अंगावर खाकी, खांद्यावर स्टार अन् दाखवत होती रुबाब; पुण्यात तोतया ‘लेडी सिंघम’चा पर्दाफाश, नेमकं काय घडलं?

 

म्हसवडमध्ये अवैध हातभट्टीवर धाड; १५ हजारांचा मुद्देमाल जप्त

​म्हसवड :

म्हसवड पोलीस ठाण्याच्या हद्दीतील शिंदेमळा परिसरात अवैधपणे हातभट्टीची दारू तयार करणाऱ्यावर पोलिसांनी धडक कारवाई केली आहे. याप्रकरणी निलेश बाळू जाधव (रा. म्हसवड) याच्यावर महाराष्ट्र दारूबंदी कायद्यान्वये गुन्हा दाखल करण्यात आला असून, १५ हजार २५० रुपयांचा मुद्देमाल जप्त करण्यात आला आहे.

मिळालेल्या माहितीनुसार, ३० मे २०२६ रोजी रात्री ८:३० च्या सुमारास म्हसवड गावच्या हद्दीतील शिंदेमळा येथे ओढ्याच्या कडेला आरोपी निलेश जाधव हा स्वतःच्या आर्थिक फायद्यासाठी बेकायदेशीरपणे हातभट्टीची दारू तयार करत होता. स्थानिक गुन्हे शाखा सातारा येथील पोलीस हवालदार सनि सुरेश आवटे यांनी या परिसरात सापळा रचून ही कारवाई केली.

या कारवाईमध्ये पोलिसांनी १०५ लिटर तयार हातभट्टी दारू आणि ५०० लिटर दारू तयार करण्यासाठी वापरले जाणारे आंबट-गोड वास येणारे रसायन असा एकूण १५,२५० रुपयांचा मुद्देमाल जप्त केला आहे. तसेच तपासासाठी पोलिसांनी रसायनाचे नमुनेही (सॅम्पल्स) घेतले आहेत.

या प्रकरणाचा पुढील तपास पोलीस निरीक्षक संदीप पोमण यांच्या मार्गदर्शनाखाली पोलीस हवालदार कुंभार हे करत आहेत. आरोपी निलेश जाधव याच्यावर यापूर्वीही म्हसवड पोलीस ठाण्यात गुन्हे दाखल असल्याचे समोर आले आहे. या धडक कारवाईमुळे परिसरात खळबळ उडाली आहे.