वसंत ग्रामीण बिगर शेती सहकारी पतसंस्थेचा उद्या सुवर्ण महोत्सवी सोहळा!

"सर्व अफवांवर मात करण्याची वेळ"; विजय थलपतीसोबत दिसल्यानंतर त्रिशा कृष्णनची पहिली पोस्ट

विजय थलपतीसोबत लग्नात दिसल्यानंतर त्रिशा कृष्णननं शेअर केली पहिली पोस्ट; अफवांना उधाण, चाहत्यांमध्ये संभ्रम

विजय थलपतीसोबत एकत्र दिसल्यानंतर त्रिशा कृष्णननं शेअर केली पोस्ट; नेमकं काय म्हणाली?

चेन्नई : तमिळ सिनेसृष्टीतील सुपरस्टार विजय थलपती आणि अभिनेत्री त्रिशा कृष्णन सध्या सोशल मीडियावर चर्चेत आहेत. विजयच्या पत्नी संगीता सोर्नालिंगम यांनी अलिकडेच २६ वर्षांचे वैवाहिक जीवन संपवत घटस्फोटासाठी अर्ज दाखल केला आहे. यासोबतच त्यांनी विजयचे एका अभिनेत्रीसोबत विवाहबाह्य संबंध असल्याचाही आरोप केला आहे. पत्नीने ज्या अभिनेत्रीचे नाव घेतले, ती म्हणजे त्रिशा कृष्णन.

याच पार्श्वभूमीवर निर्माते कल्लापथी एस. सुरेश यांच्या मुलाच्या लग्नाच्या रिसेप्शनमध्ये विजय थलपती आणि त्रिशा कृष्णन एकत्र दिसल्याने नव्या अफवांना उधाण आले आहे. या कार्यक्रमातील दोघांचा व्हिडीओ सोशल मीडियावर व्हायरल झाला असून चाहते संभ्रमात पडले आहेत.

त्रिशा कृष्णनची पहिली पोस्ट

या सर्व अफवांदरम्यान त्रिशा कृष्णनने तिच्या इन्स्टाग्रामवर एक पोस्ट शेअर केली आहे. या पोस्टमध्ये तिने नेमके काय म्हटले आहे, याकडे सर्वांचे लक्ष लागले आहे. विजय थलपतीसोबत एकत्र दिसल्यानंतर ही तिची पहिलीच पोस्ट आहे. या पोस्टमध्ये ती शांत आणि आत्मविश्वासी दिसत आहे. तिने पोस्टमध्ये काय लिहिलं आहे याची उत्सुकता चाहत्यांना लागली आहे.

याआधी विजय थलपतीच्या बॉडीगार्डने केलेली एक पोस्ट जोरदार व्हायरल झाली होती. मात्र, त्यानंतर बॉडीगार्डने ती पोस्ट डिलीट करत "सर्व अफवांवर मात करण्याची वेळ आली आहे," असे लिहिले होते.

लोकप्रिय ऑनस्क्रीन जोडी

त्रिशा आणि विजय यांची ऑनस्क्रीन जोडी तमिळ चित्रपटसृष्टीत अत्यंत लोकप्रिय आहे. दोघांनी पहिल्यांदा २००४ मध्ये 'घिल्ली' या सिनेमात एकत्र काम केले होते, जो सुपरहिट ठरला होता. त्यानंतर ते 'तिरुपाची', 'आथी' आणि 'कुरुवी' या सिनेमांमध्ये एकत्र दिसले. यानंतर जवळपास १५ वर्षे त्यांनी एकत्र काम केले नव्हते. मात्र, २०२३ मध्ये प्रदर्शित झालेल्या 'लियो' या ब्लॉकबस्टर सिनेमात ते पुन्हा एकत्र आले.

दरम्यान, विजय थलपतीच्या घटस्फोटाच्या बातमीने आणि त्यानंतर त्रिशासोबत एकत्र दिसल्याने निर्माण झालेल्या चर्चांनी तमिळ फिल्म इंडस्ट्रीत खळबळ उडाली आहे. मात्र, या दोन्ही कलाकारांनी अद्याप या प्रकरणी कोणतीही अधिकृत प्रतिक्रिया दिलेली नाही.