ठाकरेंच्या शिवसेनेचे ठाणे विभागप्रमुख प्रदीप पूर्णेकर यांच्यावर दोन राऊंड गोळीबार! उपचारादरम्यान पूर्णेकर यांचा मृत्यू; ठाण्यात खळबळ

हत्येपूर्वी काही दिवस आधी परिसरातील तरुणी दोन मुलांसोबत रुममध्ये आढळली; प्रदीप पूर्णेकरांनी दोन तरुणांना मारहाण करून तिघांना कापूरबावडी पोलीस ठाण्यात आणलं; हीच तरुणी हत्येच्या आधी आणि नंतर पूर्णेकरांच्या ऑफिसबाहेर वावरताना दिसली — राम पूर्णेकरांचा पुरवणी जबाबात दावा; तरुणीकडेही तपासाची मागणी

क्रांती न्यूज (प्रतिनिधी) -  किरण देशमुख

ठाणे : ठाण्याच्या मानपाडा, आझाद नगर आणि मनोरमा नगर परिसरातील ठाकरे विभागप्रमुख प्रदीप पूर्णेकर यांची मंगळवारी त्यांच्या कार्यालयात गोळ्या झाडून हत्या करण्यात आली. प्रदीप पूर्णेकर हे एरवी कार्यकर्त्यांच्या गराड्यात असतात. मात्र, मंगळवारी त्यांचे कार्यकर्ते हे नवरात्रौत्सवासाठी वर्गणी गोळा करण्यासाठी विभागातच फिरत होते. प्रदीप पूर्णेकर यांच्यावर अलीकडेच शस्त्रक्रिया झाली असल्याने ते वर्गणी गोळा करायला गेले नव्हते. त्यामुळे ते कार्यालयात पप्या शिंदे याच्यासोबत एकटेच होते. त्यावेळी चार हल्लेखोरांनी कार्यालयात शिरुन त्यांची गोळ्या झाडून हत्या केली होती. या घटनेनंतर प्रदीप पूर्णेकर यांचा मुलगा राम पूर्णेकर याने शिंदे सेनेच्या नगरसेविका मिनाक्षी शिंदे आणि त्यांचे पती राजेंद्र शिंदे यांच्यावर गंभीर आरोप केले. हे दोघे प्रदीप पूर्णेकर यांच्या हत्येच्या कटाचे सूत्रधार असल्याचे राम पूर्णेकर याने म्हटले होते. यानंतर राम पूर्णेकर याने मिनाक्षी शिंदे यांच्यावर आणखी एक आरोप केला आहे.

राम पूर्णेकर याने पोलिसांना दिलेल्या पुरवणी जबाबात मीनाक्षी शिंदे यांच्यासहित राजेंद्र शिंदे यांच्यावर एक आरोप केला आहे. त्यानुसार, प्रदीप पूर्णेकर यांची हत्या होण्यापूर्वी काही दिवस आधी परिसरातील एक तरुणी दोन मुलांसोबत एका रुममध्ये आढळली होती. प्रदीप पूर्णेकर यांनी तिकडे जाऊन या मुलीसोबतच्या दोन पुरुषांना मारहाण केली होती. यानंतर प्रदीप पूर्णेकर यांनी संबंधित तरुणीला आणि त्या दोन तरुणांना पकडून कापूरबावडी पोलीस ठाण्यात आणल्याचा उल्लेख पुरवणी आरोपपत्रात आहे. त्यानंतर ही तरुणी पूर्णेकरांच्या हत्येच्या आधी आणि नंतर पूर्णेकरांच्या ऑफिसबाहेर वावरताना दिसून आली, अशी माहिती राम पूर्णेकर यांनी पोलिसांना दिली. त्यामुळे संबंधित तरुणीवर संशय व्यक्त करत तिच्याकडेही तपास करण्याची मागणी जबाबात करण्यात आली आहे. या दाव्यामुळे पूर्णेकर हत्या प्रकरणात नवे वळण लागण्याची शक्यता निर्माण झाली आहे.

राजेंद्र शिंदे आणि मिनाक्षी शिंदे यांच्याशी ठाणे महानगरपालिकेच्या निवडणुकीपासून वैमनस्य निर्माण झाले होते. सोशल मीडियावरून बदनामी तसेच पूर्णेकर यांना जीवे मारण्याच्या धमक्या दिल्या गेल्या होत्या. राजेंद्र शिंदे आणि मिनाक्षी शिंदे यांनी कट रचून संतोष उर्फ टल्ली कनोजिया, निखिल यादव उर्फ शूटर, नितेश उर्फ भावड्या पवार यांच्या मदतीने वडिलांची हत्या केल्याचे राम पूर्णेकर यांनी पोलिसांना दिलेल्या जबाबात म्हटले आहे. या आरोपांमुळे राजकीय वातावरण चांगलेच तापले आहे.

प्रदीप पूर्णेकर यांचा मुलगा राम पूर्णेकर याने पोलिसांना दिलेल्या जबाबात स्वत:च लावण्या नावाच्या ड्रग्ज घेणाऱ्या मुलीचा उल्लेख केला आहे. तिच्या घरी जाऊन बाळू पूर्णेकर याने घरातील दोन व्यक्तींना मारहाण केली होती. त्यावेळी त्या लावण्या नावाच्या मुलीने बाळू पूर्णेकर यांना धमकी दिली होती. तुम्हाला बघून घेईन, मारुन टाकेन, असे म्हणत तिने शिवीगाळ केली होती, याकडे मिनाक्षी शिंदे यांनी लक्ष वेधण्याचा प्रयत्न केला. या प्रकरणामुळे पूर्णेकर हत्या प्रकरणात अनेक नवे पैलू समोर येत आहेत.

दरम्यान, पप्या शिंदे तपासात सहकार्य करत नाही. त्याने सर्व आरोप फरार असलेल्या आरोपींवर ढकलले आहेत. त्यामुळे तपासात अडथळे येत असल्याचे पोलिसांनी सांगितले. तसेच, पप्या शिंदे हा अनेक वर्षांपासून प्रदीप पूर्णेकर यांचा मित्र होता. मात्र नुकत्याच झालेल्या ठाणे महापालिका निवडणुकीनंतर दोघे काही काळासाठी एकत्र नव्हते. पण मागील १५ दिवसांपासून पप्या शिंदे याने पुन्हा एकदा प्रदीप यांच्यासोबत जुळवून घेतलं होतं. ज्यावेळी प्रदीप पूर्णेकरांवर हल्ला झाला, त्यावेळी पप्या शिंदे त्या कार्यालयातच होता. मात्र तो हत्येच्या कटाचा भाग असल्याचं पोलीस तपासात उघड झालं आहे.

या गुन्ह्यात जे हत्यार वापरण्यात आले ते शोधणे बाकी आहे. मुख्यतः गुन्ह्याचा हेतू अजून स्पष्ट झालेला नाही. हत्येमागे काय हेतू होता? सामाजिक की राजकीय हेतूने हत्या झाली हे शोधणे गरजेचे आहे. तसेच, या प्रकरणात इतर कोणाचा सहभाग आहे का, याचाही तपास पोलीस करत आहेत. पोलिसांनी या प्रकरणातील सर्व पैलूंचा तपास सुरू केला असून, लवकरच या प्रकरणातील सत्य समोर येईल, अशी माहिती दिली जात आहे.

पोलिसांनी या प्रकरणाचा तपास सुरू केला आहे. आतापर्यंत पोलिसांनी ८ ते १० जणांचे जबाब नोंदवले आहेत. प्रत्यक्षदर्शी, घटनास्थळाच्या आजूबाजूला असणारे रहिवासी आणि कुटुंबातील सदस्यांचे जबाब नोंदवले आहेत. तसेच, आरोपींचा शोध पोलिसांकडून सुरू करण्यात आला आहे. पोलिसांनी घटनास्थळावरील CCTV फुटेज तपासले असून, आरोपींची ओळख पटवण्याचा प्रयत्न करत आहेत.

प्रदीप पूर्णेकर यांच्या हत्येपूर्वी घडलेल्या प्रसंगाबाबत त्यांचा मुलगा राम पूर्णेकर याने खळबळजनक दावा केला आहे. हत्येपूर्वी काही दिवस आधी परिसरातील एक तरुणी दोन मुलांसोबत रुममध्ये आढळली होती. प्रदीप पूर्णेकरांनी तिघांना कापूरबावडी पोलीस ठाण्यात आणले होते. हीच तरुणी हत्येच्या आधी आणि नंतर पूर्णेकरांच्या ऑफिसबाहेर वावरताना दिसली. त्यामुळे तिच्याकडेही तपास करण्याची मागणी राम पूर्णेकर यांनी केली आहे. या प्रकरणात अनेक नवे पैलू समोर येत असून, या प्रकरणाचा तपास निष्पक्षपणे होण्याची गरज असल्याचे मत व्यक्त केले जात आहे.