ठाकरेंच्या शिवसेनेचे ठाणे विभागप्रमुख प्रदीप पूर्णेकर यांच्यावर दोन राऊंड गोळीबार! उपचारादरम्यान पूर्णेकर यांचा मृत्यू; ठाण्यात खळबळ

 पुणे पदवीधर मतदारसंघातून उमेदवारी न मिळाल्याने हसन मुश्रीफ यांचे कट्टर समर्थक भय्या माने यांनी सोडली साथ; कोल्हापूरच्या राजकारणात खळबळ; दोघांमध्ये पुणे पदवीधरवरून कटुता; महायुतीत अजूनही उमेदवार निश्चित नाही; शिक्षक आणि पुणे पदवीधर दोन्ही जागा भाजप लढवणार — धनंजय महाडिक

क्रांती न्यूज (प्रतिनिधी) - सचिन मेनकुदळे

कोल्हापूर : पुणे पदवीधर संघातून इच्छुक असलेले वैद्यकीय शिक्षण मंत्री हसन मुश्रीफ यांचे कट्टर समर्थक भय्या माने यांना उमेदवारी न मिळाल्याने त्यांनी अखेर हसन मुश्रीफ यांची साथ सोडल्याने कोल्हापूरच्या राजकारणामध्ये खळबळ उडाली आहे. दुसरीकडे वैद्यकीय शिक्षण मंत्री यांनी सुद्धा भय्या माने आणि आमचा संबंध संपल्याचं वक्तव्य केल्याने दोघांमध्ये आता पुणे पदवीधर मतदारसंघावरून कटुता आल्याचं स्पष्ट झालं आहे. गेल्या काही दिवसांपासून पुणे पदवीधर मतदारसंघातून भय्या माने यांनी जोरदार तयारी केली होती आणि उमेदवारी आपल्याला मिळेल असा विश्वास सुद्धा होता, मात्र महायुतीमध्ये उमेदवारीवरून घमासान सुरू असल्याने भय्या माने यांचा पत्ता कट झाल्याची चर्चा होती. त्यामुळे हसन मुश्रीफ यांची साथ सोडण्याचा निर्णय भय्या माने यांनी घेतला आहे.

दरम्यान, गेल्या अनेक दशकांपासून सावलीसारखे सोबत असलेले भय्या माने मुश्रीफांची साथ सोडताना भावूक झाल्याचे दिसून आले. त्यांनी कोणत्याही स्थितीत पुणे पदवीधर लढवण्याचा निर्णय घेतला आहे. दरम्यान, आता पुणे पदवीधरवरून अजूनही महायुतीमध्ये उमेदवार निश्चित झालेली नाही. त्यामुळे भय्या माने यांच्या समर्थकांमध्ये चांगलीच नाराजी पसरली होती. कोणत्याही परिस्थितीमध्ये निवडणूक लढवण्याचा आग्रह त्यांच्या समर्थकांकडून व्यक्त केला जात होता. त्यामुळे निवडक कार्यकर्त्यांसोबत काय काय घडत होतं याची माहिती भय्या माने यांच्याकडून समर्थकांना दिली जात होती, मात्र उमेदवारीच निश्चित होत नसल्याने समर्थकांमध्ये अस्वस्थता पसरली होती.

दुसरीकडे काहीही झालं तरी बंडखोरी करून तरी निवडणूक लढवा असंही समर्थकांकडून त्यांना सांगण्यात येत होतं. वरिष्ठ नेत्यांना मतदार नोंदणीची आकडेवारी सादर करू आणि अपक्ष लढू, तसेच उपमुख्यमंत्री सुनेत्राताई पवार यांना सांगून महायुतीमध्ये मैत्रीपूर्ण लढत करूया अशा सूचना सुद्धा मुश्रीफ यांच्याकडे करण्यात आल्या होत्या. मात्र अजूनही गुंता उमेदवारीचा सुटला नसल्याने अखेर भय्या माने यांनी मुश्रीफ यांची साथ सोडली आहे. या निर्णयामुळे कोल्हापूर जिल्ह्यातील राजकीय वातावरण चांगलेच तापले असून, महायुतीतील जागा वाटपावर याचा परिणाम होण्याची शक्यता वर्तवण्यात येत आहे.

दुसरीकडे, कट्टर शिलेदार भय्या माने यांनी साथ सोडताच वैद्यकीय शिक्षण मंत्री हसन मुश्रीफ यांनी 'भय्या माने आणि आमचा संबंध संपला' असे स्पष्ट वक्तव्य केले आहे. या वक्तव्यामुळे दोघांमधील वाद अधिक तीव्र झाला असून, कोल्हापूरच्या राजकारणात नवे वळण लागण्याची शक्यता आहे. अनेक दशकांची मैत्री अशा पद्धतीने संपल्याने अनेकांच्या भुवया उंचावल्या आहेत. तसेच, याचा परिणाम पुणे पदवीधर मतदारसंघातील निवडणुकीवर होणार असल्याचे बोलले जात आहे.

पुणे पदवीधरमध्ये राष्ट्रवादी गेल्यावेळी निवडणुकीमध्ये विजयी झाली होती. परंतु राष्ट्रवादीचे लाड यांचे संपूर्ण परिवारच भाजपमध्ये आला आहे. या दृष्टिकोनातून भारतीय जनता पार्टीचा क्लेम त्या जागेवर असल्याचा दावा खासदार धनंजय महाडिक यांनी केला आहे. शिक्षक आणि पुणे पदवीधर या दोन्ही भाजप लढवणार असल्याचेही महाडिक यांनी म्हटलं आहे.

दुसरीकडे, खासदार धनंजय महाडिक काल म्हणाले की, शिक्षक मतदारसंघावर भाजप विरुद्ध काँग्रेस अशी निवडणूक झाली होती. काँग्रेस जरी विजय झाली असली, तरी यावेळी आम्ही भारतीय जनता पार्टी शिक्षक असेल आणि पुणे पदवीधर असेल दोन्ही जागा भारतीय जनता पार्टी म्हणून लढवण्याचा आमच्या वरिष्ठांचा निर्णय आहे. पुणे पदवीधरमध्ये राष्ट्रवादी गेल्यावेळी निवडणुकीमध्ये विजयी झाली होती. परंतु राष्ट्रवादीचे लाड यांचे संपूर्ण परिवारच भाजपमध्ये आला आहे. या दृष्टिकोनातून भारतीय जनता पार्टीचा क्लेम त्या जागेवर असल्याचा दावा खासदार धनंजय महाडिक यांनी केला आहे.

या घडामोडींचा परिणाम गोकुळ निवडणुकीवरही होण्याची शक्यता वर्तवण्यात येत आहे. महायुतीमध्ये जागा वाटपावरून सुरू असलेल्या घमासानामुळे अनेक नेत्यांमध्ये नाराजी निर्माण झाली आहे. भय्या माने यांनी साथ सोडल्याने महायुतीच्या एकजुटीवर प्रश्नचिन्ह निर्माण झाले आहे. तसेच, पुणे पदवीधर मतदारसंघात महायुतीचा उमेदवार कोण असणार, याबाबत अद्याप निर्णय झालेला नाही.

या प्रकरणामुळे कोल्हापूर जिल्ह्यातील राजकीय वातावरण चांगलेच तापले आहे. एका बाजूला भय्या माने यांनी मुश्रीफांची साथ सोडली असता, दुसऱ्या बाजूला मुश्रीफांनी संबंध संपल्याचे जाहीर केले आहे. यामुळे दोन्ही नेत्यांमधील वाद अधिक तीव्र होण्याची शक्यता आहे. तसेच, या प्रकरणाचा परिणाम महायुतीच्या जागा वाटपावर होणार असल्याचे बोलले जात आहे.

पुणे पदवीधर मतदारसंघातून उमेदवारी न मिळाल्याने भय्या माने यांनी हसन मुश्रीफ यांची साथ सोडली आहे. कोणत्याही परिस्थितीत पुणे पदवीधर लढवण्याचा निर्णय भय्या माने यांनी घेतला आहे. दुसरीकडे, मुश्रीफांनी 'भय्या माने आणि आमचा संबंध संपला' असे स्पष्ट केले आहे. शिक्षक आणि पुणे पदवीधर दोन्ही जागा भाजप लढवणार असल्याचा दावा धनंजय महाडिक यांनी केला आहे. या प्रकरणामुळे कोल्हापूर जिल्ह्यातील राजकीय वातावरण तापले असून, या प्रकरणाचा परिणाम महायुतीच्या जागा वाटपावर होणार असल्याचे बोलले जात आहे.