वसंत ग्रामीण बिगर शेती सहकारी पतसंस्थेचा उद्या सुवर्ण महोत्सवी सोहळा!

 🔎 धक्कादायक: जेफ्री एपस्टीनच्या जाळ्यात भारतीय मुलगीही; नवीन फाइल्समध्ये माजी केंद्रीय मंत्र्यांसह पीआर किंगचाही उल्लेख

न्यूयॉर्क/नवी दिल्ली: जगभरातील राजकारणी आणि सेलिब्रिटींना आपल्या जाळ्यात ओढणाऱ्या जेफ्री एपस्टीन प्रकरणाच्या नवीन कागदपत्रांमधून (Files) मोठी माहिती उघड झाली आहे. एका भारतीय तरुणीचे एपस्टीनने लैंगिक शोषण केल्याचा खुलासा झाला असून, अमेरिकन अधिकारी तिला नुकसान भरपाई देण्यासाठी भारतात शोधत होते, अशी माहिती समोर आली आहे.

🇮🇳 पीडित भारतीय मुलीचा शोध

१३ जानेवारी २०२० च्या एका ई-मेलनुसार, अमेरिकन अधिकाऱ्यांमध्ये भारतातील एका पीडितेबाबत चर्चा झाली होती. एपस्टीनच्या मृत्यूनंतर स्थापन करण्यात आलेल्या 'पीडित नुकसान भरपाई निधी'तून तिला मदत मिळवून देण्यासाठी तिचा पत्ता आणि माहिती गोळा करण्याचे आदेश देण्यात आले होते. या प्रक्रियेत भारतातील अमेरिकन दूतावासाची मदत घेण्याबाबतही ई-मेलमध्ये उल्लेख आहे.

🏛️ माजी केंद्रीय मंत्री डॉ. हर्षवर्धन यांचा उल्लेख

या नवीन फाइल्समध्ये केवळ पीडितेचाच नाही, तर भारताच्या राजकीय क्षेत्रातील व्यक्तींचाही उल्लेख आहे:

• बिल गेट्स आणि एपस्टीन संवाद: ५ जून २०१४ च्या एका मेलमध्ये एपस्टीनने बिल गेट्सला विचारले होते की, १७ सप्टेंबर रोजी भारतात त्यांची डॉ. हर्षवर्धन (त्यावेळचे केंद्रीय आरोग्य मंत्री) यांच्याशी भेट निश्चित आहे का?

• पीआर किंग दिलीप चेरियन: २ एप्रिल २०१७ च्या एका मेलमध्ये भारताचे प्रसिद्ध पीआर व्यावसायिक दिलीप चेरियन यांचाही उल्लेख आहे. एपस्टीनचा सहकारी गिनो यू याने दिलीप चेरियन यांना पॅरिसमध्ये भेटण्याबाबत विचारणा केली होती.

⛓️ कोण होता जेफ्री एपस्टीन?

जेफ्री एपस्टीन हा न्यूयॉर्कमधील एक अब्जाधीश फायनान्सर होता. त्याचे अमेरिकेचे माजी राष्ट्राध्यक्ष, राजपुत्र आणि जगभरातील बड्या हस्तींशी जवळचे संबंध होते.

• आरोप: त्याच्यावर अल्पवयीन मुलींचे लैंगिक शोषण आणि 'सेक्स ट्रॅफिकिंग'चा (मानवी तस्करी) आरोप होता.

• मृत्यू: २०१९ मध्ये तुरुंगात असताना त्याने आत्महत्या केली.

• सहकारी: त्याची पार्टनर घिसलीन मॅक्सवेल सध्या २० वर्षांची शिक्षा भोगत आहे.

✈️ 'लोलिता एक्सप्रेस' आणि शोषणाचे जाळे

तपासात असे समोर आले होते की, एपस्टीनकडे 'लोलिता एक्सप्रेस' नावाचे एक खासगी विमान होते. या विमानातून तो अल्पवयीन मुलींना आपल्या खासगी बेटावर किंवा आलिशान व्हिलामध्ये घेऊन जात असे. तिथे मुलींना पैसे आणि दागिन्यांचे आमिष दाखवून किंवा धमकावून त्यांच्यावर लैंगिक अत्याचार केले जात असत. २०१७ मध्ये सुरू झालेल्या 'मी टू' (#MeToo) चळवळीनंतर अनेक महिलांनी समोर येत एपस्टीनच्या पापांचा पाढा वाचला होता.