शिंदेंच्या भाषणादरम्यान फडणवीसांची एन्ट्री, एका वाक्यात वाद संपवला; सातारा राड्याने विधिमंडळ गदगदले

 राज्यातील ९० लाख शेतकऱ्यांसाठी गुड न्यूज!

नमो शेतकरी महासन्मान योजनेच्या ८व्या हप्त्यात २००० रुपये वर्ग; मुख्यमंत्री देवेंद्र फडणवीस यांची मोठी घोषणा

मुंबई : महाराष्ट्राचे मुख्यमंत्री देवेंद्र फडणवीस यांनी विधानसभेच्या अर्थसंकल्पीय अधिवेशनात शेतकऱ्यांसाठी दिलासादायक घोषणा केली आहे. नमो शेतकरी महासन्मान निधी योजनेच्या आठव्या हप्त्याची रक्कम राज्यातील ९० लाख शेतकऱ्यांच्या खात्यात जमा करण्यात आल्याची माहिती त्यांनी दिली.

 नमो शेतकरी महासन्मान निधी हप्ता वर्ग

देवेंद्र फडणवीस म्हणाले, “आम्ही शेतकऱ्यांसाठी सुरू केलेल्या नमो शेतकरी महासन्मान निधी योजनेत केंद्र सरकारचे ६००० रुपये आणि राज्य सरकारचे ६००० रुपये असे एकूण १२००० रुपये प्रति शेतकरी दिले जातात. आज उपमुख्यमंत्री एकनाथ शिंदे, उपमुख्यमंत्री सुनेत्रा पवार, कृषीमंत्री दत्तात्रय भरणे आणि कृषी राज्यमंत्री यांच्या उपस्थितीत ९० लाख शेतकऱ्यांच्या खात्यात १८०० कोटी रुपये जमा करण्यात आले आहेत.”

त्यांनी पुढे सांगितले की, आतापर्यंत केंद्र आणि राज्य सरकारच्या दोन्ही योजनांमधून ९० लाख शेतकऱ्यांच्या खात्यात एकूण ५४,००० कोटी रुपये जमा झाले आहेत.

 कांदा उत्पादक शेतकऱ्यांसाठी महत्त्वाची घोषणा

कांद्याच्या सध्याच्या संकटाबाबत बोलताना देवेंद्र फडणवीस म्हणाले, “महाराष्ट्रात देशातील ५० टक्के कांदा उत्पादन होते, त्यातील ६० टक्के उत्पादन एकट्या नाशिक जिल्ह्यात होते. नाशिक, नगर, पुणे आणि सोलापूर हे मुख्य कांदा उत्पादक जिल्हे आहेत. उत्पादन आणि वापर यात मोठा फरक असल्याने कांद्याचा दीर्घकालीन प्रश्न सोडवण्यासाठी आराखडा तयार करण्याचे निर्देश दिले आहेत.”

 कांदा उत्पादक शेतकऱ्यांना मदत करण्याचा निर्णय घेण्यात आला आहे.

 कांद्याच्या निर्यातीसाठी मॉरिशससोबत चर्चा सुरू आहे.

 शेतकऱ्यांना प्रोत्साहन भत्ता देऊन कांद्याचे क्षेत्र कमी करण्याचे पर्याय शोधले जातील.

 साखर उद्योगाला मदत करण्यासाठी समिती स्थापन करण्यात आली आहे.

 कोकणातील आंबा-काजू पिकांबाबत

कोकणातील आंबा आणि काजू पिकांना यंदा कमी फळधारणा झाल्याबद्दल दोन्ही सभागृहातील लोकप्रतिनिधींसोबत चर्चा झाल्याची माहिती मुख्यमंत्र्यांनी दिली.

ही घोषणा विधानसभेच्या अर्थसंकल्पीय अधिवेशनाच्या अंतिम आठवड्यात करण्यात आली असून, शेतकऱ्यांमध्ये सकारात्मक प्रतिसाद मिळत आहे.