वसंत ग्रामीण बिगर शेती सहकारी पतसंस्थेचा उद्या सुवर्ण महोत्सवी सोहळा!

थेट व्हाईट हाऊसच्या ओव्हल ऑफिसमध्ये प्रार्थना! डोळे मिटून बसले ट्रम्प, सोबत पुजारी आणि सहायक; व्हिडिओ व्हायरल

इराण-इस्रायल संघर्षादरम्यान अमेरिकेच्या रक्षणासाठी केली प्रार्थना; सोशल मीडियावर चर्चेला उधाण

अमेरिकेचे राष्ट्राध्यक्ष डोनाल्ड ट्रम्प यांचा एक व्हिडि�ो सध्या सोशल मीडियावर वेगाने व्हायरल होत आहे. या व्हिडिओमध्ये ट्रम्प थेट व्हाईट हाऊसच्या ओव्हल ऑफिसमध्ये डोळे मिटून प्रार्थना करताना दिसत आहेत. त्यांच्यासोबत पुजारी आणि इतर सहायकही प्रार्थनेत सहभागी झाले आहेत.

नेमके काय घडले?

मध्यपूर्वेत सुरू असलेल्या इराण-इस्रायल संघर्षाने भयानक वळण घेतले आहे. आठव्या दिवसालाही दोन्ही बाजूंनी क्षेपणास्त्रे आणि ड्रोन हल्ले सुरूच आहेत. या संघर्षात अमेरिका इस्रायलला पाठिंबा देत असून, इराणने आखाती देशांमध्ये असलेल्या अमेरिकेच्या लष्करी तळांना मोठे नुकसान केल्याची माहिती आहे. या पार्श्वभूमीवर ट्रम्प यांनी आपल्या देशाच्या रक्षणासाठी ही प्रार्थना केल्याचे समजते.

व्हिडिओत काय दिसते?

व्हायरल झालेल्या व्हिडिओमध्ये ट्रम्प आपल्या खुर्चीवर डोळे मिटून बसले आहेत. एक पुजारी प्रार्थना करत असून, त्यांचा हात ट्रम्पच्या डोक्यावर आणि पाठीवर आहे. ट्रम्पचे सहाय्यकही या प्रार्थनेत सहभागी झाले आहेत. ट्रम्प पूर्णपणे शांत आणि एकाग्र अवस्थेत दिसत आहेत.

कोणी शेअर केला व्हिडिओ?

ट्रम्पचे सहाय्यक आणि व्हाईट हाऊसमधील डेप्युटी चीफ ऑफ स्टाफ डॅन स्कॅव्हिनो यांनी हा व्हिडिओ "अमेरिकेला देव आशीर्वाद देवो" या कॅप्शनसह शेअर केला आहे. अमेरिकन मीडियानुसार, ट्रम्प यांनी अमेरिकेतील सर्व पाद्रींना प्रार्थनेसाठी ओव्हल ऑफिसमध्ये आमंत्रित केले होते आणि त्यांच्या खुर्चीवर बसून प्रार्थना प्रक्रियेची सुरुवात केली.

या व्हिडिओने सोशल मीडियावर चांगलीच चर्चा सुरू झाली असून, अनेक जण ट्रम्प यांच्या या धार्मिक झुकावावर भाष्य करत आहेत.

व्हाईट हाऊसच्या ओव्हल ऑफिसमध्ये प्रार्थनेत बसलेले राष्ट्राध्यक्ष डोनाल्ड ट्रम्प.