धक्कादायक! स्पा सेंटरच्या नावाखाली आक्षेपार्ह प्रकार सुरू; महिलांसह पुरुषांना ताब्यात, एकाच वेळी सात ठिकाणी कारवाई; बीड शहरात खळबळ

  ९ विशेष पथकांकडून आरोपींचा शोध; पप्या शिंदे, निखिल यादव आणि नितेश पवार यांना अटक; निखिल आणि नितेश यांना ८ ऑक्टोबरपर्यंत पोलीस कोठडी; ३ महिला आणि २ पुरुष अशा ५ जणांना चौकशीसाठी ताब्यात; संतोष कनोजिया उर्फ 'टल्ली' याचा शोध सुरू

क्रांती न्यूज (प्रतिनिधी) - सचिन मेनकुदळे

ठाणे : ठाण्याच्या मानपाडा परिसरात शिवसेना उद्धव बाळासाहेब ठाकरे पक्षाचे विभागप्रमुख प्रदीप पूर्णेकर यांच्या हत्येमुळे राजकीय वर्तुळात मोठी खळबळ उडाली आहे. मंगळवारी रात्री प्रदीप पूर्णेकर यांच्या कार्यालयात घुसून पाच जणांनी त्यांच्यावर गोळ्या झाडून आणि कोयत्याचे वार करून त्यांना संपवले. या धक्कादायक घटनेनंतर ठाणे पोलीस प्रशासनाने तपासाची चक्रे वेगाने फिरवली आहेत. प्रदीप पूर्णेकर प्रकरणाचा तपास वेगाने सुरु आहे. पोलिसांनी परिसरातील १०० हून अधिक सीसीटीव्हीची तपासणी केल्याची माहिती सूत्रांकडून मिळत आहे. या प्रकरणामुळे संपूर्ण ठाणे जिल्ह्यात एकच खळबळ उडाली असून, राजकीय वातावरण चांगलेच तापले आहे.

घटनेनंतर ठाणे पोलिसांनी तपासाची सूत्रे हाती घेतली आहेत. पोलिसांनी मंगळवारी रात्रीच मारेकऱ्यांना पकडण्यासाठी तब्बल ९ विशेष पथके तयार केली होती. यामध्ये गुन्हे खंडणी विभागाची ३ आणि इतर ५ पथकांचा समावेश असून, मुंबईसह बाहेरच्या परिसरात आरोपींचा कसून शोध घेतला जात आहे. या पथकांकडून आरोपींचा माग काढण्यासाठी तांत्रिक विश्लेषण आणि माहिती तंत्रज्ञानाचा वापर केला जात आहे.

हत्येचा मुख्य सूत्रधार आणि इतर आरोपींचा सुगावा लावण्यासाठी पोलिसांनी घटनेच्या परिसरातील १०० हून अधिक सीसीटीव्ही फुटेजची तपासणी केली आहे. याशिवाय परिसरातील व्यावसायिक, दुकानदार आणि प्रत्यक्षदर्शींची कसून चौकशी करण्यात आली आहे. पोलिसांच्या सूत्रांनी दिलेल्या माहितीनुसार, पूर्णेकर यांच्या नातेवाईकांचे आणि जवळच्या मित्रांचे जबाब नोंदवण्यात आले असून, तांत्रिक विश्लेषणाच्या आधारे हत्येचा कट उघडकीस आणण्याचे प्रयत्न सुरू आहेत. तसेच, घटनास्थळाजवळील दुकानांचे सीसीटीव्ही फुटेज तपासून आरोपींची ओळख पटवण्याचा प्रयत्न केला जात आहे.

या प्रकरणाचा तपास करत असताना पोलिसांनी आतापर्यंत पप्या शिंदे, निखिल यादव आणि नितेश पवार या तिघांना अटक केली आहे. कोर्टाने आरोपी निखिल यादव आणि नितेश पवार यांना ८ ऑक्टोबरपर्यंत पोलीस कोठडी सुनावली आहे. याशिवाय आरोपी पप्या शिंदेची दुचाकी आणि हत्येत वापरलेल्या इतर दोन दुचाकी पोलिसांनी जप्त केल्या आहेत. तसेच हत्येपूर्वी पप्या शिंदे याच्या संपर्कात असलेल्या ३ महिला आणि २ पुरुष अशा एकूण ५ जणांना चौकशीसाठी ताब्यात घेण्यात आले आहे. या प्रकरणात मुख्य संशयितांपैकी एक असलेला संतोष कनोजिया उर्फ 'टल्ली' याच्यासह आणखी एका संशयिताचा शोध पोलीस घेत आहेत. पोलिसांनी या प्रकरणातील सर्व पैलूंचा तपास सुरू केला असून, लवकरच या प्रकरणातील सत्य समोर येईल, अशी माहिती दिली जात आहे.

प्रदीप पूर्णेकर हे ठाण्यातील मानपाडा, मनोरमानगर आणि आझादनगर परिसरातील ठाकरे गटाचे विभागप्रमुख होते. मंगळवारी रात्री साडेनऊच्या सुमारास मानपाडा येथील गणेशनगरमधील त्यांच्या कार्यालयात घुसून अज्ञात हल्लेखोरांनी त्यांच्यावर हल्ला केला. या हत्येनंतर पूर्णेकर कुटुंबीयांनी आणि समर्थकांनी आक्रमक भूमिका घेत, मारेकऱ्यांना पकडल्याशिवाय मृतदेहावर अंत्यसंस्कार करणार नाही असा पवित्रा घेतला होता. प्रदीप पूर्णेकर यांचे भाऊ जयनाथ पूर्णेकर आणि मुलगा राम पूर्णेकर यांनी शिंदे सेनेच्या नेत्या मिनाक्षी शिंदे आणि त्यांचे पती राजेंद्र शिंदे हे या हत्येच्या कटाचे मुख्य सूत्रधार असल्याचा थेट आरोप केला. पोलिसांनी पुरवणी एफआयआरमध्ये या दोघांच्या नावांचा समावेश केल्यानंतरच कुटुंबीयांनी पूर्णेकर यांच्या पार्थिवावर अंत्यसंस्कार केले.

दरम्यान, पप्या शिंदे तपासात सहकार्य करत नाही. त्याने सर्व आरोप फरार असलेल्या आरोपींवर ढकलले आहेत. त्यामुळे तपासात अडथळे येत असल्याचे पोलिसांनी सांगितले. तसेच, पप्या शिंदे हा अनेक वर्षांपासून प्रदीप पूर्णेकर यांचा मित्र होता. मात्र नुकत्याच झालेल्या ठाणे महापालिका निवडणुकीनंतर दोघे काही काळासाठी एकत्र नव्हते. पण मागील १५ दिवसांपासून पप्या शिंदे याने पुन्हा एकदा प्रदीप यांच्यासोबत जुळवून घेतलं होतं. ज्यावेळी प्रदीप पूर्णेकरांवर हल्ला झाला, त्यावेळी पप्या शिंदे त्या कार्यालयातच होता. मात्र तो हत्येच्या कटाचा भाग असल्याचं पोलीस तपासात उघड झालं आहे.

प्रदीप पूर्णेकर यांची हत्या होण्यापूर्वी काही दिवस आधी परिसरातील एक तरुणी दोन मुलांसोबत एका रुममध्ये आढळली होती. प्रदीप पूर्णेकर यांनी तिकडे जाऊन या मुलीसोबतच्या दोन पुरुषांना मारहाण केली होती. यानंतर प्रदीप पूर्णेकर यांनी संबंधित तरुणीला आणि त्या दोन तरुणांना पकडून कापूरबावडी पोलीस ठाण्यात आणल्याचा उल्लेख पुरवणी आरोपपत्रात आहे. त्यानंतर ही तरुणी पूर्णेकरांच्या हत्येच्या आधी आणि नंतर पूर्णेकरांच्या ऑफिसबाहेर वावरताना दिसून आली, अशी माहिती राम पूर्णेकर यांनी पोलिसांना दिली. त्यामुळे संबंधित तरुणीवर संशय व्यक्त करत तिच्याकडेही तपास करण्याची मागणी जबाबात करण्यात आली आहे.

या प्रकरणामुळे ठाण्यातील राजकीय वातावरण चांगलेच तापले आहे. एका बाजूला ठाकरे गटाने या हत्येचा निषेध करत दोषींवर कडक कारवाईची मागणी केली आहे. तर दुसऱ्या बाजूला शिंदे गटाने या प्रकरणाचा राजकीय लाभ घेण्याचा प्रयत्न केला जात असल्याचा आरोप केला आहे. या प्रकरणामुळे दोन्ही गटांमध्ये आरोप-प्रत्यारोप सुरू आहेत. मंत्री गणेश नाईक यांनी पूर्णेकर कुटुंबियांची भेट घेत 'वरच्या दरबारात कोणी सुटत नाही' असे स्पष्ट केले आहे.

प्रदीप पूर्णेकर प्रकरणात पोलिसांनी तपास वेगाने सुरू केला आहे. १०० हून अधिक सीसीटीव्ही तपासले असून, दुकानदार, मित्र आणि नातेवाईकांची चौकशी केली जात आहे. ९ विशेष पथकांकडून आरोपींचा शोध सुरू आहे. पप्या शिंदे, निखिल यादव आणि नितेश पवार यांना अटक करण्यात आली असून, ५ जणांना चौकशीसाठी ताब्यात घेतले आहे. संतोष कनोजिया उर्फ 'टल्ली' याचा शोध सुरू आहे. या प्रकरणाचा तपास निष्पक्षपणे होण्याची गरज असल्याचे मत व्यक्त केले जात आहे.