वसंत ग्रामीण बिगर शेती सहकारी पतसंस्थेचा उद्या सुवर्ण महोत्सवी सोहळा!

  "पुन्हा असं करताना दिसलास तर मारीन"; नाना पाटेकरांनी पंकज त्रिपाठींना 'त्या' भूमिकेनंतर का सुनावलं?

 रजनीकांतच्या 'काला'मध्ये पंकजची छोटी भूमिका पाहून नाना संतापले; म्हणाले - "तू आधीपासूनच मोठा अभिनेता आहेस"

मुंबई: बॉलिवूडमधील ज्येष्ठ अभिनेते नाना पाटेकर हे त्यांच्या रोखठोक शैलीसाठी ओळखले जातात. सहकलाकारांना हक्काने बोलण्याची त्यांची हीच शैली पुन्हा एकदा चर्चेत आली आहे. नुकत्याच दिलेल्या एका मुलाखतीत नाना यांनी अभिनेता पंकज त्रिपाठी याच्याशी संबंधित एक रंजक किस्सा सांगितला आहे.

काला चित्रपटातील घटना

नाना पाटेकर यांनी सांगितले की, ते रजनीकांत यांच्यासोबत 'काला' या तमिळ चित्रपटाचे शूटिंग करत होते. याच चित्रपटात पंकज त्रिपाठी एका पोलीस अधिकाऱ्याच्या छोट्या भूमिकेत दिसले होते. सेटवर पंकजला पाहताच नाना यांनी त्याला विचारले, "पंकज, तू इथे काय करतोयस?"

नाना यांनी का सुनावले?

पंकजने उत्तर दिले की ही एक छोटी भूमिका आहे. त्यावर नानांनी पुढे विचारले, "तू असा रोल का करतोयस?" तेव्हा पंकज म्हणाला, "तुम्ही आहात, अण्णा (रजनीकांत) आहेत, म्हणून तुमच्यासोबत काम करायचं होतं."

यावर नाना पाटेकरांनी त्याला स्पष्ट शब्दात सुनावले, "तू खूप मोठा अभिनेता आहेस. आमच्यासोबत काम करून तू मोठा होणार नाहीस, तू आधीपासूनच मोठा आहेस. पुन्हा कधी असे छोटे रोल केलेस ना, तर मी तुला मारेन."

आधीही एकत्र काम

नाना आणि पंकज यांनी 'काला'पूर्वी २००५ मध्ये प्रदर्शित झालेल्या 'अपहरण' चित्रपटात एकत्र काम केले होते. या चित्रपटात नाना यांनी नकारात्मक भूमिका साकारली होती. नाना यांचा हा किस्सा सध्या सोशल मीडियावर चांगलाच चर्चेत आहे. दरम्यान, दोन्ही अभिनेते सध्या त्यांच्या आगामी प्रकल्पांमध्ये व्यस्त असून लवकरच प्रेक्षकांच्या भेटीला येणार आहेत.