वसंत ग्रामीण बिगर शेती सहकारी पतसंस्थेचा उद्या सुवर्ण महोत्सवी सोहळा!

 

 'मैदान नाही, रुपेरी पडदाच ठरला नशीब'; क्रिकेटर संदीप पाटील यांचा मुलगा चिरागची अनोखी कहाणी

 देव आनंदच्या 'चार्जशीट'मधून बॉलिवूडमध्ये डेब्यू; गाजलेल्या '८३' सिनेमात साकारली वडिलांचीच भूमिका

नवी दिल्ली: भारतीय क्रिकेट संघाने १९८३ मध्ये जिंकलेला विश्वचषक ही देशाच्या क्रिकेट इतिहासातील सुवर्णक्षण होता. या ऐतिहासिक विजयात अनेक दिग्गज खेळाडूंचा समावेश होता. त्यापैकी एक मराठमोळे क्रिकेटर संदीप पाटील यांचे पुत्र चिराग पाटील यांनी वडिलांच्या नावाचा वारसा मैदानावर नाही, तर रुपेरी पडद्यावर जपला आहे.

वडील दिग्गज क्रिकेटर, पण मुलाने निवडला वेगळा मार्ग

चिराग पाटील यांचा जन्म १० मार्च १९८७ रोजी मुंबईत झाला. वडील संदीप पाटील यांच्यामुळे बालपण क्रिकेटमय वातावरणात गेले. मात्र, चिरागने क्रिकेटपेक्षा वेगळी वाट निवडली. त्यांनी 'बी.एस्सी. हॉस्पिटॅलिटी मॅनेजमेंट'ची पदवी घेतली आणि नंतर चित्रपटसृष्टीकडे वळले.

देव आनंद यांच्या चित्रपटातून बॉलिवूडमध्ये पदार्पण

चिरागने २०११ मध्ये 'राडा रॉक्स' या मराठी चित्रपटातून कारकिर्दीला सुरुवात केली. त्यानंतर देव आनंद यांच्या 'चार्जशीट' या चित्रपटातून बॉलिवूडमध्ये पदार्पण केले. याशिवाय त्यांनी अनेक मराठी आणि हिंदी चित्रपटांतून काम केले.

वडिलांचीच भूमिका साकारण्याचा बहुमान

चिरागच्या कारकिर्दीतील सर्वात मोठा टर्निंग पॉइंट ठरला तो '८३' या चित्रपटातील भूमिकेने. रणवीर सिंह यांचा हा चित्रपट १९८३ च्या विश्वचषक विजयावर आधारित होता. या चित्रपटात चिरागने आपल्या वडील संदीप पाटील यांचीच भूमिका साकारली. स्वतः कधीही व्यावसायिक क्रिकेट न खेळलेल्या चिरागसाठी हे आव्हानात्मक होते. मात्र, त्यांनी कठोर परिश्रम घेऊन ही भूमिका उत्तम प्रकारे पार पाडली. एका मुलाखतीत चिराग म्हणाले होते की, '८३' चित्रपटाचा भाग होणे म्हणजे त्यांच्यासाठी स्वप्न सत्यात उतरल्यासारखे होते.

अभिनेता तसेच व्यावसायिक

चिराग पाटील केवळ अभिनेते नसून एक यशस्वी व्यावसायिक देखील आहेत. त्यांनी 'आरसीएसपी हॉटेल्स अँड रिसॉर्ट्स' या कंपनीची स्थापना केली असून, कर्जत येथे 'द फार्महाऊस' नावाचे लेकफ्रंट रिसॉर्ट ते चालवतात. क्रिकेटपेक्षा वेगळी वाट निवडूनही चिरागने आपल्या कामातून वडिलांचे नाव उज्ज्वल केले आहे.