म्हसवड : धुळदेवमध्ये भयानक अपघात, दोघे जागीच ठार; तीन जखमी

 

अशोक खरात प्रकरणात ठाकरे गटाच्या नेत्या सुषमा अंधारे यांनी रुपाली चाकणकर, दीपक केसरकर यांच्यावर जोरदार टीका; “मुख्यमंत्री, आर्थिक गुन्हे शाखेला भेटणार, फोन रेकॉर्ड आणि खाते तपासा”

नाशिक: भोंदूबाबा अशोक खरात प्रकरणात एसआयटीकडून चौकशी सुरू असतानाच ठाकरे गटाच्या नेत्या सुषमा अंधारे यांनी राज्य महिला आयोगाच्या माजी अध्यक्षा रुपाली चाकणकर यांच्यावर गंभीर आरोप केले आहेत.

आज नाशिकमध्ये माध्यमांशी बोलताना सुषमा अंधारे यांनी म्हटले की, “मी टू चळवळीत गायक आणि दिग्दर्शक अनू मलिक यांच्यावर महिलांनी केलेल्या तक्रारींवर रुपाली चाकणकर यांनी क्लीन चिट दिली. त्याच्याबदल्यात त्यांच्या मुलगा सोहम चाकणकर ला अनू मलिक यांच्या चित्रपटात काम मिळाले.”

मुख्य आरोप

सुषमा अंधारे म्हणाल्या, “अनू मलिक यांच्याविरुद्ध सिनेसृष्टीतील दोन-तीन महिलांनी तक्रार दिली होती. त्यावेळी रुपाली चाकणकर यांनी अनू मलिकला क्लीन चिट दिली. त्यानंतर लगेचच अनू मलिक यांच्या प्रॉडक्शनचा चित्रपट तयार झाला आणि त्यात रुपाली चाकणकर यांचा मुलगा सोहम चाकणकरला भूमिका मिळाली. जर अशा प्रकारची डील होत असेल तर हे खूप वाईट आहे.”

अशोक खरातसोबतचे फोटो दाखवले

सुषमा अंधारे यांनी पत्रकार परिषदेत अशोक खरातचे १० फोटो दाखवले. यामध्ये:

 माजी मंत्री आणि शिवसेना शिंदे गटाचे आमदार दीपक केसरकर

 राज्य महिला आयोगाच्या माजी अध्यक्षा रुपाली चाकणकर

 केंद्रीय गृहमंत्री अमित शाह, भाजप नेते अतुल सावे, शिंदे गटाचे माजी खासदार हेमंत गोडसे

यांचे अशोक खरातसोबतचे फोटो दाखवण्यात आले. यातील रुपाली चाकणकर आणि दीपक केसरकर यांचे फोटो सर्वाधिक आहेत, असे सुषमा अंधारे यांनी सांगितले.

 मुख्यमंत्री आणि आर्थिक गुन्हे शाखेला भेटणार

सुषमा अंधारे यांनी पुढे म्हटले, “मी मुख्यमंत्री महोदयांना भेटणार आहे. दीपक केसरकर आणि रुपाली चाकणकर यांचे फोन रेकॉर्ड तसेच आर्थिक खाते तपासावे. मी यासंदर्भात आर्थिक गुन्हे शाखेला देखील भेटणार आहे.”

ते म्हणाल्या, “चौधरी जे तटकरे यांच्यासोबत अनेक व्यवहार करतात, ते कोकणात चाकणकर यांच्यासोबत आहेत. साडे चारशे ते पाचशे कोटींचा प्रोजेक्ट आहे. एवढी ताकद येते कुठून?”

सुषमा अंधारे यांनी महिलांच्या प्रतिष्ठेचा मुद्दा उपस्थित करताना म्हटले की, अशा प्रकारच्या आरोपांमुळे पोलीस प्रशासनालाही अडचणी येत आहेत. मात्र, एसआयटी प्रमुख तेजस्वी सातपुते यांचे काम चांगले चालू आहे, असेही त्यांनी नमूद केले.