म्हसवड : धुळदेवमध्ये भयानक अपघात, दोघे जागीच ठार; तीन जखमी

 

बाहेरून बोलावल्या महिलांच्या टोळ्या, पोलिसांच्या उपस्थितीतही राडा; कायदा-सुव्यवस्थेचा प्रश्न गंभीर

पुणे : पुणे जिल्ह्यातील खेड तालुक्यात जमिनीच्या वादातून धक्कादायक घटना घडली आहे. वाफगाव येथे जमिनीचा ताबा घेण्यासाठी आणलेल्या महिलांच्या टोळ्या आणि स्थानिक तरुणांमध्ये फ्री-स्टाईल हाणामारी झाली. या संपूर्ण घटनेचे व्हिडिओ समोर आले असून, त्यात महिलांची जोरदार मारामारी स्पष्ट दिसत आहे.

बाहेरून आणल्या होत्या महिलांच्या टोळ्या

मिळालेल्या माहितीनुसार, वाफगाव येथे जमिनीचा ताबा घेण्यासाठी बाहेरून महिलांची मोठी टोळी आणण्यात आली होती. स्थानिक तरुणांनी याला विरोध केल्याने वाद चिघळला. काही क्षणातच हा वाद थेट हाणामारीत परिवर्तित झाला. महिला आणि तरुणांमध्ये जोरदार ढकलाढकली, मारामारी आणि गोंधळ उडाल्याने परिसरात तणावपूर्ण परिस्थिती निर्माण झाली.

पोलिसांच्या उपस्थितीतही नियंत्रणात न आली परिस्थिती

अधिक धक्कादायक बाब म्हणजे, पोलीस घटनास्थळी पोहोचूनही परिस्थिती नियंत्रणात आणण्यासाठी तात्काळ कठोर कारवाई झाल्याचे दिसून आले नाही, असा आरोप स्थानिकांनी केला आहे. जमिनीच्या ताब्यासाठी अशा प्रकारे महिलांचा वापर करून उघडपणे राडे घडवले जात असल्याने कायदा-सुव्यवस्थेचा प्रश्न गंभीर बनला आहे. या घटनेमुळे सामान्य नागरिकांमध्ये भीतीचे वातावरण पसरले आहे.

खेड तालुक्यात खळबळ

या घटनेचे व्हिडिओ सोशल मीडियावर व्हायरल झाल्याने खेड तालुक्यात चांगलीच खळबळ उडाली आहे. मारहाण करण्यासाठी महिलांची बाहेरून टोळी बोलावल्यामुळे या प्रकरणाची जोरदार चर्चा सुरू आहे. पोलिसांनी या प्रकरणाचा तपास सुरू केला असून, गुन्हा दाखल करण्याची प्रक्रिया सुरू आहे.

बीडमधील कुमशी गावात दोन गटांमध्ये भीषण हाणामारी; दगडफेक, कोयत्याच्या हल्ल्यात पाच जण जखमी

ग्रामसभेत सुरू झाला वाद, महिलांसह पाच जणांना दुखापत; दोघांच्या डोक्याला गंभीर मार, पोलिसांकडून तपास सुरू

बीड : बीड तालुक्यातील कुमशी गावात दोन गटांमध्ये झालेल्या भीषण हाणामारीत पाच जण जखमी झाले आहेत. ग्रामसभेदरम्यान सुरू झालेल्या वादाने हिंसक रूप धारण केले. यामध्ये दगडफेक, लाठ्या-काठ्या आणि कोयत्याने हल्ला करण्यात आला. जखमींपैकी दोघांच्या डोक्याला गंभीर दुखापत झाल्याने त्यांना जिल्हा रुग्णालयात दाखल करण्यात आले आहे.

ग्रामसभेत सुरू झाला वाद

मिळालेल्या माहितीनुसार, कुमशी गावात झालेल्या ग्रामसभेदरम्यान करपे नामक गटाने गावातील कामांबाबत सरपंचाच्या गटाला जाब विचारला. यावरून दोन्ही गटांमध्ये वाद निर्माण झाला. हा वाद थेट हाणामारीत परिवर्तित झाला. दोन्ही गटातील सदस्य एकमेकांवर उतरले. या हिंसक चकमकीत महिलांचाही समावेश आहे.

कोयत्याने हल्ला, पाच जण जखमी

हाणामारीदरम्यान एकमेकांवर दगडफेक, लाठ्या-काठ्या आणि कोयत्याने मारहाण करण्यात आली. या घटनेत पाच जण जखमी झाले आहेत. जखमींपैकी दोघांच्या डोक्याला गंभीर दुखापत झाल्याने त्यांना जिल्हा रुग्णालयात दाल करण्यात आले आहे. इतर जखमींवर प्राथमिक उपचार करण्यात आले.

घटनेचा व्हिडिओ समोर

या घटनेचा व्हिडिओ देखील समोर आला आहे. व्हिडिओमध्ये उघडपणे सुरू असलेली हाणामारी स्पष्ट दिसत आहे. या प्रकरणी पोलिसांनी जखमींचे जबाब घेतले आहेत. पोलीस तपासात परस्पर विरोधी गुन्हा नोंदवला जाईल, अशी माहिती देण्यात आली आहे. घटनेचा तपास पोलीस करत असून, परिसरातील सीसीटीव्ही फुटेजही तपासले जात आहेत.

दोन्ही प्रकरणांमध्ये पोलिसांनी पुढील तपास सुरू केला असून, आरोपींवर कारवाई करण्याचे आश्वासन दिले आहे. या घटनांमुळे संबंधित परिसरात तणावाचे वातावरण असून, पोलिसांनी अतिरिक्त बंदोबस्त तैनात केला आहे.