वसंत ग्रामीण बिगर शेती सहकारी पतसंस्थेचा उद्या सुवर्ण महोत्सवी सोहळा!

 राज्यसभेची निवडणूक बिनविरोध! शिंदे गटाचा मोठा निर्णय; दुसरा उमेदवार न दिल्याने सात जागांसाठी सात अर्ज

 शिंदे सेनेकडून ज्योती वाघमारेंचा अर्ज, रोहित टिळकांच्या चर्चेला पूर्णविराम; शरद पवारांसह सर्व उमेदवारांचा विजय निश्चित

महाराष्ट्रातील राज्यसभा निवडणुकीत अखेरच्या क्षणी मोठा ट्विस्ट आला आहे. एकनाथ शिंदे यांच्या शिवसेनेने दुसरा उमेदवार न देण्याचा निर्णय घेतल्याने राज्यातील सात जागांसाठीची निवडणूक आता बिनविरोध होणार आहे. शिंदे गटाकडून फक्त ज्योती वाघमारे यांनीच अर्ज दाखल केला असून रोहित टिळक यांच्या नावाची चर्चा अखेर मागे पडली आहे.

नेमके प्रकरण काय?

राज्यसभेच्या निवडणुकीसाठी महायुतीकडून एकूण सहा अर्ज दाखल करण्यात आले आहेत. भाजपकडून रामदास आठवले, विनोद तावडे, माया ईवनाते आणि रामराव वडकुते यांनी अर्ज दाखल केले आहेत. शिंदे गटाकडून ज्योती वाघमारे तर अजित पवार गटाकडून पार्थ पवार यांनी अर्ज दाखल केला आहे. दुसरीकडे महाविकास आघाडीचे उमेदवार शरद पवार यांचाही अर्ज दाखल झाला आहे. अशा प्रकारे सात जागांसाठी आता सातच उमेदवार रिंगणात असल्याने ही निवडणूक बिनविरोध होणार हे जवळपास निश्चित झाले आहे.

शिंदे गटाचा निर्णय का महत्त्वाचा?

शिंदे गटाकडे अतिरिक्त 20 मते असल्याने ते दुसरा उमेदवार देऊ शकत होते. अशा स्थितीत शरद पवार यांच्यापुढे आव्हान निर्माण होण्याची शक्यता होती. मात्र अखेरच्या क्षणी शिंदे गटाने दुसरा उमेदवार न देण्याचा निर्णय घेत राज्यसभा निवडणूक बिनविरोध व्हावी यासाठी मार्ग मोकळा केला. यामुळे आता सर्वच उमेदवारांचा विजय निश्चित झाला आहे.

शरद पवारांचा खास अनुभव

राज्यसभेच्या निवडणुकीच्या पार्श्वभूमीवर एक खास घटनाही घडली. शरद पवार तब्येतीच्या कारणामुळे अर्ज दाखल करण्यासाठी उपस्थित राहू शकले नाहीत. त्यामुळे निवडणूक अधिकाऱ्यांनीच त्यांच्या घरी जाऊन अर्ज दाखल करण्याची प्रक्रिया पूर्ण केली. एखाद्या आजारी व्यक्तीसाठी निवडणूक अधिकाऱ्यांनी घरी जाऊन अर्ज दाखल करण्याची ही पहिलीच घटना असल्याचे सांगितले जात आहे.

उमेदवारांची यादी:

भाजप: रामदास आठवले, विनोद तावडे, माया चिंतामण ईवनाते, रामराव वडकुते

शिवसेना (शिंदे गट): ज्योती वाघमारे

राष्ट्रवादी काँग्रेस (अजित पवार गट): पार्थ पवार

महाविकास आघाडी: शरद पवार