अंगावर खाकी, खांद्यावर स्टार अन् दाखवत होती रुबाब; पुण्यात तोतया ‘लेडी सिंघम’चा पर्दाफाश, नेमकं काय घडलं?

 

महायुतीचा धक्कादायक निर्णय: शेखर गोरेंना डावलून धैर्यशील कदमांना संधी; कार्यकर्त्यांमध्ये नाराजीचा सूर

​क्रांती न्यूज - संपादक - सचिन मेनकुदळे 

सातारा :

सातारा-सांगली स्थानिक स्वराज्य संस्था मतदारसंघाच्या विधानपरिषद निवडणुकीसाठी महायुतीने आपला अधिकृत उमेदवार जाहीर केला असून, भाजपचे सातारा जिल्हाध्यक्ष धैर्यशील कदम यांना उमेदवारी देण्यात आली आहे. या निर्णयामुळे गेली अनेक वर्षे तळागाळात काम करणाऱ्या आणि कार्यकर्त्यांची मोठी फळी उभारणाऱ्या शेखर गोरे यांच्या समर्थकांमध्ये मोठी खळबळ उडाली आहे.

​राजकीय वर्तुळात शेखर गोरे हे एक प्रबळ आणि सर्वसमावेशक नेतृत्व म्हणून ओळखले जातात. सातारा आणि सांगली जिल्ह्यांतील स्थानिक स्वराज्य संस्थांच्या समस्यांची त्यांना चांगली जाण आहे.  तळागाळातील कार्यकर्त्यांना न्याय मिळवून देण्यासाठी त्यांनी नेहमीच पुढाकार घेतला आहे. त्यामुळे, पक्षाने त्यांच्या अनुभवाचा आणि लोकप्रियतेचा विचार करायला हवा होता, अशी भावना आता स्थानिक पदाधिकाऱ्यांकडून व्यक्त केली जात आहे.

​राजकीय समीकरणांत मोठी उलथापालथ

​महायुतीच्या या निर्णयाने स्थानिक राजकारणात नव्या समीकरणांना जन्म दिला आहे. शेखर गोरे यांना डावलल्यामुळे नाराज झालेल्या कार्यकर्त्यांची पुढची भूमिका काय असेल, याकडे आता सर्वांचे लक्ष लागले आहे. शेखर गोरे यांच्याकडे असलेली मोठी जनशक्ती आणि प्रभावी संघटन कौशल्य पाहता, त्यांच्याशिवाय निवडणुकीच्या रिंगणात उतरणे महायुतीला किती फायदेशीर ठरेल, यावर राजकीय विश्लेषकांमध्ये चर्चा सुरू झाली आहे.

​धैर्यशील कदम यांना उमेदवारी जाहीर झाली असली तरी, शेखर गोरे यांच्यासारख्या जनमानसात रुजलेल्या नेत्याला बाजूला सारल्याचे परिणाम महायुतीला आगामी निवडणुकीत भोगावे लागण्याची शक्यता वर्तवली जात आहे. कार्यकर्त्यांच्या भावनांचा आदर न केल्यास त्याचा फटका निवडणुकीच्या निकालावर होण्याची दाट चिन्हे आहेत. आता शेखर गोरे हे या परिस्थितीवर काय भूमिका घेतात, याकडे संपूर्ण सातारा-सांगली जिल्ह्याचे लक्ष लागले आहे.

शेखरभाऊ गोरे यांच्या राजकीय ताकदीची कार्यकर्त्यांमध्ये चर्चा; जुन्या निवडणुकांचे दाखले सोशल मीडियावर व्हायरल!

मागील जिल्हा परिषद निवडणुकांमध्ये शेखरभाऊ गोरे यांनी कोणत्याही मोठ्या पक्षाची साथ न घेता, केवळ स्वतःच्या जनसंपर्कावर आणि ताकदीवर आपल्या पत्नीला महाराष्ट्रात सर्वाधिक मताधिक्याने स्वबळावर निवडून आणले होते. या ऐतिहासिक विजयाची नोंद आजही संपूर्ण जिल्ह्यात घेतली जाते.

त्यानंतर झालेल्या सातारा जिल्हा मध्यवर्ती सहकारी बँकेच्या अत्यंत प्रतिष्ठेच्या निवडणुकीतही याचीच प्रचिती आली. जिल्ह्यातील सर्वपक्षीय मातब्बर नेते आणि पॅनेल एका बाजूला असताना, शेखरभाऊंनी 'स्वबळाचा' नारा देत निवडणुकीच्या रिंगणात उडी घेतली होती. सर्वपक्षीय बलाढ्य विरोधकांसमोर आव्हान उभे करत, त्यांनी त्या प्रतिकूल परिस्थितीतही विजयाचा गुलाल उधळला होता.

याच पार्श्वभूमीवर सध्या कार्यकर्त्यांमध्ये आणि राजकीय वर्तुळात एकाच गोष्टीची जोरदार चर्चा सुरू आहे. "शेखरभाऊंनी जर मनात आणले किंवा एकदा का त्यांनी शब्द दिला, तर ते कोणत्याही उमेदवाराला मोठ्या मताधिक्याने निवडून आणू शकतात आणि विरोधात गेल्यास गेम उलटवू शकतात," असा ठाम विश्वास त्यांच्या कार्यकर्त्यांकडून व्यक्त केला जात आहे. निवडणुकीच्या या रणधुमाळीत त्यांच्या याच किंगमेकर भूमिकेची चर्चा आता पुन्हा एकदा रंगू लागली आहे.

​या घडामोडींनंतर शेखर गोरे यांच्या पुढील राजकीय भूमिकेकडे सर्वांचे लक्ष लागले आहे, तुम्हाला काय वाटते, ते आपली कोणती भूमिका जाहीर करतील?