म्हसवड : धुळदेवमध्ये भयानक अपघात, दोघे जागीच ठार; तीन जखमी

 

माण-खटावच्या कार्यकर्त्यावर पक्षाने दाखवला विश्वास; दुहेरी जबाबदारीने संघटनेला मिळणार बळकटी

म्हसवड, प्रतिनिधी: आम आदमी पार्टीने (महाराष्ट्र) सातारा जिल्ह्यातील आपले संघटन अधिक आक्रमक आणि प्रभावी करण्यासाठी महत्त्वपूर्ण पाऊल उचलले आहे. माण-खटाव तालुक्यातील सक्रिय सामाजिक कार्यकर्ते सोहम शिर्के यांची पक्षाच्या सातारा जिल्हा प्रवक्तेपदी नियुक्ती करण्यात आली आहे. शिर्के यांच्याकडे आधीच जिल्हा उपाध्यक्षपदाची जबाबदारी असताना, त्यांच्या कार्याची दखल घेत आता ही दुहेरी जबाबदारी सोपवण्यात आली आहे.

पक्षाचा अजेंडा आणि नियुक्तीचा उद्देश शिक्षण, आरोग्य, वीज आणि पाणी यांसारख्या मूलभूत प्रश्नांवर 'आम आदमी पार्टी' सातत्याने काम करत आहे. सातारा जिल्ह्यात पक्षाची भूमिका अधिक स्पष्टपणे मांडण्यासाठी आणि जनतेच्या प्रश्नांना वाचा फोडण्यासाठी अभ्यासू नेतृत्वाची गरज होती. सोहम शिर्के यांनी सामाजिक क्षेत्रात विविध आंदोलने आणि उपक्रमांच्या माध्यमातून जनसामान्यांचे प्रश्न लावून धरले आहेत. हीच कार्यक्षमता पाहून पक्षाने त्यांच्यावर ही नवीन जबाबदारी टाकली आहे.

जनतेचा आवाज शासनापर्यंत पोहोचवणार: सोहम शिर्के नियुक्तीनंतर आपली प्रतिक्रिया देताना सोहम शिर्के म्हणाले की, "पक्षाने माझ्यावर जो विश्वास दाखवला आहे, त्याबद्दल मी कृतज्ञ आहे. सातारा जिल्ह्यातील प्रत्येक नागरिकाचा आवाज आणि त्यांच्या समस्या शासनापर्यंत पोहोचवण्यासाठी मी कटिबद्ध असेन. पारदर्शक प्रशासन आणि सर्वसामान्यांचे हक्क मिळवून देण्यासाठी आमचा लढा सुरूच राहील."

यावेळी त्यांनी प्रदेश संघटन मंत्री संदीप देसाई आणि सातारा जिल्हाध्यक्ष धीरज जाधव यांचे विशेष आभार मानले.

जिल्ह्यात उत्साहाचे वातावरण सोहम शिर्के यांच्या या नियुक्तीमुळे सातारा जिल्ह्यात आम आदमी पार्टीचे संघटन अधिक मजबूत होईल, असा विश्वास राजकीय वर्तुळातून व्यक्त केला जात आहे. त्यांच्या निवडीबद्दल विविध स्तरांतील सामाजिक आणि राजकीय कार्यकर्त्यांकडून त्यांचे अभिनंदन व स्वागत होत आहे.