ठाकरेंच्या शिवसेनेचे ठाणे विभागप्रमुख प्रदीप पूर्णेकर यांच्यावर दोन राऊंड गोळीबार! उपचारादरम्यान पूर्णेकर यांचा मृत्यू; ठाण्यात खळबळ

कारंजा लाड टोल नाक्यावर ट्रॉली जोडलेल्या वाहनाच्या प्रवेशाला कर्मचाऱ्यांचा विरोध; मंडळाच्या कार्यकर्त्यांनी सत्ताधारी आमदाराच्या PAला फोन केल्यानंतर त्यांच्या सांगण्यावरून ट्रॉली सोडल्याची माहिती; नियम डावलून धोका पत्करल्याने ७ भाविकांचा मृत्यू, १२ जण गंभीर जखमी

क्रांती न्यूज (प्रतिनिधी) - सचिन मेनकुदळे

अमरावती : समृद्धी महामार्गावरून दुर्गादेवीची मूर्ती आणताना घडलेल्या भीषण अपघातासंदर्भात एक मोठी अपडेट समोर आलीये. कारंजा लाड येथील टोल नाक्यावरच्या कर्मचाऱ्यांनी ट्रॉली जोडलेल्या वाहनाच्या प्रवेशाला विरोध केला होता. मात्र, मंडळाच्या कार्यकर्त्यांनी एका सत्ताधारी आमदाराच्या PAला फोन केल्यानंतर, त्याच्या सांगण्यावरून ट्रॉली सोडल्याची धक्कादायक माहिती सूत्रांनी दिलीये. अमरावतीच्या धामणगाव रेल्वे परिसरामध्ये समृद्धी महार्गावर वर्धा येथे दुर्गा मूर्तीची ट्रॉली घेऊन जाणाऱ्या पिकअप वाहनाला झालेल्या अपघातात सात भाविकांचा मृत्यू झाल्याची दुदैवी घटना घडली होती. मात्र बंदी असतानाही वाशिम जिल्ह्यातील कारंजा लाडमध्ये टोल नाक्यावर एका सत्ताधारी आमदाराच्या पीएसने फोन केल्यानंतर दुर्गा मूर्तीची ट्रॉली सोडण्यात आल्याची माहिती सूत्रांनी दिली आहे. या प्रकरणामुळे संपूर्ण अमरावती जिल्ह्यात एकच खळबळ उडाली असून, जबाबदार कोण, असा प्रश्न उपस्थित केला जात आहे.

मिळालेल्या माहितीनुसार, अमरावती जिल्ह्याच्या धामणगाव पोलीस स्टेशन हद्दीत असलेल्या समृद्धी महामार्गावर टाटाएस गाडीचा भीषण अपघात झाला होता. यात शेगाव येथून दुर्गा देवीची उंच मूर्ती नवरात्रौत्सवासाठी आणली जात असताना दुर्गा माता मंडळातील तरुण सदस्यांचा हा भीषण अपघात झाला. या अपघातात बारा जण गंभीर जखमी झाले असून सात जणांचा यात दुर्दैवी मृत्यू झाला होता. मध्यरात्री एक वाजताच्या सुमारात ही घटना घडल्याची माहिती आहे. शेगाववरून वर्धा येथे मंडळाचे कार्यकर्ते दुर्गा मातेची मूर्ती घेऊन जात होते. मात्र समृद्धी महामार्गावर वाहन नेण्यास कारंजा लाड टोलवर टोल नाक्यावरील कर्मचाऱ्यांनी विरोध केला होता. त्यानंतर मंडळाच्या कार्यकर्त्यांनी एका सत्ताधारी आमदाराच्या पीएला फोन लावला, आणि घडलेला प्रकार सांगितला. त्यानंतर आमदाराच्या पीएने टोल कर्मचाऱ्यांना ट्रॉली सोडण्यास सांगितलं. त्यानुसार दुर्गादेवीची मूर्ती समृद्धी महामार्गावर चढली असताना हा अपघात घडल्याची सूत्रांची माहिती आहे.

मात्र एखाद्या वाहनाला अशा पद्धतीने ट्रॉली जोडल्यास समृद्धी महामार्गावर प्रवेश दिला जात नाही. त्यामुळे नियम डावलून धोका पत्करण्यास सहकार्य करणाऱ्यावर आता नेमकी काय कारवाई केली जाते, हे पाहणे महत्त्वाचे ठरणार आहे. समृद्धी महामार्गावर सुरक्षेच्या दृष्टीने अनेक नियम लागू आहेत. ट्रॉली जोडलेल्या वाहनांना प्रवेश बंदी असतानाही आमदाराच्या पीएच्या फोनवरून प्रवेश दिल्याने ही घटना घडल्याचे समोर आले आहे. यामुळे जबाबदारी निश्चित करून कारवाई करण्याची मागणी केली जात आहे.

मिळालेल्या माहितीनुसार, समृद्धी महामार्गाने बोलेरो पीक अप गाडीने शेगाव येथून मूर्ती आणली जात होती. दरम्यान धामणगाव जवळ रात्रीच्या सुमारास बोलेरो गाडीला कंटेनरने मागावून धडक दिली. परिणामी मूर्ती असलेली बोलेरो पीक अप गाडीला जोरदार धडक बसली. तर मूर्तीसोबत चालणारे मंडळाचे सदस्य या अपघातात चिरडले गेले, तर काही गंभीररित्या जखमी झाले. या अपघातात एकूण सात जणांचा मृत्यू झाला असून बारा जण गंभीर जखमी झाले आहेत. जखमींना तातडीने रुग्णालयात दाखल करण्यात आले असून, काहींची प्रकृती गंभीर असल्याचे समजते.

अपघाताची तीव्रता इतकी मोठी होती की, बोलेरो पिकअपचा चक्काचूर झाला. मूर्तीही या अपघातात काहीशी खराब झाली. अपघाताची माहिती मिळताच पोलीस आणि स्थानिक नागरिकांनी घटनास्थळी धाव घेतली. जखमींना तातडीने रुग्णालयात हलवण्यात आले. मात्र, उपचारादरम्यान सात जणांचा मृत्यू झाला. या घटनेने संपूर्ण परिसरात शोककळा पसरली आहे.

दरवर्षीप्रमाणे यंदाही नवरात्रौत्सवासाठी दुर्गामातेची मूर्ती आणण्याची तयारी या मंडळाकडून सुरू होती. मात्र, देवीची मूर्ती घेऊन परतत असतानाच झालेल्या या भीषण दुर्घटनेने उत्सवाच्या आनंदावर दुःखाचे सावट आले आहे. एका बाजूला नवरात्रौत्सवाच्या स्वागताची तयारी सुरू असताना दुसऱ्या बाजूला मंडळातील कार्यकर्त्यांच्या मृत्यूमुळे वर्धा आणि परिसरात शोक व्यक्त केला जात आहे.

धामणगाव पोलीस ठाण्याच्या हद्दीत झालेल्या या अपघाताचा तपास पोलिसांनी सुरू केला आहे. पोलिसांनी घटनास्थळी पोहोचून पंचनामा केला असून, कंटेनर चालकाविरोधात गुन्हा दाखल करण्याची प्रक्रिया सुरू आहे. तसेच, टोल नाक्यावर ट्रॉली सोडण्यात आल्याप्रकरणीही चौकशी केली जात आहे. आमदाराच्या पीएचा फोन झाल्याची माहिती समोर आल्याने या प्रकरणाचा तपास अधिक गंभीर झाला आहे.

या प्रकरणात जबाबदार कोण, असा प्रश्न उपस्थित केला जात आहे. टोल कर्मचाऱ्यांनी नियमानुसार प्रवेश नाकारला होता. मात्र, आमदाराच्या पीएच्या फोनवरून ट्रॉली सोडण्यात आली. त्यामुळे या अपघाताला कोण जबाबदार, याची चौकशी होणे आवश्यक आहे. तसेच, समृद्धी महामार्गावर अशा प्रकारच्या नियमांचे उल्लंघन होऊ नये, यासाठी कडक उपाययोजना करण्याची गरज असल्याचे मत व्यक्त केले जात आहे.

या प्रकरणानंतर विविध राजकीय पक्षांनी प्रतिक्रिया दिल्या आहेत. महाविकास आघाडीने सरकारवर टीका केली असून, जबाबदारांवर कडक कारवाईची मागणी केली आहे. तर सत्ताधारी पक्षाने या प्रकरणाची सखोल चौकशी करण्याचे आश्वासन दिले आहे. या प्रकरणामुळे राज्यातील राजकीय वातावरण तापले असून, या प्रकरणाचा राजकीय लाभ घेण्याचा प्रयत्न अनेक पक्ष करत असल्याचे दिसून येत आहे.

समृद्धी महार्गावर दुर्गादेवीची मूर्ती आणताना झालेल्या भीषण अपघातात सात भाविकांचा मृत्यू झाला आहे. कारंजा लाड टोल नाक्यावर ट्रॉली जोडलेल्या वाहनाच्या प्रवेशाला कर्मचाऱ्यांनी विरोध केला होता. मात्र, सत्ताधारी आमदाराच्या PAच्या फोननंतर ट्रॉली सोडल्याची माहिती समोर आली आहे. नियम डावलून धोका पत्करल्याने ही घटना घडली असून, जबाबदारांवर कडक कारवाई करण्याची मागणी केली जात आहे. या प्रकरणाचा तपास सुरू असून, लवकरच या प्रकरणातील सत्य समोर येईल, अशी माहिती दिली जात आहे.