वसंत ग्रामीण बिगर शेती सहकारी पतसंस्थेचा उद्या सुवर्ण महोत्सवी सोहळा!

हेच बघायचं बाकी होतं'... एकता कपूरच्या 'नागिण'मध्ये देशभक्तीचा नवा अध्याय; ISRO च्या रॉकेटला ठोकला सलाम, नेटकरी हैराण

'नागीण 7'मध्ये प्रियांका चाहर चौधरीची 'देशभक्त नागिण' अवतरली; चंगिस्तानमधून ड्रॅगनचा सामना करत शास्त्रज्ञांचे प्राण वाचवले, रॉकेट लॉन्च पाहताच सॅल्यूट, व्हिडीओ व्हायरल

मुंबई: एकता कपूरच्या 'नागीण 7' या मालिकेने आपल्या नवीनतम भागात देशभक्तीचा असा संगम घडवून आणला आहे की पाहणाऱ्यांच्या भुवया उंचावल्या आहेत. प्रियांका चाहर चौधरी आणि ॲलिस कौशिक अभिनीत या मालिकेत नुकताच एक सीन दाखवण्यात आला आहे, ज्यात नागिणी इस्रोच्या रॉकेटला सलामी ठोकताना दिसतात. या विचित्र प्रसंगाने सोशल मीडियावर खळबळ उडवून दिली आहे.

नेमका काय सीन व्हायरल?

मालिकेच्या अलीकडच्या भागात दाखवण्यात आले आहे की, आहना (प्रियांका चाहर चौधरी) आणि भरणी (ॲलिस कौशिक) या दोन नागिणी एकत्र येऊन एका भीषण ड्रॅगनचा सामना करतात. त्या चंगिस्तानमधून देशासाठी कार्यरत असलेल्या वैज्ञानिकांचे प्राण वाचवतात. यानंतर वैज्ञानिक त्यांच्या गुप्त चेंबरमध्ये जाऊन एक रॉकेट यशस्वीरित्या प्रक्षेपित करतात. हे रॉकेट अवकाशात झेपावताना पाहून दोन्ही नागिणी त्या रॉकेटला सलामी ठोकतात आणि पार्श्वभूमीत 'वंदे मातरम' चे गाणे सुरू होते.

नेटकऱ्यांनी उडवली खिल्ली

या सीनने सोशल मीडियावर तुफान प्रतिक्रिया उमटल्या आहेत. एका युजरने लिहिले, "माझ्या संपूर्ण कुटुंबात 'देशभक्त नागीन' पाहणारी पहिलीच व्यक्ती मी ठरलोय. भारतीय टीव्ही मालिका खरोखरंच आता सर्वोच्च शिखरावर पोहोचल्या आहेत!" तर दुसऱ्या युजरने म्हटले, "मी ही मालिका परवाच पाहिली. खरं सांगायचं तर, हा सीन पाहून मला हसूच आवरता आलेलं नाही."

आणखी एका युजरने म्हटले, "भारतीय टीव्ही मालिकांनी आता एक पूर्णपणे नवीन पातळी गाठली आहे." तर हॉलिवूडशी तुलना करत एका युजरने लिहिले, "मार्वेलची कोणाला गरज आहे? आपल्याकडे तर आपल्या राष्ट्राचे रक्षण करणाऱ्या देशभक्त नागिणी आहेत."

एकता कपूरच्या या मालिकेत पौराणिक कथा, देशभक्ती आणि नाट्यमय दृश्यांचा जो सुरेख मेळ साधला आहे, त्याने प्रेक्षकांचे लक्ष तत्काळ वेधून घेतले असले तरी त्याची खिल्ली उडवण्यासही नेटकऱ्यांनी कसूर केलेली नाही.