वसंत ग्रामीण बिगर शेती सहकारी पतसंस्थेचा उद्या सुवर्ण महोत्सवी सोहळा!

 

 राज्यसभा निवडणूक: शरद पवारांच्या फॉर्म भरण्यावरून आदित्य ठाकरे बोलले, 'मी नाराज नव्हतो...'

 फॉर्म भरण्याच्या कार्यक्रमाला अनुपस्थितीमुळे चर्चांना उधाण; आदित्य म्हणाले- 'मी उदयपूरला होतो, अर्जुनच्या लग्नामुळे येऊ शकलो नाही'

: राज्यसभेच्या एका जागेसाठी महाविकास आघाडीकडून शरद पवार (Sharad Pawar) यांच्या नावावर शिक्कामोर्तब झाल्यानंतही आदित्य ठाकरे (Aaditya Thackeray) यांची नाराजी कायम असल्याच्या चर्चा सुरू होत्या. शरद पवार यांनी उमेदवारी अर्ज दाखल केला त्यावेळी आदित्य ठाकरे उपस्थित नव्हते. यामुळेच ही चर्चा अधिक रंगू लागली. मात्र, या सर्व चर्चांवर आता आदित्य ठाकरे यांनी आपली भूमिका स्पष्ट केली आहे. 'मी नाराज नव्हतो. मी उदयपूरला होतो', असं सांगत त्यांनी अनुपस्थितीचं कारणही दिलं.

नेमकं प्रकरण काय?

महाविकास आघाडीच्या वाट्याला आलेल्या राज्यसभेच्या एकमेव जागेसाठी आदित्य ठाकरे आग्रही होते. पण, काँग्रेस आणि राष्ट्रवादीने शरद पवार यांचं नाव पुढे केल्यानंतर ही जागा त्यांना जाणार हे जवळपास नक्की झालं. या पार्श्वभूमीवर शरद पवार अर्ज दाखल करताना आदित्य ठाकरे यांची गैरहजेरी चर्चेचा विषय ठरली होती.

आदित्य ठाकरे काय म्हणाले?

माध्यमांशी बोलताना आदित्य ठाकरे यांनी आपली बाजू मांडली,

शरद पवारांबद्दल आदर: "शरद पवार यांचं राजकारणातलं स्थान आणि त्यांच्याबद्दलचा आदर याबद्दल दुमत नाही. माझ्या आजोबांपासूनचे त्यांच्यासोबतचे पारिवारिक संबंध आहेत."

पक्षहितासाठी भूमिका: "मी जी भूमिका मांडली ती पक्षहिताची होती. यामध्ये माझा कोणताही स्वार्थ नव्हता. राज्यसभेची ही संधी गेल्यानंतर आता २०२९ पर्यंत शिवसेनेला (ठाकरे गट) ही संधी मिळणार नाही."

मातोश्रीवर बैठक: "कोणतीही घोषणा पत्रकार परिषदेत न होता मातोश्रीवर बैठक झाल्यानंतरच व्हावी, अशी आमची अपेक्षा होती. जयंत पाटील आणि सुप्रिया सुळे मातोश्रीवर आले होते."

निर्णय सर्वांच्या संमतीने: "काल जो निर्णय झाला तो सर्वांच्या संमतीने झाला. काँग्रेस, राष्ट्रवादी आणि शिवसेनेनंतो मान्यता दिली."

अनुपस्थितीचं कारण: "ज्या दिवशी काँग्रेस आणि राष्ट्रवादीने पत्रकार परिषद घेतली, त्या दिवशी मी उदयपूरला होतो. काल (अर्ज भरण्याच्या दिवशी) अर्जुनचं लग्न होतं, त्यामुळे मी येऊ शकलो नाही. मी नाराज नव्हतो."

आदित्य ठाकरे यांनी आपली भूमिका स्पष्ट करत अनुपस्थितीबद्दलच्या सर्व चर्चांना पूर्णविराम दिला आहे.