‘एकदा मनातून माणूस उतरला की…’ सूरज चव्हाणबाबत बिग बॉस फेम धनंजय पोवार असं का म्हणाला? नेमकं घडलं काय?

 

आटपाडी तालुक्यात पाणीटंचाईचे संकट; ओढे-नाले भरण्यासाठी कॅनॉलचे पाणी सोडण्याची र्त हाक!

क्रांती न्यूज - संपादक - सचिन मेनकुदळे

​आटपाडी

आटपाडी तालुक्यात उन्हाची वाढती तीव्रता आणि अपुऱ्या पावसामुळे पाणीटंचाईचे संकट अत्यंत गंभीर बनले आहे. शेतकऱ्यांची सुकणारी पिके, कोरडे पडलेले ओढे-नाले आणि पशुधनासमोरील पाण्याचा प्रश्न मिटवण्यासाठी आता तालुक्यातील राजकीय व सामाजिक स्तरावरून थेट पाटबंधारे विभागाकडे धाव घेण्यात आली असून, तातडीने कॅनॉलद्वारे पाणी सोडण्याची मागणी होत आहे.

​तालुक्यातील बिकट परिस्थिती पाहता विविध पक्षांच्या नेत्यांनी प्रशासनाचे लक्ष वेधले आहे:

​भाजापा किसान मोर्चाचे तालुकाध्यक्ष बाळासाहेब मेटकरी यांनी जनावरांचा चारा आणि पिके वाचवण्यासाठी ओढे, नाले व खवण सरोवरात तात्काळ पाणी सोडण्याची मागणी केली आहे.

​प्रथम नगराध्यक्ष मा. यु. टी. जाधव (सर) आणि प्रथम उपनगराध्यक्षा मा. सौ. मिनाक्षी पाटील यांनी नगरपंचायत हद्दीतील कोरड्या पडलेल्या ओढ्यांमुळे नागरिक आणि पशू-पक्षांच्या पिण्याच्या पाण्याचा प्रश्न गंभीर बनल्याचे निवेदनात म्हटले आहे.

​भाजपा तालुका सरचिटणीस आनंदराव देशमुख यांनी नारायणनगर, मुलाणकी व साखाडीमळा परिसरातील बंधारे कॅनॉलच्या पाण्याने भरून ऊस, डाळिंब व भाजीपाला पिके वाचवण्याची मागणी केली आहे.

​दिवसेंदिवस घटत चाललेली भूजल पातळी आणि करपणाऱ्या पिकांमुळे ग्रामीण अर्थव्यवस्था धोक्यात आली आहे. सर्वपक्षीय नेत्यांनी एकत्र येत प्रशासनाचे दरवाजे ठोठावल्याने आता पाटबंधारे विभाग यावर काय आणि किती तातडीने पावले उचलणार, याकडे संपूर्ण आटपाडी तालुक्याचे लक्ष लागले आहे.