वसंत ग्रामीण बिगर शेती सहकारी पतसंस्थेचा उद्या सुवर्ण महोत्सवी सोहळा!

 युद्धाच्या पार्श्वभूमीवर सलमानचा मोठा निर्णय: 'बॅटल ऑफ गलवान'चं नाव बदलून 'मातृभूमि' केलं; पोस्ट शेअर करत म्हणाला, "युद्ध संपवा"

ठळक बातम्या:

 इराण-इस्रायल-अमेरिका युद्धाच्या पार्श्वभूमीवर सलमान खानच्या चित्रपटाच्या नावात बदल

 'बॅटल ऑफ गलवान' आता 'मातृभूमि: मे वॉर रेस्ट इन पीस' या नावाने प्रदर्शित होणार

 प्रजासत्ताक दिनी रिलीज झालेल्या 'मातृभूमि' गाण्याच्या नावावरून ठेवण्यात आले नवे टायटल

मुंबई: जगभरात सध्या इराण, इस्रायल आणि अमेरिकेच्या युद्धाने थैमान घातलेले असताना बॉलिवूडचा सुपरस्टार सलमान खानने त्याच्या बहुचर्चित चित्रपटाच्या नावात मोठा बदल केला आहे. गेल्या काही दिवसांपासून 'बॅटल ऑफ गलवान' या नावाने चर्चेत असलेल्या या चित्रपटाचे नाव आता 'मातृभूमि: मे वॉर रेस्ट इन पीस' असे ठेवण्यात आले आहे.

सलमानने केली पोस्ट शेअर

सलमान खानने आज (१६ मार्च) सोशल मीडियावर एक पोस्ट शेअर करत चित्रपटाच्या नवीन नावाची माहिती चाहत्यांना दिली. दिग्दर्शक अपूर्व लाखिया यांच्या दिग्दर्शनाखाली तयार झालेल्या या चित्रपटात सलमान खानसोबत चित्रांगदा सिंह महत्त्वाच्या भूमिकेत दिसणार आहे. युद्धाच्या पार्श्वभूमीवर सलमानने 'युद्धाचा शेवट होवो' असा संदेशही यानिमित्ताने दिला आहे.

'मातृभूमि' गाण्यावरून नवे टायटल

यंदा प्रजासत्ताक दिनाच्या दोन दिवस आधी म्हणजे २४ जानेवारीला सलमान खानने या चित्रपटातील 'मातृभूमि' हे देशभक्तीपर गाणे रिलीज केले होते. अरिजीत सिंह आणि श्रेया घोषाल यांच्या स्वरातील हे गाणे समीर अंजान यांनी लिहिले असून हिमेश रेशमिया यांचे संगीत आहे. याच गाण्याच्या नावावरून चित्रपटाचे नवे टायटल ठेवण्यात आले आहे.

रिलीज डेटबाबत संभ्रम कायम

हा चित्रपट १७ एप्रिल रोजी प्रदर्शित होणार असल्याचे आधी सांगितले जात होते. मात्र काही वृत्तांनुसार चित्रपटाची रिलीज डेट पुढे ढकलण्यात आल्याची चर्चा आहे. सलमानने शेअर केलेल्या पोस्टरमध्येही रिलीज डेटचा उल्लेख नसल्याने चित्रपट नेमका कधी प्रदर्शित होणार याबाबत संभ्रम कायम आहे.