वसंत ग्रामीण बिगर शेती सहकारी पतसंस्थेचा उद्या सुवर्ण महोत्सवी सोहळा!

पाकिस्तान युद्ध थांबवणार? अमेरिकेनं पाकिस्तानमार्फत इराणला पाठवला १५ कलमी शांतता प्रस्ताव; इराणने ट्रम्पची खिल्ली उडवली!

इराणच्या ७ कठोर अटींनंतर ट्रम्पनी १५ अटींचा जोरदार प्रत्युत्तर; “अमेरिका स्वतःशीच वाटाघाटी करत आहे” — इराणी लष्करी प्रवक्त्याचा तिरका वार

तेहरान/वॉशिंग्टन : इराण-अमेरिका युद्धतणाव कमी करण्यासाठी अमेरिकेने मोठे पाऊल उचलले आहे. ट्रम्प प्रशासनाने पाकिस्तानच्या मध्यस्थीने इराणसमोर १५ कलमी शांतता प्रस्ताव ठेवला आहे. या प्रस्तावात इराणने अण्वस्त्रे, क्षेपणास्त्रे आणि प्रादेशिक गटांना पाठिंबा देणे थांबवल्यास अमेरिका इराणवरील सर्व आर्थिक निर्बंध हटवण्याचे संकेत दिले आहेत.

 अमेरिकेचा १५ कलमी प्रस्ताव काय आहे?

1. अण्वस्त्रांवर कायमस्वरूपी बंदी  

2. सर्व अण्वस्त्र पायाभूत सुविधा नष्ट करणे  

3. युरेनियम संवर्धन पूर्णपणे थांबवणे  

4. संवर्धित युरेनियमचा साठा आंतरराष्ट्रीय नियंत्रणात देणे  

5. नतान्झ, फोर्डो आणि इसफाहान येथील प्रमुख अणुभट्ट्या कायम बंद करणे  

6. IAEA निरीक्षकांना पूर्ण प्रवेश  

7. मध्यपूर्वेतील प्रॉक्सी गटांना पाठिंबा थांबवणे  

8. हिजबुल्लाला शस्त्र व आर्थिक पुरवठा बंद करणे  

9. बॅलिस्टिक मिसाइल कार्यक्रम मर्यादित करणे  

10. क्षेपणास्त्रांचा वापर केवळ स्वसंरक्षणासाठी  

11. होर्मुझ सामुद्रधुनी सर्वांसाठी खुली ठेवणे  

12. ३० दिवसांची तात्पुरती शस्त्रसंधी  

13. सर्व आर्थिक निर्बंध हटवणे  

14. इराणला जागतिक व्यापार व बँकिंग प्रणालीत पुन्हा सामील करणे  

15. नागरी अणुऊर्जा प्रकल्पांसाठी सहकार्य

 इराणचा तीव्र विरोध

इराणने मात्र अमेरिकेच्या या प्रस्तावाची खिल्ली उडवली आहे. इराणी लष्कराच्या खतम अल-अंबिया केंद्रीय मुख्यालयाचे प्रवक्ते लेफ्टनंट कर्नल इब्राहिम झोल्फघारी यांनी सरकारी टीव्हीवर म्हटले:

“अमेरिका स्वतःशीच वाटाघाटी करत आहे. तुमच्या पराभवाला तडजोड म्हणू नका. तुमच्या पोकळ आश्वासनांचे युग संपले आहे.”

इराणने यापूर्वी अमेरिकेला आपल्या ७ कठोर अटी ठेवल्या होत्या, ज्यात खाडीतील सर्व अमेरिकन लष्करी तळ बंद करणे, हिजबुल्लावरील इस्त्रायली हल्ले थांबवणे, युद्ध नुकसानीची भरपाई देणे इत्यादींचा समावेश आहे.

सध्याची स्थिती

ट्रम्प प्रशासनाने पाकिस्तानला मध्यस्थ म्हणून पुढे करत मोठा डिप्लोमॅटिक प्रयत्न केला असला, तरी इराणची भूमिका अजूनही अत्यंत कठोर आहे. इराणचे परराष्ट्र मंत्री अब्बास अराघची यांनी पाश्चात्य देशांच्या “दुटप्पीपणा”चा आरोप केला आहे, तर रशियानेही इराणच्या अणु सुविधांवर हल्ला होण्याची शक्यता धोकादायक ठरू शकते, असा इशारा दिला आहे.

सध्या दोन्ही बाजूंच्या अटी एकमेकांना पूर्णपणे विरोधी आहेत. त्यामुळे युद्ध थांबण्याची शक्यता अद्याप दूरच दिसत आहे.