वसंत ग्रामीण बिगर शेती सहकारी पतसंस्थेचा उद्या सुवर्ण महोत्सवी सोहळा!

शेतकऱ्यांसाठी आनंदाची बातमी! 'पीएम किसान'चा २२ वा हप्ता लवकरच जमा होणार; 'या' शेतकऱ्यांना मिळणार ४ हजार रुपये

देशातील कोट्यवधी अल्पभूधारक शेतकऱ्यांसाठी केंद्र सरकारकडून होळीपूर्वी मोठी भेट मिळण्याची शक्यता आहे. 'प्रधानमंत्री किसान सन्मान निधी' (PM-Kisan) योजनेचा २२ वा हप्ता लवकरच पात्र शेतकऱ्यांच्या बँक खात्यात जमा होणार आहे. या हप्त्यामुळे ऐन होळीच्या सणात शेतकऱ्यांना मोठा आर्थिक आधार मिळणार आहे.

कधी मिळणार २२ वा हप्ता?

पंतप्रधान किसान सन्मान निधी योजनेचा २१ वा हप्ता १९ नोव्हेंबर २०२५ रोजी वितरित करण्यात आला होता. योजनेच्या नियमानुसार, दर चार महिन्यांनी हप्ता दिला जातो. त्यानूसार २२ वा हप्ता २४ फेब्रुवारी २०२६ नंतर कधीही जारी होण्याची शक्यता आहे. सरकारने अद्याप अधिकृत तारीख जाहीर केली नसली तरी, मार्च महिन्याच्या सुरुवातीला किंवा होळीपूर्वी हा निधी शेतकऱ्यांच्या खात्यात वर्ग केला जाऊ शकतो.

४,००० रुपये कोणाला मिळणार?

यावेळी काही ठराविक शेतकऱ्यांच्या खात्यात २,००० ऐवजी ४,००० रुपये जमा होणार आहेत.

• कारण: ज्या पात्र शेतकऱ्यांना तांत्रिक अडचणी, आधार लिंकिंग किंवा कागदपत्रांच्या त्रुटींमुळे २१ वा हप्ता (मागील हप्ता) मिळाला नव्हता, अशा शेतकऱ्यांनी त्रुटी दूर केल्या असल्यास त्यांना थकीत हप्ता आणि चालू हप्ता असे मिळून ४,००० रुपये दिले जातील.

• ज्या शेतकऱ्यांची सर्व प्रक्रिया नियमित आहे, त्यांना नेहमीप्रमाणे २,००० रुपयेच मिळतील.

पैसे अडकू नयेत म्हणून 'हे' काम तातडीने करा

तुमचा हप्ता रोखला जाऊ नये, यासाठी केंद्र सरकारने e-KYC अनिवार्य केले आहे. १. e-KYC: पीएम किसान पोर्टलवर जाऊन ओटीपी (OTP) द्वारे किंवा जवळच्या सीएससी (CSC) केंद्रावर जाऊन बायोमेट्रिक पद्धतीने केवायसी पूर्ण करा. २. भूमी अभिलेख नोंदणी: तुमच्या जमिनीची नोंदणी पोर्टलवर अपडेट असणे आवश्यक आहे. ३. आधार बँक लिंकिंग: तुमचे बँक खाते आधार कार्डशी लिंक असणे आणि डीबीटी (DBT) सुविधेसाठी सक्रिय असणे गरजेचे आहे.

तुमचे नाव यादीत असे तपासा:

१. सर्वप्रथम pmkisan.gov.in या अधिकृत संकेतस्थळाला भेट द्या. २. 'Beneficiary Status' या पर्यायावर क्लिक करा. ३. तुमचा मोबाईल नंबर किंवा नोंदणी क्रमांक टाकून स्टेटस तपासा. ४. जर 'e-KYC' आणि 'Land Seeding' समोर 'Yes' असे दिसत असेल, तरच तुम्हाला पुढील हप्ता मिळेल.