वसंत ग्रामीण बिगर शेती सहकारी पतसंस्थेचा उद्या सुवर्ण महोत्सवी सोहळा!

 

 शेतकऱ्यांसाठी मोठा दिलासा; 'पुण्यश्लोक अहिल्यादेवी होळकर कर्जमाफी योजने'ची घोषणा

 ३० सप्टेंबर २०२५ पर्यंत थकित असलेले २ लाखांपर्यंतचे पीककर्ज होणार माफ; गोपीनाथ मुंडे योजनेत शेतमजुरांचा समावेश

मुंबई : महाराष्ट्राचा अर्थसंकल्प २०२६ (Maharashtra Budget 2026) सादर करताना मुख्यमंत्री देवेंद्र फडणवीस (Devendra Fadnavis) यांनी राज्यातील शेतकऱ्यांसाठी सर्वात मोठा दिलासा देणारी घोषणा केली आहे. 'पुण्यश्लोक अहिल्यादेवी होळकर शेतकरी कर्जमाफी योजने' (Punyashlok Ahilyadevi Holkar Farmer Loan Waiver Scheme) अंतर्गत पात्र शेतकऱ्यांचे २ लाख रुपयांपर्यंतचे पीककर्ज माफ करण्यात येणार आहे.

कोणाला मिळणार लाभ? 

मुख्यमंत्र्यांनी केलेल्या घोषणेनुसार, ३० सप्टेंबर २०२५ रोजी पीककर्ज थकित असलेल्या पात्र शेतकऱ्यांना या योजनेचा लाभ मिळेल. यामध्ये २ लाख रुपयांपर्यंतच्या कर्जाची पूर्ण माफी करण्यात येणार आहे. या निर्णयामुळे राज्यातील लाखो शेतकऱ्यांना मोठा आर्थिक दिलासा मिळणार आहे.

शेतमजुरांसाठी मोठी घोषणा

केवळ शेतकरीच नव्हे तर शेतमजूर यांच्यासाठीही सरकारने महत्त्वाचा निर्णय घेतला आहे. 'गोपीनाथ मुंडे शेतकरी अपघात विमा योजने'चा (Gopinath Munde Farmer Accident Insurance Scheme) लाभ आता शेतमजुरांनाही देण्यात येणार आहे. यामुळे अपघाताच्या प्रसंगी शेतमजूर कुटुंबांनाही आर्थिक संरक्षण मिळू शकेल.

कृषी जीडीपीचे महत्त्वाकांक्षी उद्दिष्ट

पुढील दृष्टीकोन स्पष्ट करताना मुख्यमंत्री फडणवीस यांनी २०४७ पर्यंत राज्याचा कृषी जीडीपी (Agriculture GDP) सध्याच्या ५५ अब्ज डॉलरवरून ५०० अब्ज डॉलरपर्यंत नेण्याचे उद्दिष्ट जाहीर केले. यासाठी १० ते १५ प्रमुख पिकांच्या एकात्मिक मूल्यसाखळी उभारण्यावर भर दिला जाणार आहे.

डिजिटल सेवांवर भर

शेतकऱ्यांना शासकीय योजना आणि अनुदान सहज उपलब्ध व्हावे यासाठी MahaDBT आणि Mahavedh सारख्या डिजिटल प्लॅटफॉर्मद्वारे एकात्मिक डिजिटल व्यवस्था उभारण्यात येणार आहे. यामुळे शेतकऱ्यांना योजनांचा लाभ घेण्यासाठी भटकंती करावी लागणार नाही.