लग्नासाठी २ विमानं बुक, १७ कोटी भरून पॅलेस बुक; बड्या बिझनेसमनच्या मुलाला लोहगडावरून दरीत ढकललं, होणारी बायकोच निघाली मास्टरमाईंड!

'आईला काय वाटत असेल?'; संजय देशमुखांवर टोमणे; नवीन कोंब उगवणाऱ्या कार्यकर्त्यांना संबोधले

क्रांती न्यूज (प्रतिनिधी) -  किरण देशमुख

यवतमाळ :  शिवसेना (उद्धव बाळासाहेब ठाकरे) गटाचे सहा खासदार फुटल्यानंतर आता पक्षप्रमुख उद्धव ठाकरे (Uddhav Thackeray) अॅक्शन मोडमध्ये आले आहेत. त्यांनी बंडखोर खासदारांच्या मतदारसंघाचा दौरा सुरू केला आहे. आज (२७ जून) ते खासदार संजय देशमुख यांच्या वाशिम-यवतमाळ मतदारसंघाच्या दौऱ्यावर आहेत. यवतमाळमध्ये झालेल्या सभेत उद्धव ठाकरे यांनी फुटलेल्या खासदारांवर तोफ डागत त्यांचा विश्वासघात उघडकीस आणला. त्यांनी संजय देशमुख यांचा एक जुना व्हिडिओही दाखवला, ज्यात देशमुख आईची शपथ घेऊन ठाकरेंसोबत राहण्याचे आश्वासन देत आहेत.

 'आईची शपथ घेऊन गद्दारी केली'

सभेत उद्धव ठाकरे म्हणाले, "संजय देशमुखांनी आईची शपथ घेऊन गद्दारी केली. आता त्या आईला काय वाटत असेल?" त्यांनी संजय देशमुख यांचा एक जुना व्हिडिओ सभेतील प्रेक्षकांना दाखवला. या व्हिडिओमध्ये संजय देशमुख म्हणत आहेत, "बाळासाहेब ठाकरेंचं एक वाक्य मला आजही आठवते. वयाच्या १५ व्या वर्षी शिवसैनिक झालो. माझी आई ८३ वर्षांची होती, तिने सांगितलं – शिवसेनेसाठी आपल्याला जायचं आहे."

ठाकरे पुढे म्हणाले, "आईची शपथ घेऊन जर एक गद्दारी करणार असेल, तर खरोखर आईला काय वाटत असेल? चूक आपल्या सगळ्यांची झाली, विशेषतः माझी झाली. आईची शपथ घेतल्यानंतर ह्यांनी पूर्वी एकदा आपल्याशी गद्दारी केली होतीच, तरी परत आले."

 'शिवसेना संपली, तरी ठाकरे उभा आहे'

उद्धव ठाकरे यांनी शिवसेनेवर झालेल्या संकटाचा उल्लेख करताना म्हटले, "आजपर्यंत एकदा झालं, शिवसेना संपली, पक्ष चोरला, चिन्ह चोरलं, तरी ठाकरे उभा आहे. मग आमदार फोडल्यानंतर शिवसेना संपली होती, तर तुमच्या विरोधात नाकावर टिचून या सर्व तमाम जनतेने नऊ खासदार आपल्या हक्काचे मशालीवर निवडून आणले होते."

त्यांनी प्रश्न उपस्थित केला, "ती फोडण्याची वेळ का आली?" उद्धव ठाकरे यांनी पक्ष सोडून गेलेल्या खासदारांच्या निष्ठेवर प्रश्नचिन्ह उपस्थित करताना, त्यांच्या कार्यकर्त्यांना आवाहन केले की, त्यांनी आपल्या मतदारांना गद्दारांचा समाचार घ्यायला सांगावे.

 'नवीन कोंब उगवणारे तुम्ही कट्टर निष्ठावान'

उद्धव ठाकरे यांनी आपल्या कार्यकर्त्यांना संबोधित करताना सांगितले, "पावसाळ्याची सुरुवात होते. एकदा का पाऊस पडला की नवीन कोंब फुटतात. तसा हा माझा पावसाळा आहे. सगळ्या कार्यकर्त्यांचं प्रेम हा माझा पावसाळा आहे. अनेक सडलेली पाने गेली, तरी परत पाऊस पडतो आणि नवीन कोम उगवतात."

"ते नवीन कोंब उगवणारे तुम्ही कट्टर निष्ठावान शिवसेनाप्रमुखांचे जीवाला जीव देणारे शिवसैनिक आहात," असे म्हणत त्यांनी कार्यकर्त्यांचे कौतुक केले.

 'गद्दारांच्या कळपात गेला'

ठाकरे म्हणाले, "पहिलं गद्दाराचा समाचार घ्यायला पाहिजे. कारण हे गद्दार आहेत. काही काही वेळेला माझी चूक होते." त्यांनी मतदारांची माफी मागताना सांगितले, "माझ्या सांगण्यावरून तुम्ही या गद्दाराला निवडून दिलं. आपण त्याला मतदान करताना बोटाला काळीशाही लावलीच, पण त्यांनी गद्दारी करून आपल्या विश्वासाला काळ फासलेला आहे."

"शेवटी गद्दारच गद्दारांच्या कळपात गेला. आता गद्दारांचा कळप म्हणजे काय? तीन-चार वर्षांपूर्वी गद्दार शिरोमणी जो बसला, तिकडे 'मिंधे' (एकनाथ शिंदे) यांनी ४० आमदार फोडले," असे म्हणत त्यांनी उपमुख्यमंत्री एकनाथ शिंदे यांच्यावरही टीका केली.

'आमदाराचा भाव ५० खोके, खासदाराचा किती?'

उद्धव ठाकरे यांनी विनोदी शैलीत टीका करताना म्हटले, "विदर्भामध्ये जेव्हा बैलपोळा होता, तेव्हा त्या बैलांवर लिहिलं होतं, '५० खोके'. आता मला सांगा, तेव्हा आमदाराचा भाव ५० खोके, तर खासदाराचा किती असेल? म्हणजे हा एक धंदा झालाय, निवडून यायचं, निवडून येऊन आपला हमीभाव वाढवायचा आणि विकून टाकायचं सगळं."

 'मोदींची लाट कुठे गेली?'

सत्ताधारी भाजपवर टीका करताना उद्धव ठाकरे म्हणाले, "तुमचे १८ खासदार मोदींच्या चेहऱ्यावर निवडून आले, असे सांगितले जात होते. पण माझ्या या शिवरायाच्या महाराष्ट्राने मोदींच्या भाजपला आडवा करून त्यांच्या छातीवर हक्काचे शिवसेनेचे आणि महाविकास आघाडीचे ३१ खासदार बसवले होते. कुठे गेली ती मोदींची लाट?"

तसेच, "विकास निधीचे बोंबलबोंबल करतात. दोन वर्षांत लोकसभेत हे किती वेळा हजर होते?" असा प्रश्न त्यांनी उपस्थित करत फुटीर खासदारांची कामगिरीही प्रश्नार्थक ठरवली.

 राजकीय परिणाम

या सभेला मोठ्या संख्येने शिवसैनिक उपस्थित होते. उद्धव ठाकरे यांनी नव्या ऊर्जेने आपल्या कार्यकर्त्यांना उभारी दिली. त्यांच्या या सभेचा परिणाम आगामी काळात या मतदारसंघात दिसून येण्याची शक्यता आहे.

फुटीर खासदार संजय देशमुख यांच्यावर केलेल्या हल्लाबोलामुळे ठाकरे गटाच्या कार्यकर्त्यांमध्ये नवी चेतना निर्माण झाली आहे. दुसरीकडे, 'आमदारांचा भाव ५० खोके, खासदारांचा किती?' असे म्हणून ठाकरेंनी खरेदी-विक्रीच्या राजकारणालाही छेद दिला आहे.

यवतमाळच्या सभेत उद्धव ठाकरे यांनी आपल्या सगळ्या आक्रमकतेने फुटीर खासदारांना जोरदार उत्तर दिले. संजय देशमुख यांचा जुना व्हिडिओ दाखवून त्यांनी 'आईची शपथ' आणि 'गद्दारी' हा मुद्दा जनतेपुढे ठेवला. त्यांनी 'नवीन कोंब' आणि 'पावसाळा' या रूपकातून कार्यकर्त्यांना नवी ऊर्जा दिली. दोन वर्षांच्या लोकसभा कामगिरीवर प्रश्न उपस्थित करून फुटीर खासदारांची निष्ठा आणि कार्यक्षमता दोन्ही प्रश्नार्थक ठरवली. या सभेने उद्धव ठाकरे यांच्या नेतृत्वाचा एक नवा अध्याय सुरू केला आहे.