहळा!

‘अशोक खरातकडे ३८ आमदारांनी बोटं कापली’; फडणवीसांना मुख्यमंत्रिपदावरून हटवण्यासाठी अघोरी पूजेचा घाट – जितेंद्र आव्हाडांचा सनसनाटी दावा

“मला थोडे दिवस द्या, मुख्यमंत्री घरी गेलेले असतील” – अशोक खरातचा शब्द; ३८ आमदारांची यादी हातात असल्याचं सांगत आव्हाडांनी विधानसभेत उडवली खळबळ

मुंबई : विधानसभेत बुधवारी अंतिम आठवडा प्रस्तावावर बोलताना राष्ट्रवादी काँग्रेसचे आमदार जितेंद्र आव्हाड यांनी अशोक खरात प्रकरणावर स्फोटक आणि खळबळजनक आरोप केले. त्यांनी दावा केला की, देवेंद्र फडणवीस यांना मुख्यमंत्रिपदावरून दूर करण्यासाठी काही आमदारांनी अशोक खरात यांच्याकडे अघोरी पूजा आणि काळ्या जादूचा घाट घातला होता.

आव्हाड म्हणाले,  

“मी खात्रीने सांगतो, अशोक खरातच्या माध्यमातून मुख्यमंत्र्यांच्या खुर्चीला सुरुंग लावण्याचा प्रयत्न काही नेत्यांनी केला. हे सर्वजण अशोक खरातकडे पूजा घालायला गेले होते. तेव्हा खरात म्हणाला होता  ‘मला थोडे दिवस द्या, मुख्यमंत्री घरी गेलेले असतील.’”

 मुख्य दावे:

३८ आमदार अशोक खरातकडे गेले होते आणि त्यांनी आपल्या करंगळ्या (बोटं) कापली होती.

परवा विधानभवनात आमदार एकमेकांची बोटं तपासत होते आणि “तू खरातकडे गेला होतास का?” असं विचारत होते.

 फडणवीस सरकारमधील रस्ते, शिक्षण, म्हाडा, एसआरए या सर्व विभागातील पोस्टिंग्ज खरातकडून होत होत्या.

अशोक खरातच्या ट्रस्टमधील सदस्यांना अजूनही अटक का झाली नाही, असा सवाल आव्हाडांनी उपस्थित केला.

२००७ मध्ये पत्रकार बाळू तुपे याचा बळी देण्यात आला होता, अशीही पुरानी घटना त्यांनी आठवण दिली.

आव्हाड यांनी थेट देवेंद्र फडणवीस यांना उद्देशून म्हटलं, “पोलिसांनी किती पैसे घेतले हे फक्त तुम्हालाच माहिती आहे.”

ते पुढे म्हणाले, “या तुकाराम-ज्ञानेश्वर-शिवरायांच्या महाराष्ट्रात आपण काळ्या जादूला इतकी मान्यता देतोय? राजकारणात आता काळ्या जादूने काहीही होऊ शकते, असं आमदारांना वाटू लागलं आहे.”

जितेंद्र आव्हाड यांनी सांगितलं की, त्यांच्याकडे या ३८ आमदारांची यादी आहे आणि वेळ आल्यावर ते नावं उघड करतील. तसेच, राधाकृष्ण विखे पाटील यांचे बोटही ते तपासणार असल्याचं सभागृहात सर्वांसमोर सांगितलं.

या आरोपांमुळे विधानसभेत मोठी खळबळ उडाली असून, राजकीय वर्तुळात या दाव्याची चर्चा जोरात सुरू झाली आहे.