वसंत ग्रामीण बिगर शेती सहकारी पतसंस्थेचा उद्या सुवर्ण महोत्सवी सोहळा!

'सरके चुनर'वरून गदारोळ; संजय दत्तचा जुना पॅटर्न पुन्हा चर्चेत, 'चोली के पीछे' ते 'आईला रे'पर्यंत वादग्रस्त गाण्यांची लिस्ट

'केडी- द डेविल'मधील गाणे वादात, निर्मात्यांनी काढले यूट्यूबवरून; राष्ट्रीय मानवाधिकार आयोगाची नोटीस, नोरा फतेहीवरही टीकेची झोड

मुंबई: 'केडी- द डेविल' या चित्रपटातील 'सरके चुनर तेरी' या गाण्याने सध्या तुफान गदारोळ उडवून दिला आहे. गाण्यातील कथित अश्लील आणि आक्षेपार्ह शब्दांमुळे तीव्र नाराजी व्यक्त होत असतानाच, या प्रकरणी राष्ट्रीय मानवाधिकार आयोगानेही निर्मात्यांना नोटीस बजावली आहे. वाद इतका वाढला की, निर्मात्यांनी हे गाणे यूट्यूबसह सर्व डिजिटल प्लॅटफॉर्मवरून हटवले आहे. या गाण्यातील बोल्ड सादरीकरणासाठी अभिनेत्री नोरा फतेहीवर टीका होत असली, तरी या गाण्याचा भाग असलेला संजय दत्तही चर्चेत आला आहे. विशेष म्हणजे, अशा प्रकारच्या वादग्रस्त आणि बोल्ड गाण्यांशी संजय दत्तचा संबंध हा काही नवीन नाही.

'चोली के पीछे'पासूनच वादांची सुरुवात

१९९३ साली प्रदर्शित झालेल्या 'खलनायक' चित्रपटातील 'चोली के पीछे क्या है' हे गाणे त्या काळात प्रचंड वादात सापडले होते. त्याच चित्रपटातील 'नायक नहीं खलनायक हूं मैं' या गाण्यातून संजय दत्तची 'बॅड बॉय' इमेज अधिक ठळक झाली. समाजाच्या चौकटीत न बसणारे बोल आणि सादरीकरण यामुळे ही गाणी आजही चर्चेत असतात.

रोमॅंटिक गाण्यांतही वाद ओढवला

संजय दत्तच्या 'यलगार' चित्रपटातील 'आखिर तुम्हें आना है' हे गाणे रोमॅंटिक असले, तरी त्यातील काही स्टेप्स आणि एक्सप्रेशन्समुळे ते वादात आले होते. त्याचप्रमाणे 'मुन्ना भाई एमबीबीएस'मधील 'देख ले' या गाण्यातही बोल्ड सादरीकरण पाहायला मिळाले.

'आईला रे' ते 'शेक इट सैयां' - वादग्रस्त गाण्यांची यादी

२००० साली आलेल्या 'जंग' चित्रपटातील 'आईला रे लड़की मस्त मस्त' हे गाणेही खूप लोकप्रिय झाले, पण त्यातील काही ओळींवरून चर्चा रंगली. याशिवाय 'रास्कल्स'मधील 'शेक इट सैयां'सारखी गाणीही या यादीत सामील आहेत. अशाप्रकारे 'चोली के पीछे'पासून ते 'सरके चुनर'पर्यंत संजय दत्तच्या चित्रपटांमधील अनेक गाणी वादाच्या भोवऱ्यात अडकली आहेत.