‘रुबाब’: रक्तपाताच्या अट्टहासापेक्षा समजुतीच्या माणुसकीवर भाष्य करणारा चित्रपट

 सलग दुसऱ्या दिवशी वाढलेले दर; मध्यपूर्व तणाव, डॉलरमधील कमजोरीमुळे सोन्याला पाठिंबा; अक्षय तृतीयेपूर्वी खरेदीला वेग येणार

मुंबई : अक्षय तृतीयेचा सण (१९ एप्रिल) जवळ आल्याने सोन्याच्या खरेदीला पुन्हा वेग येण्याची शक्यता आहे. या पार्श्वभूमीवर आज (शनिवार, ११ एप्रिल) रोजी सोन्याच्या दरात वाढ नोंदवली गेली आहे. मध्यपूर्वेतील तणाव, जागतिक बाजारातील मजबूत मागणी आणि डॉलरमधील कमजोरी यामुळे सोन्याच्या किमतीत वाढ होत असल्याचे दिसत आहे. सलग दुसऱ्या दिवशी सोन्याचे दर वाढले असून तिसऱ्या आठवड्यातही तेजीचा कल कायम आहे. 

शहरनिहाय सोन्याचे दर (प्रति ग्रॅम):

| शहर | २४ कॅरेट (₹ प्रति ग्रॅम) | २२ कॅरेट (₹ प्रति ग्रॅम) |

| दिल्ली | १५,२९९ | १४,०२५ |

| मुंबई | १५,२८४ | १४,०१० |

| कोलकाता | १५,२८४ | १४,०१० |

| चेन्नई | १५,३८२ | १४,१०० |

| बेंगळुरू | १५,२६८ | १३,९९६ |

| हैदराबाद | १५,२८० | १४,००७ |

| पुणे | १५,२६० | १३,९८९ |

IBJA नुसार सोन्याचे दर (प्रति ग्रॅम):

इंडिया बुलियन अँड ज्वेलर्स असोसिएशन (IBJA) ने विविध कॅरेटसाठी खालील बेंचमार्क दर जारी केले आहेत:

| कॅरेट | शुद्धता | भाव (₹ प्रति ग्रॅम) |

| २४ कॅरेट | ९९.९% | १५,०३३ |

| २२ कॅरेट | ९१.६% | १४,६७२ |

| २० कॅरेट | ८३.३% | १३,३७९ |

| १८ कॅरेट | ७५.०% | १२,१७७ |

| १४ कॅरेट | ५८.३% | ९,६९६ |

रिटेल ज्वेलर्सचे दर (२२ कॅरेटसाठी):

रिटेल बाजारात तनिष्क, कल्याण ज्वेलर्स, मालाबार गोल्ड अँड डायमंड्स आणि जॉयलुक्कास यांसारख्या आघाडीच्या ज्वेलर्सकडे २२ कॅरेट सोन्याचे दर सुमारे ₹१३,९६५ ते ₹१४,०६५ प्रति ग्रॅम दरम्यान आहेत. शोरूमनुसार दरांमध्ये थोडाफार फरक दिसून येतो. 

चांदीचा दर:

९९९ शुद्धतेच्या चांदीचा भाव ₹२,३९,९३४ प्रति किलो आहे. 

अक्षय तृतीयेपूर्वी सोन्यात तेजीची शक्यता

अक्षय तृतीया (१९ एप्रिल) जवळ आल्याने पुढील काही दिवसांत सोन्याच्या दरात आणखी चढ-उतार होण्याची शक्यता व्यक्त केली जात आहे. सणासुदीच्या काळात सोन्याच्या मागणीत वाढ होण्याचा अंदाज आहे. विश्लेषकांच्या मते, भू-राजकीय तणाव, जागतिक बाजारातील अनिश्चितता आणि केंद्रीय बँकांची खरेदी यामुळे सोन्याला पाठिंबा मिळत आहे. 

दैनंदिन वापरासाठी किती कॅरेटचे सोने टिकाऊ? खरेदीपूर्वी वाचा!

सोन्याचे दागिने घालण्याची आवड महिलांसोबतच पुरुषांनाही असते. मात्र, दागिन्यांची खरेदी करताना अनेकदा गोंधळ होतो की, रोजच्या वापरासाठी (Daily Wear) किती कॅरेटचे सोने निवडावे? सामान्यतः आपल्यासमोर १४-कॅरेट (14K) आणि १८-कॅरेट (18K) असे दोन मुख्य पर्याय असतात.

शुद्ध सोने (२४-कॅरेट) अत्यंत मऊ असते, त्यामुळे ते सहज वाकू शकते किंवा तुटू शकते. म्हणूनच २४-कॅरेटचे दागिने रोज वापरण्यासाठी योग्य मानले जात नाहीत. 

१४-कॅरेट (14K):

यात ५८.३% शुद्ध सोने असते. हे सोने जास्त मजबूत आणि टिकाऊ असते. त्यामुळे अंगठ्या किंवा साखळी यांसारख्या रोज वापरल्या जाणाऱ्या दागिन्यांसाठी हा सर्वोत्तम पर्याय आहे. १८-कॅरेटच्या तुलनेत हे अधिक कडक असल्याने ते झिजण्याची शक्यता खूप कमी असते. 

१८-कॅरेट (18K):

यात ७५% शुद्ध सोने असते. हे दागिने दिसायला अधिक पिवळसर, उठावदार आणि समृद्ध रंगाचे असतात. विशेष समारंभ किंवा स्टाईल दाखवण्यासाठी १८-कॅरेटचे दागिने अधिक उपयुक्त ठरतात. मात्र, यातील शुद्ध सोन्याचे प्रमाण अधिक असल्याने ते तुलनेने मऊ असते आणि त्याला ओरखडे पडू शकतात. 

कॅरेट' म्हणजे नक्की काय?

दागिन्यांवर असलेले 14K किंवा 18K सारखे मार्क सोन्याची शुद्धता दर्शवतात. कॅरेटचा आकडा जेवढा जास्त, तेवढे सोने अधिक शुद्ध असते. मात्र, शुद्ध सोने अत्यंत लवचिक असल्याने त्याचा आकार लवकर बिघडू शकतो किंवा त्यावर ओरखडे (Scratches) पडू शकतात. सोने मजबूत करण्यासाठी त्यात तांबे किंवा चांदी यांसारखे इतर धातू मिसळले जातात, ज्याला 'मिश्रधातू' (Alloy) म्हणतात. कॅरेट सिस्टम हेच सांगते की, त्या विशिष्ट दागिन्यात शुद्ध सोन्याचा किती हिस्सा आहे. 

तुमचे सोने किती शुद्ध? कॅरेटनिहाय शुद्धता:

१. २४-कॅरेट (24K): हे ९९.९% शुद्ध असते आणि याचा रंग गडद पिवळा असतो. (रोजच्या वापरासाठी योग्य नाही)

२. २२-कॅरेट (22K): यात ९१.६% शुद्ध सोने असते. हे दागिन्यांसाठी सर्वाधिक वापरले जाते.

३. १८-कॅरेट (18K): यात ७५% शुद्ध सोने आणि २५% इतर धातू असतात. विशेष प्रसंगीच्या दागिन्यांसाठी उत्तम.

४. १४-कॅरेट (14K): यात ५८.३% शुद्ध सोने असते. रोजच्या वापरासाठी सर्वात टिकाऊ पर्याय. 

ग्राहकांसाठी महत्त्वाच्या सूचना:

दागिने खरेदी करताना फक्त सोन्याच्या भावापेक्षा मेकिंग चार्जेस, वेस्टेज चार्जेस आणि GST यांचाही विचार करणे गरजेचे आहे. दर शोरूमनुसार बदलू शकतात. अक्षय तृतीयेसारख्या मुहूर्तावर मोठी खरेदी करण्यापूर्वी वेगवेगळ्या ज्वेलर्सचे दर नक्की तपासा.