क्रांती न्यूज (प्रतिनिधी) - किरण देशमुख
मुंबई - नवसाला पावणारा अशी ख्याती असलेल्या 'लालबागचा राजा' (Lalbaugcha Raja) च्या दर्शनासाठी देशभरातून भाविक गर्दी करत आहेत. तासन् तास लांबलचक रांगा लावून फक्त काहीच सेकंदासाठी राजाच्या पायावर डोकं टेकवण्यासाठी सर्वसामान्य गर्दी करतात, पण सेलिब्रिटी मात्र या जीवघेण्या गर्दीतून थेट काही मिनिटांतच 'लालबागचा राजा'च्या चरणाशी पोहोचतात आणि मन तृप्त होईपर्यंत दर्शन घेतात. तिथेच उभं राहून सेल्फी काढतात, व्हिडीओ कॉल्स करतात. त्यामुळे सध्या 'लालबागचा राजा'च्या दर्शनाला असणारी गर्दी आणि 'VIP कल्चर' हा नेहमीच वादाचा विषय ठरतोय.
पण, या 'VIP कल्चर'ला छेद देऊन 100 कोटींचा मराठमोळा सिनेमा 'सैराट' ची मुख्य अभिनेत्री असलेली रिंकु राजगुरू (Rinku Rajguru) हिनं मात्र, सर्वांना कौतुक वाटेल, असं दर्शन घेतलं.
100 कोटींच्या मराठी सिनेमातून घराघरांत पोहोचलेली अभिनेत्री रिंकु राजगुरूचा (Actress Rinku Rajguru) एक व्हिडिओ व्हायरल (Rinku Rajguru Viral Video) होतोय. ज्यामध्ये ती दर्शन रांगेत 'लालबागचा राजा'च्या दर्शनासाठी उभी असलेली पाहायला मिळतेय.
आसपास चेंगराचेंगरी वजा गर्दी तरी रिंकु त्या गर्दीत सामान्य भाविकांच्या दर्शनरांगेत उभी असल्याचं पाहायला मिळतंय. गर्दीतही ती अगदी सर्वसामान्य भाविकांप्रमाणे दर्शनासाठी वाट पाहताना दिसतेय.
विशेष म्हणजे, आजूबाजूला असलेल्या काही लोकांशीही ती मनमोकळेपणानं बोलताना दिसतेय. त्यामुळे तिच्या या साध्या आणि सहज वागण्यानं अनेकांचं लक्ष वेधून घेतलंय.
रिंकु राजगुरूचा व्हिडिओ सोशल मीडियावर जोरदार व्हायरल होतोय. तिच्या साधेपणाची जोरदार चर्चा सुरू आहे.
एवढी गाजलेली अभिनेत्री असूनही तिनं 'लालबागचा राजा'च्या चरणी नतमस्तक होण्यासाठी VIP मार्ग न निवडता, सर्वसामान्य भाविकांसोबत रांगेत उभं राहणं पसंत केलं. रिंकुनं उचललेल्या या पावलामुळे तिचं सर्वत्र कौतुक होतंय. तसेच, तिचा व्हिडिओसुद्धा जोरदार व्हायरल होतोय.
एका युजरनं म्हटलंय की, '100 कोटींचा सिनेमा देऊनही किती साधी आहे ही...'
आणखी एका युजरनं खरंच कौतुक आहे, हिचं...' असं म्हटलंय.
'लालबागचा राजा' हा मुंबईतील सर्वात प्रसिद्ध आणि नवसाला पावणारा गणपती मानला जातो. दरवर्षी लाखो भाविक या गणपतीच्या दर्शनासाठी येतात. त्यामुळे येथे VIP दर्शनाची व्यवस्था असते.
सेलिब्रिटींना काही मिनिटांतच दर्शन मिळतं, तर सर्वसामान्य भाविकांना तासन् तास रांगेत थांबावं लागतं. यामुळे 'VIP कल्चर'वर नेहमीच टीका होत असते. रिंकुने मात्र या कल्चरला छेद देत सर्वसामान्य भाविकांसोबत रांगेत उभं राहून दर्शन घेतलं.
| मुद्दा | तपशील |
| अभिनेत्री | रिंकु राजगुरू ('सैराट' फेम) |
| घटना | 'लालबागचा राजा'चं दर्शन |
| विशेष | सामान्य भाविकांच्या रांगेत उभी |
| व्हिडिओ | सोशल मीडियावर व्हायरल |
| प्रतिक्रिया | नेटकऱ्यांचं कौतुक |
| संदेश | VIP कल्चरला छेद |
Post a Comment
Hi, thanks for reaching out to us! We’ve received your message and will get back to you shortly.
नमस्कार, आमच्याशी संपर्क साधल्याबद्दल धन्यवाद! आम्हाला तुमचा संदेश मिळाला आहे आणि आम्ही लवकरच तुमच्याशी संपर्क साधू.