वसंत ग्रामीण बिगर शेती सहकारी पतसंस्थेचा उद्या सुवर्ण महोत्सवी सोहळा!

"जिंकले तर जिंकले... ते कप घरी नेतील, माझ्या घरी नाही"; भारताच्या विजयानंतर चुकलेल्या भविष्यवाणीवर मोहम्मद आमिरची प्रतिक्रिया

टीम इंडियाच्या विजयाने मोहम्मद आमिरचा खोडरबर; तिसऱ्यांदा टी-20 विश्वचषक जिंकत भारतानं रचला इतिहास

भारताच्या विजयाने मोहम्मद आमिरच्या भविष्यवाणीवर पाणी; 'जिंकले तर जिंकले' म्हणत माजी पाकिस्तानी खेळाडूची प्रतिक्रिया

भारताने आयसीसी टी-२० विश्वचषक २०२६ च्या अंतिम सामन्यात न्यूझीलंडचा ९६ धावांनी दारुण पराभव करत सलग दुसऱ्यांदा आणि एकूण तिसऱ्यांदा जेतेपद पटकावले. मात्र या विजयाने पाकिस्तानचा माजी दिग्गज खेळाडू मोहम्मद आमिरच्या भविष्यवाणीला पूर्णपणे खोडरबर लावला.

भारताने सुपर-८ मध्ये वेस्ट इंडिजचा, सेमीफायनलमध्ये इंग्लंडचा आणि फायनलमध्ये न्यूझीलंडचा पराभव करत एकहाती वर्चस्व प्रस्थापित केलं. उल्लेखनीय म्हणजे, आमिरने सुपर-८ मध्ये वेस्ट इंडिज, सेमीफायनलमध्ये इंग्लंड आणि फायनलमध्ये न्यूझीलंड भारताला पराभूत करेल, अशा तिन्ही भविष्यवाणी केल्या होत्या. मात्र भारताने स्पर्धेत अपराजित राहत आमिरच्या सर्व अंदाजांवर पाणी फेरलं.

सामन्यानंतर आमिरला भारताच्या विजयाबद्दल विचारलं असता त्याने दिलेल्या प्रतिक्रियेची सध्या सोशल मीडियावर चर्चा आहे. "जिंकले तर जिंकले... ते विश्वचषक आपल्या घरी नेतील. माझ्या घरी तर आणणार नाहीत," असं आमिर म्हणाला. तो पुढे म्हणाला, "मी २००४ पासून न्यूझीलंडला फॉलो करतोय. पण न्यूझीलंडचा संघ एवढा दबावात खेळताना मी कधी पाहिलं नव्हतं. हे श्रेय टीम इंडियालाच द्यायला हवं. सेमीफायनल आणि फायनलमध्ये भारताने दमदार कामगिरी केली."

संजू-अभिषेकच्या तुफानी फलंदाजीसमोर न्यूझीलंडची पिळवणूक

अंतिम सामन्यात भारताने प्रथम फलंदाजी करताना न्यूझीलंडच्या गोलंदाजीच्या चिंधड्या उडवल्या. संजू सॅमसन, अभिषेक शर्मा आणि इशान किशन यांच्या तुफानी अर्धशतकांच्या जोरावर भारताने २० षटकांत ५ बाद २५५ धावांचा डोंगर उभा केला. प्रत्युत्तरात न्यूझीलंडचा संपूर्ण संघ केवळ १५९ धावांवर गारद झाला. जसप्रीत बुमराने ४ तर अक्षर पटेलने ३ विकेट्स घेत न्यूझीलंडचा डाव गुंडाळला.

टी-२० विश्वचषक लागोपाठ दुसऱ्यांदा आणि एकूण तिसऱ्यांदा जिंकणारा भारत पहिलाच संघ ठरला आहे. विजयानंतर भारतीय खेळाडूंनी कुटुंबीयांसह जल्लोषात मोठ्या प्रमाणात सेलिब्रेशन केलं.