क्रांती न्यूज (प्रतिनिधी) - किरण देशमुख
वडनगर (गुजरात) - पंतप्रधान नरेंद्र मोदी (Prime Minister Narendra Modi) यांचा आज ७६ वा वाढदिवस (Birthday) असून त्यानिमित्ताने गुजरातच्या (Gujarat) वडनगर (Vadnagar) येथे 'सेवा संकल्प अभियान' (Seva Sankalp Abhiyaan) आयोजित करण्यात आले आहे. या कार्यक्रमात केंद्रीय गृहमंत्री अमित शाह (Amit Shah) आणि महाराष्ट्राचे उपमुख्यमंत्री एकनाथ शिंदे (Eknath Shinde) उपस्थित होते.
यावेळी एकनाथ शिंदे यांनी आपल्या भाषणाची सुरुवात गुजराती भाषेत केली. "वडनगरनी धरतीना सपूत, देश अने दुनियाना लाडला बनी गया छे. आज आ धरती ऊपर आवीने गर्व अनुभवूं छूं," असे ते म्हणाले. तसेच, महाराष्ट्राच्या वतीने आणि साडेबारा कोटी जनतेच्या तसेच शिवसेनेच्या वतीने पंतप्रधान नरेंद्र मोदी यांना त्यांनी वाढदिवसाच्या शुभेच्छा दिल्या.
एकनाथ शिंदे म्हणाले की, एनडीएच्या बैठकीत केंद्रीय गृहमंत्री अमित शाह यांनी सांगितले होते की, यावेळी पंतप्रधान मोदी यांच्या वाढदिवसाचा कार्यक्रम म्हणजे २५ वर्षे त्यांना आपण मुख्यमंत्री आणि पंतप्रधानपदाच्या रूपात पाहिले आहे. ही खूप मोठी गोष्ट आहे. ही गोष्ट आपल्या देशाचा अभिमान आहे. त्यामुळे आपल्याला हा दिवस आनंदात साजरा करायला हवा. आपल्या शासकीय योजना प्रत्येक गरीबापर्यंत पोहोचवण्याचे काम आपल्याला करायचे आहे. त्यानुसार हा कार्यक्रम आज पार पडत आहे, असे त्यांनी म्हटले.
भाषणात पुढे बोलताना एकनाथ शिंदे म्हणाले की, "मोदीजींच्या बाबतीत आम्ही वयाचे आकडे मोजत नाही, तर त्यांच्या कर्तृत्वाच्या उंचीला आम्ही मोजतो. मोदीजींच्या कर्तृत्वाची गणना हिमालयाच्या उंचीने होते आणि जनतेप्रति त्यांचे कार्य अरबी समुद्राच्या खोलीने मोजले जाऊ शकते."
ते पुढे म्हणाले, "वडनगरच्या मातीतून एका लहान बालकाचा आवाज घुमला, तो केवळ गुजरातमध्ये किंवा देशातच नाही, तर परदेशातही आज घुमतोय; ही आपल्या सर्वांसाठी सौभाग्याची गोष्ट आहे. म्हणूनच वडनगर ते वाराणसी ही ऐतिहासिक सेवा यात्रा केवळ एक प्रवास नसून ही सेवेकडून समर्पणाकडे जाणारी एक अद्भुत यात्रा आहे. सेवेकडून संकल्पापर्यंत, संकल्पातून परिवर्तनापर्यंत आणि परिवर्तनातून 'विकसित भारत'च्या लक्ष्यापर्यंत पोहोचण्यासाठी ही अविस्मरणीय यात्रा आहे."
"२५ वर्षांत त्यांची पदे बदलत गेली, जबाबदाऱ्या वाढत गेल्या, पण एक गोष्ट कधीच बदलली नाही, ती म्हणजे सेवेचा संकल्प. ही खूप मोठी गोष्ट आहे," असे म्हणत त्यांनी पंतप्रधान नरेंद्र मोदींचे कौतुक केले.
एकनाथ शिंदे पुढे म्हणाले की, "जेव्हा देशाचा पंतप्रधान बदलतो, तेव्हा फक्त सरकार बदलत नाही, तर देशाचे भविष्य बदलते; तोच करिष्मा २०१४ नंतर आपण पाहिला आहे."
ते म्हणाले, "एक गरीब आई जिच्या घरात गॅसची शेगडी पेटली, एक कुटुंब ज्याला आपले पक्के घर मिळाले, एक व्यक्ती ज्याचे पहिल्यांदा बँक खाते उघडले आणि एक कुटुंब ज्याच्या घरात नळाने पाणी पोहोचले; अन्न, वस्त्र आणि निवारा देण्याचे काम आपले पंतप्रधान नरेंद्र मोदी यांनी केले आहे, हाच जनसेवेचा वास्तविक अर्थ आहे."
"मोदीजींच्या काळात आज देश प्रगती करत आहे आणि देश नव्या उंचीच्या शिखरावर पोहोचत आहे. अनेक देशांची अर्थव्यवस्था डगमगली आहे, पण आपण दहाव्या क्रमांकावरून चौथ्या क्रमांकावर आलो आहोत आणि तिसऱ्या क्रमांकावर येण्याचा संकल्प आहे," असे ते म्हणाले.
"'मेक इन इंडिया', 'स्टार्टअप इंडिया' आणि 'आत्मनिर्भर भारत' यांसारखी अभियाने वेगाने पुढे जात आहेत," असे सांगताना त्यांनी या योजनांचा उल्लेख केला.
"३७० कलम पंतप्रधान नरेंद्र मोदीजी यांच्या नेतृत्वात आणि अमित शाह यांच्या मार्गदर्शनात हटवून, 'काश्मीर हा आपल्या देशाचा अविभाज्य भाग आहे' हे दाखवण्याचे कामही आपल्या मोदीजींनी केले आहे," असे ते म्हणाले.
जेव्हा जेव्हा देशाच्या सुरक्षेची गोष्ट येते, तेव्हा भारत शत्रू राष्ट्राच्या घरात घुसून मारण्याची क्षमता ठेवतो, हेच मोदीजी आणि आपल्या सैन्याने दाखवून दिले आहे; हा नवा भारत आहे," असेही एकनाथ शिंदे म्हणाले.
| मुद्दा | तपशील |
| कार्यक्रम | सेवा संकल्प अभियान, वडनगर (गुजरात) |
| निमित्त | पंतप्रधान नरेंद्र मोदी यांचा ७६ वा वाढदिवस |
| उपस्थित | अमित शाह, एकनाथ शिंदे |
| शिंदेंची सुरुवात | गुजराती भाषेत भाषण |
| मोदींवरील कौतुक | 'कर्तृत्वाची उंची हिमालयासारखी, जनसेवा अरबी समुद्राच्या खोलीइतकी' |
| पंतप्रधानांचे वर्णन | '२५ वर्षांत पदे बदलली, सेवेचा संकल्प नाही' |
| अर्थव्यवस्था | '१० व्या क्रमांकावरून ४ थ्या क्रमांकावर आलो' |
| ३७० कलम | 'काश्मीर अविभाज्य भाग असल्याचे दाखवले' |
Post a Comment
Hi, thanks for reaching out to us! We’ve received your message and will get back to you shortly.
नमस्कार, आमच्याशी संपर्क साधल्याबद्दल धन्यवाद! आम्हाला तुमचा संदेश मिळाला आहे आणि आम्ही लवकरच तुमच्याशी संपर्क साधू.