विधान परिषदेसाठी सोलापूरच्या नेत्यांच्या जोर बैठका; राजेंद्र राऊत, राजन पाटील, राम सातपुते यांची चढाओढ, मुख्यमंत्री आणि पालकमंत्र्यांच्या संमतीनेच एकालाच संधी?

 समता पतसंस्थेतील १३२ संशयास्पद खात्यांपैकी ४ खाती प्रतिभा चाकणकर आणि त्यांच्या मुलांच्या नावे; खरात ‘नॉमिनी’ म्हणून नोंद; SIT ने नोटीस बजावल्यानंतर आज चौकशी, राजकीय वर्तुळात खळबळ; रुपाली चाकणकर यांच्या राजीनामानंतर बहिणीची चौकशी, तपासाला नवे वळण

शिर्डी/नाशिक: नाशिकचा भोंदूबाबा अशोक एकनाथ खरात याच्या काळ्या साम्राज्याचे धागेदोरे आता राजकीय वर्तुळातील नातेसंबंधांपर्यंत पोहोचले आहेत. राज्य महिला आयोगाच्या माजी अध्यक्षा रुपाली चाकणकर यांच्या बहीण प्रतिभा चाकणकर आज शिर्डी पोलीस ठाण्यात चौकशीसाठी हजर झाल्या आहेत. समता पतसंस्थेतील संशयास्पद कोट्यवधींच्या व्यवहाराप्रकरणी पोलिसांनी त्यांना नोटीस बजावली होती. 

प्रतिभा चाकणकर यांच्या नावे २ खाती आणि त्यांच्या मुलांच्या नावे २ खाती अशी एकूण ४ खाती आढळली आहेत. या चारही खात्यांवरून एकूण २ कोटी ४० लाख रुपयांचे मोठे व्यवहार झाले आहेत. या पैशांचा स्रोत काय? हे पैसे खरातच्या सावकारी व्यवसायाशी संबंधित आहेत का? आणि या व्यवहारांमागे खरातचा नेमका हेतू काय होता? या प्रश्नांची उत्तरे शोधण्यासाठी शिर्डी पोलिसांनी चाकणकर यांचा जबाब नोंदवण्यास सुरुवात केली आहे.

 नेमके प्रकरण काय?

अशोक खरात विरोधात शिर्डीत बेकायदेशीर सावकारी आणि फसवणुकीचे गुन्हे दाखल आहेत. तपासादरम्यान पोलिसांना ‘समता पतसंस्था’त खरातशी संबंधित अशी १३२ संशयास्पद खाती आढळली आहेत, ज्यामध्ये खरात हा ‘नॉमिनी’ (वारसदार) आहे. धक्कादायक बाब म्हणजे, यातील ४ खाती प्रतिभा चाकणकर आणि त्यांच्या मुलांच्या नावे आहेत.

पोलीस तपासात समोर आलेल्या माहितीनुसार, प्रतिभा चाकणकर यांच्या नावे २ खाती आहेत. त्यांच्या मुलांच्या नावे २ खाती आहेत. या चारही खात्यांवरून एकूण २ कोटी ४० लाख रुपयांचे मोठे व्यवहार झाले आहेत. या पैशांचा स्रोत काय? हे पैसे खरातच्या सावकारी व्यवसायाशी संबंधित आहेत का? आणि या व्यवहारांमागे खरातचा नेमका हेतू काय होता? या प्रश्नांची उत्तरे शोधण्यासाठी शिर्डी पोलिसांनी चाकणकर यांचा जबाब नोंदवण्यास सुरुवात केली आहे.

 राजकीय वर्तुळात खळबळ

यापूर्वीच अशोक खरातशी असलेल्या संबंधांच्या आरोपावरून रुपाली चाकणकर यांनी आपल्या पदाचा राजीनामा दिला आहे. आता त्यांच्या सख्ख्या बहिणीचीच पोलीस चौकशी सुरू झाल्याने या प्रकरणाला मोठे राजकीय वळण मिळाले आहे. शिर्डी पोलिसांनी प्रतिभा चाकणकर यांच्या दोन पत्त्यांवर नोटीस धाडली होती, त्यानंतर त्या आज चौकशीसाठी हजर झाल्या आहेत.

पोलिसांनी आतापर्यंत या प्रकरणाशी संबंधित ३३ खातेदारांचे जबाब नोंदवले आहेत. मात्र, चाकणकर कुटुंबाशी संबंधित असलेल्या या खात्यांमधील मोठी रक्कम पाहता, प्रतिभा चाकणकर यांचा जबाब या संपूर्ण तपासातील सर्वात महत्त्वाचा दुवा मानला जात आहे. प्रतिभा चाकणकर काय जबाब नोंदवणार? अशोक खरातविषयी काय बोलणार? हे पाहणे महत्त्वाचे ठरणार आहे.

 अशोक खरात प्रकरणाची पार्श्वभूमी

अशोक खरात याच्यावर लैंगिक शोषण, फसवणूक, खंडणी, सावकारी असे अनेक गंभीर आरोप आहेत. त्याच्या ‘ओकस प्रॉपर्टीज’ कार्यालयातून हिरव्या रंगाचे संशयास्पद द्रव्य जप्त करण्यात आले होते. हे द्रव्य महिलांना बेशुद्ध करण्यासाठी किंवा मानसिक नियंत्रण मिळवण्यासाठी वापरले जात होते का, याचे उत्तर फॉरेन्सिक अहवालातून मिळणार आहे.

खरात प्रकरणात कल्पना खरात अद्याप फरार आहे. शिर्डी पोलिस ठाण्यात फसवणुकीचा गुन्हा कल्पना खरातवर दाखल झाल्यानंतर ती नाशिकमधील राहत्या घरातून गायब झाली. दहा दिवस उलटले तरी पोलिसांना तिचा शोध लागलेला नाही. SIT ने आता कल्पनाच्या माहेरी, माहेरच्या नातेवाईकांकडे, नाशिकमधील मैत्रिणींकडे आणि घरात काम करणाऱ्या/केलेल्या नोकरांकडे चौकशी सुरू केली आहे.

सोलापुरात कोट्यावधींची जमीन

अशोक खरातने सोलापुरातही कोट्यावधी रुपयांची मालमत्ता खरेदी केल्याचे समोर आले आहे. उत्तर सोलापूर तालुक्यातील कळमण गावात गट क्रमांक २००/१ मधील ४.४८ हेक्टर म्हणजे सुमारे ११ एकरांपेक्षा अधिक जमीन अशोक खरात यांच्या नावावर खरेदी करण्यात आली आहे. २८ मार्च २०२४ रोजी झालेल्या या व्यवहाराची किंमत तब्बल २ कोटी ४० लाख ९१ हजार २०० रुपये इतकी आहे. या खरेदीखतात कल्पना अशोक खरात हिला कुलमुखत्यार म्हणून अधिकार देण्यात आले आहेत.

विशेष म्हणजे, कळमण गावातून शक्तीपीठ महामार्ग जाणार आहे. त्या भागातील जमिनीचे साधारण भाव प्रति एकर ५-६ लाख रुपये आहेत. मात्र, अशोक खरात याने २१ ते २२ लाख रुपये प्रति एकर दराने ही जमीन खरेदी केली. यामुळे व्यवहारात अनियमितता असल्याचे संशय व्यक्त केला जात आहे.

 अंजली दमानियांचा दावा

सामाजिक कार्यकर्त्या अंजली दमानिया यांनी अशोक खरात प्रकरणात पुन्हा एकदा खळबळजनक दावा केला. त्यांनी खरातचा सीडीआर तपासून ‘शिजूका’ आणि ‘नॉडी’ या नावाने आलेले असंख्य कॉल्स उघड केले. ट्रूकॉलरवर सर्च केल्यावर ही नावे समोर आली. अंजली दमानिया म्हणाल्या, “खरातने अनेक नंबरना वेगवेगळे कोडवर्ड दिले होते. शिजूका, नॉडी हे त्याचाच भाग असू शकतो. पोलिसांनी या नंबरचा सखोल तपास करावा.”

तपासाची दिशा

नाशिक पोलिसांच्या विशेष तपास पथकाकडून (SIT) अशोक खरातची रोज चौकशी सुरू आहे. आतापर्यंत अनेक धक्कादायक माहिती समोर आली आहे. अशोक खरातला शिजूका, नॉडी या नावाने आलेले कॉल्स, त्याने दिलेले कोडवर्ड, कल्पना खरातची फरारी, सोलापुरातील जमीन खरेदी, समता पतसंस्थेतील संशयास्पद खाती — या सर्व बाबी तपासाला नवे वळण देत आहेत.

प्रतिभा चाकणकर यांच्या जबाबानंतर तपासाला आणखी वेग येण्याची शक्यता आहे. पोलिस अधिकाऱ्यांनी सांगितले की, सर्व पुरावे गोळा करून कठोर कारवाई केली जाईल.

रुपाली चाकणकर यांच्या बहिणीची शिर्डी पोलिस ठाण्यात चौकशी सुरू झाली आहे. समता पतसंस्थेतील १३२ संशयास्पद खात्यांपैकी ४ खाती प्रतिभा चाकणकर आणि त्यांच्या मुलांच्या नावे आहेत. या खात्यांवरून २ कोटी ४० लाख रुपयांचे व्यवहार झाले आहेत. खरात ‘नॉमिनी’ म्हणून नोंद आहे. SIT ने नोटीस बजावल्यानंतर आज चौकशीसाठी हजर झालेल्या प्रतिभा चाकणकर काय जबाब देतात, याकडे सर्वांचे लक्ष लागले आहे. खरात प्रकरणात तपास अधिक तीव्र झाला असून, राजकीय वर्तुळात खळबळ उडाली आहे.