वसंत ग्रामीण बिगर शेती सहकारी पतसंस्थेचा उद्या सुवर्ण महोत्सवी सोहळा!

तारक मेहता का उल्टा चश्मा' फेम अभिनेत्याने 'धुरंधर २' मध्ये साकारली महत्त्वाची भूमिका; शेवटी सर्वांनाच दिला धक्का!

रणवीर सिंह स्टारर सिनेमात राकेश बेदीचा पॉवरफुल अभिनय; पाकिस्तानी नेत्याच्या भूमिकेतून शेवटी भारतीय एजंट असल्याचा ट्विस्ट, प्रेक्षकांची चर्चा सुरू

रणवीर सिंह स्टारर 'धुरंधर २' या चित्रपटाने बॉक्स ऑफिसवर धुमाकूळ घातला असून, ओपनिंग दिवशीच २०० कोटींचा टप्पा ओलांडला आहे. या चित्रपटातील प्रत्येक कलाकाराचे कौतुक होत असताना, एका अभिनेत्याने आपल्या अभिनयाने सर्वांचं लक्ष वेधून घेतले आहे. रणवीर सिंहपेक्षाही या अभिनेत्याच्या भूमिकेची सध्या जोरदार चर्चा होत आहे. हे नाव आहे ज्येष्ठ अभिनेते राकेश बेदी.

तारक मेहतामध्येही केली होती भूमिका

राकेश बेदी यांनी सुपरहिट मालिका 'तारक मेहता का उल्टा चश्मा' मध्येही एक महत्त्वाची भूमिका साकारली होती. त्यांच्या अभिनयाने आणि कॉमिक टायमिंगने त्यांनी प्रेक्षकांना खळखळून हसवले होते. मात्र, आता त्यांनी 'धुरंधर २' मध्ये पूर्णपणे वेगळ्या अवतारात प्रेक्षकांचं मनोरंजन केले आहे.

शेवटच्या ट्विस्टने सर्वांनाच धक्का

'धुरंधर २' मध्ये राकेश बेदी यांनी जमील जमाली नावाच्या पाकिस्तानी राजकारण्याची भूमिका साकारली आहे. संपूर्ण चित्रपटात ते पाकिस्तानी नेता म्हणून दिसतात. मात्र, चित्रपटाच्या शेवटी मोठा ट्विस्ट समोर येतो – ते प्रत्यक्षात भारतीय एजंट असल्याचे उघड होते. ही माहिती समोर आल्यानंतर प्रेक्षकांना मोठा धक्का बसला. राकेश बेदीच्या या भूमिकेची आणि अभिनयाची सर्वत्र प्रचंड चर्चा होत आहे.

८० च्या दशकापासूनची अभिनय परंपरा

राकेश बेदी यांनी 'चश्मे बद्दूर', 'कलाकार', 'हवालात', 'इज्जतदार', 'हत्या', 'हीर रांझा', 'आंखे', 'उरी', 'इंसानियत', 'गदर २' सारख्या अनेक हिट चित्रपटांमध्ये काम केले आहे. टीव्ही शोजमधूनही त्यांनी प्रेक्षकांचे मनोरंजन केले. मात्र, 'धुरंधर' आणि 'धुरंधर २' या चित्रपटांमुळे त्यांना नवी ओळख मिळाली आहे.