वसंत ग्रामीण बिगर शेती सहकारी पतसंस्थेचा उद्या सुवर्ण महोत्सवी सोहळा!

एलपीजी सिलेंडर बुकिंग नियम बदलले? अफवा पसरली, सरकारनं दिलं स्पष्ट! २५-४५ दिवसांचे जुनेच नियम कायम

“घाबरून पॅनिक बुकिंग करू नका, गॅसचा पुरेसा साठा उपलब्ध” – केंद्र सरकारचा मोठा स्पष्टीकरण; सोशल मीडियावरील ३५-४५ दिवसांच्या अफवांवर पूर्ण विराम

नवी दिल्ली : एलपीजी सिलेंडर बुकिंगसंदर्भात सोशल मीडिया आणि काही बातम्यांमध्ये वेगवेगळ्या अफवा पसरल्या होत्या. त्यात म्हटलं जात होतं की, प्रधानमंत्री उज्ज्वला योजनेच्या ग्राहकांना ४५ दिवस, एक सिलेंडरधारकांना २५ दिवस आणि दोन सिलेंडरधारकांना ३५ दिवस वाट पाहावी लागेल. मात्र, ही माहिती पूर्णपणे चुकीची आणि अफवा असल्याचं केंद्र सरकारनं आज स्पष्ट केलं आहे.

 नेमके नियम काय आहेत?

सरकारच्या नियमानुसार कोणताही बदल झालेला नाही. सध्याचे नियम पूर्वीप्रमाणे कायम आहेत:

शहरी भागात — बुकिंगसाठी किमान २५ दिवसांचा गॅप

ग्रामीण भागात — बुकिंगसाठी किमान ४५ दिवसांचा गॅप

हे नियम सर्व प्रकारच्या कनेक्शन्ससाठी (उज्ज्वला योजनेच्या ग्राहकांसह) सारखेच लागू आहेत.

 सरकारनं नेमकं काय म्हटलं?

पेट्रोलियम आणि नैसर्गिक गॅस मंत्रालयानं जारी केलेल्या अधिकृत स्पष्टीकरणात म्हटलं आहे:

 “एलपीजी रिफिल बुकिंग नियमांमध्ये कोणताही बदल केलेला नाही.”

 “अशा चुकीच्या बातम्या आणि सोशल मीडिया पोस्ट्सवर विश्वास ठेवू नका.”

 “देशात एलपीजीचा पुरेसा साठा उपलब्ध आहे. घाबरून किंवा गडबडीत बुकिंग करण्याची गरज नाही.”

जर एखाद्या ग्राहकानं निश्चित वेळेपूर्वी बुकिंग करण्याचा प्रयत्न केला, तर सिस्टीम स्वतःच बुकिंग ब्लॉक करेल. वेळ मागील डिलिव्हरीच्या तारखेपासून मोजली जाते.

 पार्श्वभूमी

अमेरिका-इस्त्रायल-इराण युद्ध आणि होर्मुझ सामुद्रधुनीतील तणावामुळे जागतिक पातळीवर गॅस पुरवठ्यात काही अडचणी निर्माण झाल्या होत्या. त्यामुळे काही ठिकाणी अफवा पसरल्या. मात्र, सरकारनं स्पष्ट केलं की, देशांतर्गत एलपीजी साठा पुरेसा आहे आणि पुरवठा सुरळीत ठेवण्यासाठी सर्व पावलं उचलली जात आहेत.

सल्ला: केवळ अधिकृत वेबसाइट्स (myLPG.in), MyLPG अॅप किंवा गॅस एजन्सीवरूनच माहिती घ्या. अफवांवर विश्वास ठेवून अनावश्यक बुकिंग करू नका.