वसंत ग्रामीण बिगर शेती सहकारी पतसंस्थेचा उद्या सुवर्ण महोत्सवी सोहळा!

 

"कधी न पाहिलेला आलिया भट्टचा अंदाज"; 'अल्फा' चित्रपटाच्या पोस्टरने वाढवली चाहत्यांची उत्सुकता

आलिया भट्टचा अॅक्शन अवतार येणार भेटीला; 'अल्फा' चित्रपटाची रिलीज तारीख जाहीर, १० जुलै २०२६ रोजी थिएटरमध्ये होणार प्रदर्शित

आलिया भट्टचा धमाकेदार अॅक्शन लूक; 'अल्फा' चित्रपट १० जुलै २०२६ रोजी होणार रिलीज

मुंबई : बॉलिवूडमध्ये लवकरच एक जबरदस्त अॅक्शन थ्रिलर प्रेक्षकांच्या भेटीला येणार आहे. यश राज फिल्म्सच्या बहुप्रतिक्षित 'अल्फा' चित्रपटाच्या प्रदर्शनाची तारीख अधिकृतपणे जाहीर करण्यात आली आहे. अभिनेत्री आलिया भट्ट प्रमुख भूमिकेत असलेला हा चित्रपट १० जुलै २०२६ रोजी चित्रपटगृहांमध्ये प्रदर्शित होणार आहे. या घोषणेसोबतच चित्रपटाचे नवीन टीझर पोस्टर सोशल मीडियावर प्रदर्शित करण्यात आले असून त्यामधील आलियाचा लूक सध्या जोरदार चर्चेत आहे.

या पोस्टरमध्ये आलिया भट्टचा एक वेगळाच आणि आक्रमक अवतार पाहायला मिळतो. तिच्या चेहऱ्यावर जखमा आणि कट्सच्या खुणा स्पष्ट दिसत असून ती एखाद्या तीव्र संघर्षातून बाहेर पडल्यासारखी दिसते. आतापर्यंत रोमँटिक आणि भावनिक भूमिका साकारणाऱ्या आलियाचा हा कधीही न पाहिलेला अॅक्शन अवतार असल्याने चाहत्यांची उत्सुकता शिगेला पोहोचली आहे.

स्टारकास्ट आणि दमदार दिग्दर्शन

'अल्फा' चित्रपटात आलिया भट्टसोबत अभिनेत्री शर्वरी देखील महत्त्वाच्या भूमिकेत झळकणार आहे. या दोघींचा सामना अभिनेता बॉबी देओलसोबत होणार असल्याचे सांगितले जात असून चित्रपटात दमदार अॅक्शन सीन्स आणि तुफान संघर्ष पाहायला मिळण्याची शक्यता आहे. याशिवाय ज्येष्ठ अभिनेता अनिल कपूर देखील या चित्रपटात महत्त्वाची भूमिका साकारणार आहेत.

चित्रपटाचे दिग्दर्शन शिव रवैल यांनी केले असून त्यांनी यापूर्वी लोकप्रिय ठरलेली 'द रेलवे मेन' ही वेब सिरीज दिग्दर्शित केली होती. तर आदित्य चोप्रा यांनी या चित्रपटाची निर्मिती केली आहे. विशेष म्हणजे 'अल्फा' हा आलिया भट्टचा यश राज फिल्म्ससोबतचा पहिलाच चित्रपट आहे.

महिला-प्रधान अॅक्शन थ्रिलर म्हणून ओळखला जाणारा हा चित्रपट प्रेक्षकांसाठी मोठा अॅक्शन अनुभव ठरणार आहे. त्यामुळे आता १० जुलै २०२६ रोजी हा चित्रपट थिएटरमध्ये प्रदर्शित झाल्यानंतर बॉक्स ऑफिसवर कसा प्रतिसाद मिळतो, याकडे सर्वांचे लक्ष लागले आहे.